Alyawi

"اللهم إني لا اعلم متى يحين موعّد رجوعي إليك اللهم احسن خاتمتي ولا تأخذني من هذه الدنيا إلا وأنت راضي عني يارب."

[Alyawi @vx168]

اللهم أنت ربي، لا إله إلا أنت، خلَقتني وأنا عبدك، وأنا على عهدك ووعدك ما استطعت، أعوذ بك من شرِّ ما صنعت، أبُوء لك بنعمتك عليّ وأبوء بذنبي، فاغفر لي؛ فإنه لا يغفر الذنوب إلا أنت

[معكاز | شعر @M3kkaz]

السنافي ما تضيق به الوسيعة
والغياب احيان اخير من التواجد

كل واحد يفعل اللي يستطيعه
الجميل صعيب والاعذار واجد

ولا يسوي معجزاتٍ فالطبيعة
غير دعوة مؤمنٍ ( لله ساجد )

ما دخل قلبه نفاق ولا قطيعة
ولا تعلق قلبه الا فالمساجد .

[١٤٢٥ۿ @d9y_9]

سولف، وحاول ماتكثّر سوالفك
الهرج مفتاح الصدور المقافيل

اما يحطك في مكانٍ يشرّفك
ولاّ يحطك مضحكة للرياجيل
- وصل العيطاني ؛.

[معكاز | شعر @M3kkaz]

لله در الصديق الصادق الوافي
ولله در الخوي مقدر الخوه

ولله درالضمير الطيب الصافي
ولله در الكريم اليا شعم ضوه .

[معكاز | شعر @M3kkaz]

المرجله مثل الجبال الطويله
ومثل الفرس تحتاج فارس وخيال

ياصاحبي ياكبرها من فشيله
تكيد لي كيد النسا وانت رجال .

[Alyawi @vx168]

@7d_iix رحمه الله عليه

[معكاز | شعر @M3kkaz]

لا صار ذكرك فوق روس المراقيب
خلك على دربك ترا الدرب صايب

تصير فعيون النشامى كما الذيب
و فـ عيون عدوانك عطيب الضرايب

موت الفتى بالمرهفات المحاديب
أخير من حيٍ مع الناس غايب 

موتٍ تباكى له عيون الأجانيب 
ولا عيشةٍ تدعي عليها القرايب .

[معكاز | شعر @M3kkaz]

مادام فوقي تطلع الشمس وتغيب
وانا على طول السنين متعافي

والله لسوي الطيب في راعي الطيب
وإن طالت الرفقه رفيقٍ اسنافي .

[معكاز | شعر @M3kkaz]

ما الله خلقنا نرضي فلان وفلان
إليا رضى ربي علينا اكتفينا

نداري الخطر على حسب الامكان
اما مشت بالطيب ولا مشينا .

[معكاز | شعر @M3kkaz]

لا تستشير الناس في كل موضوع
بعض البشر من حقدها ما تسرك

ماكل شورن يابن الاجواد مسموع
كم واحدن وده بشوره يضرك .

[معكاز | شعر @M3kkaz]

يالله وانا طالبك في يوم هالجمعه
دعوة فقيرٍ مايرجي فالزمن غيرك

تفرج همومٍ على الخفاق مجتمعه
وتمد عبدك ياراع الجود من خيرك .

[معكاز | شعر @M3kkaz]

اخصه بمدحي لو الناس عموا
خالي هو الطيّب عليّ الملازيم

يبي يقول شلونكم قال سموا
من كثر ماتلفي عليه المعازيم .

[معكاز | شعر @M3kkaz]

المرجله صعبه على طافي النار
ماكل من يبغى المراجل قدرها

احدن عزومه قاصره عند الاخطار
واحدن عزومه بالخطر ماذخرها .

[معكاز | شعر @M3kkaz]

والله ان تبقى يالحثال حثال
لو فيك نكهة زعفران وهيل .

[معكاز | شعر @M3kkaz]

من يطلب الراحه على كف الاحلام
يجيه كف الواقع اللي يصحيه

مع إن دنيانا زخاريف واوهام
لكن نسايرها على اللي تجي فيه

ونخوضها في قولة العمر قدام
كن العمر مضمون في كف راعيه .

[إدّعاء . @_l2llt]

' من طيب راسي كم ردًي غلبني
تجلهني دروب الردا والردي داب

الله يساامح طيبي ، اللي نكبني
وجدي على حالي وعزي لمن طاب '

[إدّعاء . @_l2llt]

' مدام عينك تشوف الدرب مانت ضرير
تراي أجيد النقاش وعندي أخذ وعطاا

لاكن ليا خربت أخلاقي مأعرف أستشير
أمشي على اللي براسي ، صح ولا خطا '

[إدّعاء . @_l2llt]

' بغينا عليك نمون حتى علينا تمون
فتحنا معك ، باب الميانه وسكرته

ورحنا وطبقنا المثل طيب المضمون
تلق الخلا وابعد عن الداب وشجرته '

[معكاز | شعر @M3kkaz]

عديتها من طيب راسي وانا اخوك
ماني مدقق في علومٍ دقاقه

ندري عن اللي يزرع بدربنا شوك
نجامله من شان بعض الرفاقه

ماناخذ اهل الطيب بسوات صعلوك
من شان عين الطيب تكرم علاقه .

[Alyawi @vx168]

اللهم إنّا نخاف موت الغفلة ونخاف ظلمة القبر ربي إرحمنا إذا متنا وصرنا نسيًا منسيّا ، اللهم إنّا نسألك التوبه قبل الموت والشهادة عند الموت والمغفرة بعد الموت ، يارب سخر لنا من يدعي لنا بعد موتنا وأجعل لنا أجور جاريه لا تنقطع في حياتنا وبعد مماتنا

[Alyawi @vx168]

ربنا لا تجعلنا من الذين ضَلَّ سعيهم في الدنيا و هم يحسبون أنهم يحسنون صنعًا، اللهم أهدِنا و أغفر لنا و أرحمنا، و أجعلنا من الفائزين برضاك و جنتك.