هذا وانا عزتي دايم قبالي تلوح
لين أصبحت في حياتي ميزةٍ فارقه
أرفض شعور الندم وارفض طمان السفوح
لوكان في هالحياة غصونها وارقه
مادام فيني نفس يجري وفيني جموح
باب وراه إعتزازي طارقه طارقه
ولا تحزن اذا ما غنّت الدنيا على ليلاك
تبسم و أنتظر ليلاك هي اللي تغني لك
ولا تحزن على حزة مغيب الشمس عن دنياك
تغيب وعذرها تاخذ صباح الخير من ليلك
ولا تحزن على أرضك إذا صار الوطن منفاك
تمسك بآخر ترابه إلين ترابه يشيلك