من حقنا نفرح ..
من حقنا نهلل ونكبر ..
من حقنا نزغرد ونبكي فرح كمان ..
البلد دي حقتكم انتوا الشعب المسكين دا٬ قرابة السنة ونص شوفتوا فيها وحصل ليكم ابشع الجرائم من الجنجويد الكلاب ديل٬ كل يوم عايشين على جرائم وانتهاكات الواحد ما بصدقها لو ما شافها بي نفسه او حصلت لي اخوه او ابوه او جاره او زميله٬ عشنا أسوء ايام حياتنا فقدنا اهلنا وممتلكاتنا وحياتنا ومستقبلنا.
اي إنتصار يحصل او تقدم شبر واحد لقوات شعبنا المسلحة هو بصورة مباشرة إنتصار و رد لحقوقنا وكرامتنا من قبل المرتزقة ديل٬ والعكس أي انتصار وتقدم يحصل من قبل الجنجويد يعني مزيد من العذاب والدمار والموت لينا وكلنا عارفين الحاجة دي.
لكن في جماعة كدا للأسف في يوم من الأيام كلنا كنا بنحبهم وبندعمهم لأنهم وقتها في نظرنا كانوا هم واقفين مع الشعب ومع الحق٬ لكن نفس الجماعة ديل حاليًا مستخصرين فينا الفرح وكمان منزعجين جداً من تقدم الجيش وشايفين انه دا بأجج الحرب ههههه وقالوا المفروض الجيش ما يقتل الجنجويد لانهم كيوت وعايزين التفاوض وسلام ووقف حرب وديمغراطية.
امبارح لمن سلك نزل منشور طويل وعريض وزعلان فيه من تقدم الجيش رديت عليه رد محترم فيه وجهة نظري اللي انا شايفها واظن بتمثل كل مواطن سوداني زيي بسيط وشريف عايز الخير لي بلده٬ بعض من كوادرهم الصغار طبعاً بعد ما أفلسوا قالوا اني كوز والكلام الفارغ المكرر دا٬ بالرغم انهم عارفين تمامًا اني عكس كدا وحسابي بشهد٬ بل حتى قياداتهم الحالية ديل بعرفوني من ايام الثورة٬ لكن طبعاً بعد الحرب في نظرهم اي زول وقف مع الجيش كوز٬ حتى لو ما كوز معناها دا شافع ما بفهم نحن الصح وكل الشعب الفرحان دا فلول٬ هم براهم بحبوا البلد وعايزين مصلحتها لكن الشعب دا مسكين ما بعرف حاجة مفروض ما يتكلم.
العايز اقولوه ليكم مرة تانية البلد دي حقتكم انتوا٬ وانتوا البتدفعوا ثمن الحرب وعارفين الحق وين والباطل وين٬ ربنا يرد لينا حقوقنا ويوقف الحرب وينتقم من كل زول ليه دور معاناتنا ويورينا فيهم يوم اسود.
وبس ...