وَ.

أنا الموج والمجداف والمينا..

[وَ. @Wafiia11]

يرحل الأشخاص وتبقى ذكراهم؛ مرت سنة وأنا من بعدك كبرت كثير، فاقدتك وكأني فاقدة نفسي، أنا كنت محظوظة بأحن أب ف الدنيا❤️❤️! الف رحمة ونور عليك يا غالي.

[منيره المطيري @Mutairiwe]

صاحبي جمّع مخاوفك في ساحة صفاه
و إن قدرت تزيد الإيمان في صدرك زده

والله إن ما فيه ميت على قيد الحياة
أكثر من اللي على الفاضي يسوق جهده

من تعنّيه التفاصيل و تبيح خفاه
وش ترك لـ اليوم هذا و بكره وبعده

كثرة التفكير في بكره و فـ اللي وراه
تشغل الواحد عن الحاجة اللي في يده

[🍰 @0iiu9_]

سليلة هل الفعل المخلد على الامجاد
رفيعة مقام و بنت من منسبه عالي

فداها القصيد اللي زهى ليلها المنقاد
كثر ما تجي و تروح و تمر في بالي

نديمة نسيم الصبح و ملاوع الاسهاد
وريثة شجاعٍ يقرع الموت من تالي

[ِ @i04ll7]

"تجيبك في ربوع الذاكره ياصفوة الخطار
مقاديرٍ رمت بك في طريقي وأنت ماتدري"

- سعد بن جدلان رحمه الله

[منيره المطيري @Mutairiwe]

من عف كف ومن تألم تعلم
ومن عاش بالواقع ماتغريه الاحلام

مايندم الساكت كثر من تكلم
ولا يامن العاقل صواديف الايام

[منيره المطيري @Mutairiwe]

سلاوي خاطري نطح الهبايب عقب ذب الريع
وأنا أدور سلاوي خاطري ما أدور ازعاجه

مخلي من وراي أحلامي الواجد بلا توديع
بعض الأحلام ماهي في الصحيح وشرح ابن ماجه

حصص الايام بعد التجربه والحفظ والتسميع
تهول رحمتك ياللي بيدك الضيق وافراجة ؟

وأنا الإنسان وأبقى إن��ان قبل أدل والا أضيع
أحس وكل حس أحس به يرجع لي إنتاجه

عميقات الرسايل مايجي من تحتها توقيع
عط الإنسان وجهٍ غير وجهه ويقدر يواجه

شعور المقتدر لا من بغى حاجة ماهي للبيع
تراه العن من شعور الفقير الي يبي الحاجة

[منيره المطيري @Mutairiwe]

غروٍ يخلّي زعيم القوم له ، خادم
لو عاش كل العمر مخدوم في قصره

[منيره المطيري @Mutairiwe]

صدمات الأيام ما تستأذن أزمانك
تقفي بغالي و تترك خاطرك خيّب

أقسى المحطات لا قفّت بخلّانك
بتراب قبرٍ من دموع ا��رجا ريّب

بيتٍ خلا عقب ما هو مشعل إيمانك
تسمع صدا الصمت في جدرانه يشيّب

غاب الذي كان به ضحكك و سلوانك
و الموت لا جاع ما يستثني الطيّب

الدنيا عقبه رمد في محجر أعيانك
مال للحياه لون و الواقع غدا مغيّب

الموت حقٍّ يمرّ و يهدم أركانك
ياخذ من يديك من تغليه و يغيّب

يا رب تغفر له و يشمله رضوانك
و تبلّ قبره برحمه وبلها صيّب

[منيره المطيري @Mutairiwe]

يا راسي العالي اللي تعشَق العالي
لا تلتفت فـ الوجيه وفي محاسنها

إشادة الناس ، ماهيب اكبر آمالي
أكبر أمالي ، يعجزون العرب عنها

[َ @BinShalhoubS]

1/1/1448

نطوي سنه مرت بها ضيق وافراح
ونبدي سنه فيها العلوم السعـيده

يالله تجعل مامضى العام ينزاح
ونلقى السعاده في سـنتنا الجديده🤍

[نـفـود @_Nfoodd_]

ما بكيتك .. لأني أعرف البكى عذر التخلّي
يمكن يطيح الغلا مع دمعتي ذنب وخطيّه

القصايـد مـا تـرد الغايبين ولا تسلّي
ولا لها حيله على رد الرضا و المقدريه

بس تبقى في ثنايا الذكريات وفي سجلّي
مثل غصّات الملّوح فالديار العامريه

[َ @asay4l]

أشمّخي يانفسي إللّي كلها عزّة وأنافه
لك علي إني ما أعرضك المهانة والمسبه

كل ماشفت العباد إللَي يعيشون بضعافه
قمت أعرض راسي المرفوع للريح ومهبّه

[سلطان بن صالح الرويتع @sultanru]

عش العمر شامخ لاتعيش الحياة إذلال
ترى الحر ما يلطم عيونه بمخلابه

نفوس تضحّي بالكرامة عشان ريال
ونفوس تعيش بعزّها لين ترثى به

أخذ عفّة الزاهد وخذ همّة الوبّال
وخذ طُهر من طاحت دموعه بمحرابه

[- @Dll7n]

من متى والغصن يختار الطيور
من متى والبال يختار الطواري

لا تسمي صمتي البارح غرور
أنكساري خلف هالصمت متواري

في غياب الشمس وش ذنب الزهور
والمطر لا شح وش ذنب الصحاري

اللقى لحظات والغيبه شهور
تقصر الخط��ات ويطول أنتظاري

لو قريت المنكتب وسط السطور
ما كتبت لغلطة العمر أعتذاري

[منيره المطيري @Mutairiwe]

يارب وجهني طريق الصالحين
بدايته ونهايته ، سترة نجاه

رفعت نفسي عن دروب التافهين
اللي ولا دربٍ يشد الانتباه

اما حياة الطيبين الغانمين
ولا حياةٍ ماوراها من غناه

اللي حسبته من قروم الطيبين
الوقت ماقصر وبين لي خفاه

يزين طبع الناس ، ولا مايزين
كلٍ على حسب العمل يلقى جزاه

أسعد فرص ليا خسرت الخايبين
وراس العوض القاه في روس الدهاه

[وَ. @Wafiia11]

لعلّها أكثر فترة يعيش فيها قلبي بكل هذا " الخواء" لم أكن أدري بأنه أصبح موصدًا ومهجورًا للحد الذي لا يقبل فيه أن يطرقه أحد، ولعل أصعب معادلة هي أن تعيش بقلب سليم خالٍ من الوجع بدون أي اقتراب، كيف تحولت تلك اللهفة لزخم من النفور حيث أنه لا شيء يستحق العناء..

[وَ. @Wafiia11]

عيد اضحى مبارك وكل عام وانتم بخير..

[هيـفـاء عبدالملك العـنـقري @haifaalangari]

سبة نجاحي في حياتي دُعاها
وفرصة رضا اللّٰه في رضاها اغتنمها

مهما بذلت أقصْر ولا ألحق جزاها
كل المكارم ما تساوي كرمها

ماما 🤍

[دانــه الـنـفـيـسه @daalnafisah]

مكاني العز لا زاير ولا طرقي
من صغر سني وأنا العزه تباريني

[وَ. @Wafiia11]

يا إلهي جعل حلمي ما يفوته فوته
ودي إن عمري يقل ولا تقل أحلامي

السنين تمر وحبال الرجاء مفلوته
لاتخليني على قاع الزمان الحامي

الحياة اللي مراحلها ماهي مبخوته
ياعساها ما تجي خلفي ولا قدامي