اطنخ تدلل دام انا وانت حيين
تفداك روحي كان روحي تسدك
بلدك قلبي والشوارع الشراين
تمشي معا الشريان من حيث ودك
مره تمشى داخل العين ياعين
ومرا تخش الفكر ومحد يردك
ومره تخيم فالحشا بين ضلعين
وعلى الغدين الود تنشف بيدك
ومرا تسرخها الكبد ب اثنين
زاحف على كيفك ولافيه قدك
❣️❣️❣️❣️❣️❣️❣️❣️
كيف حالك يامفارق هالحشا؟
ياحبيبي انت وين ومن معاه
الليالي بعد عينك موحشه
فرحتي دمعه وجرح وهم وآه
تذكر القلب اللي لك دوم افرشه
واتغطى في محبته ووفاه
كل يوم عيوني لك متعطشه
تفقدك لحظه وتبكي العمر اه
انا مو قصدي تردلي لا حشا !
بس بخلّد حبي وبذكر جفاه
حبك حبيبي بمكانه مامشى
لو يروح بعيد عيوني تراه
سرى ليلي على الطاري ولابد الليالي تشيب
يبين النور من عقب الظلام اللي تشوفينه
ㅤ
خطير اني عليك ان غبت يالمزيون اشق الجيب
مدام انك سكنت القلب لاتهمل شرايينه
ㅤ
رجيتك لاتجرب لهجة الترغيب والترهيب
وسلم العشق والعشاق ماتجهل قوانينه
لك الحب المطرز بالوفاء والود والترحيب
فداك العمر ياكل الغلا ياشمعة سنينه
ㅤ
تطاوعك القوافي كلها بالوزن والتركيب
بشعر مقصده يرضيك في لونه وتلحينه
ㅤ
يسج بي القدم واهيم من شانك بكل شعيب
حرام اللي يحبك كيف ياحبه تخلينه
💔
الشوق يذبح و البشر خلق من طين
وأنا دموعي .. بـ القفا عانقنّك
شفني رجعت من الغلا و الله يعين
أباخذ علومك و ابسألك عنك
أول أخاف تردني لكن الحيين
خوفي عليك أبدى من الخوف منّك
إنتظـرتـه وقلبي إحساسه يقول
صوت خلي اليوم ما أظن أسمعه
الخبر عندي وغيبته بتطول
وقتي من اليوم حسابه باجمعه
ضاق بي صدري وأدوّر له حلول
في ضميري نار شوقي مولعه
عشت في دنيا أدور بها وأجول
عشت فيها بضيق وعايشت السعه
حاول تخلي جلستك عند العرب ركعة وتر
خفيفةٍ .. تقضي لزومك كل ما صليتها
وحاول تخلي كلمتك عند العرب ليلة قدر
كلٍ يدورها ولا يدري متى توقيتها
وحاول تخلي كلمتك وقت العتب رشة عطر
يفطن لها المخطي ولا تندم .. إذا رشيتها
عند الموادع دمع عيني غلبني
وطاحت بي الدمعة على كف سلطان
أحب يمنى خالي اللي حشمني
ومن لامني في حب مازن غلطان
أفاخر بخالي على الناس واثني
ويستاهل البيضا سلايل كحيلان
بالطيب جاوز كل هقوة وظني
الله يوفقه السعد وين ماكان
❣️❣️❣️❣️
بادر وكلّم صاحبك لا تخليه
هو خابر انك تنتظر وانت خابر
ادعس على جرح الجفى كان تغليه
خل التعزز والثقل لا تكابر
يشفع لـ زلته معك زين ماضيه
كانك تحبه صدق ما هو بـ عابر
عاده على قيد الحياة اتصل فيه
مافيه جوالات تحت المقابر
حزمت الشعور وقلبك من الجفا ما حسّ
وصار الوله موضوع خارج من يديني
عليم النوايا يعلم بما تكن النفس
على غير دربك خطوتي ما توديني
على كيفك اشرح ماتبي جهر؟ ولا همس؟
انا كل كلمه من شفاياك ترضيني
أنا ما طلبت الكون كله! .. طلبتك بس
تكون الحياة بكل ما تعني .. بعيني