وليد مبارك

عسى الجنه منزل اثنين ربوني ❤.

[وليد مبارك @waleeed_38]

نمسي ولا ندري صبح وين بنكون
ونصبح ولا ندري ياوينه مسانا ..
كم ممسي طيب وفي الصبح مدفون
وكم مصبح نمسي ولا هو معانا ..

[وليد مبارك @waleeed_38]

ياكارهين الحق والشمس والنور
وراي لامن شفتوا الليل ظلّم

اقدّم الجزله مع العالم جسور
واصد واشوف الخطا ما اتكلم

لكن ليا من شفت مال الشيم دور
ما اقف على راس الطريق اتظلم

يجيك بالهزله مثقف ودكتور
ويشوم منهــا واحدن ماتعلم

[وليد مبارك @waleeed_38]

لو تنصف الناس ما نحتاج للقاضي
تلقى المحاكم خفيفات ن مشاكلها

ولو ما الغنايم تجي وهبات وحظاظي
كان اكثر اللي تشوفه ما يحصلها

من راقب الناس يكسب هم بالفاضي
كلن هدومه على قده يفصلها

والختم صلوا عدد ما بارق ناضي
علي نبي بدا السنه وكملها .

[وليد مبارك @waleeed_38]

الرفيق إذا غدت عينه مثل عين الجراده
خل مابينك ومن بينه صحاري مجرهده .

[وليد مبارك @waleeed_38]

ياحلو شربة اللي (مشربه من ذراعه)
ماسبقها وعود ولالحقته بمّنه

من بنى الصبر بيته والقناعه متاعه
لو تشوفه يصالي النار عايش بجنّه

لو قضى عام باللي ينجزونه بساعه
دامه يعافر ظروف الزمن لاتحنّه

بذل الاسباب سنه والتوكل شجاعه
ويورد العبد للعد الروي حسن ظنه !

[وليد مبارك @waleeed_38]

العقل ماهوب دايم صحيح الاتجاه
الدروب أحيان ودّك تخالف سيرها

[وليد مبارك @waleeed_38]

نصوم ونصلي وندعي ونرجيك
رضاك مكسبنا وعفوك رجانا

موحدين وكلنا منك وإليك
عساك يا غفار تغفر خطانا

#مبارك_عليكم_الشهر .

[وليد مبارك @waleeed_38]

والله ان بالي طويل ودايمً صدري شمالي
والزمن يبغى يبيح سدي وبيحت سده

والكلام اللي ليّا من مر قدمي ضاق بالي
احذفه فالصدر كني حاذفه في بحر جده

طاح من عيني عتاب وطاح دمع وطاح غالي
والعيون ان طاح منها شيء ما والله ترده .

[وليد مبارك @waleeed_38]

نموت ما عشنا علي رزق الذليل
والنفس نجبرها علي حب الصبر

لو ما نطول التمر في روس النخيل
نموت ما كلنا من الطايح … تمر

[وليد مبارك @waleeed_38]

الحاجه اللي دونها منة الناس
لو هي دوا عيني تنازلت عنها .

[وليد مبارك @waleeed_38]

انا علي تقبيل الامتان ماعشت
دحمت عسرات الليالي بمتني

اسعى لكسب الرزق واقنع بما حشت
واصبر اذا أونست الحمول أثقلتني

ماجيت للابواب مضبط البشت
ولا فيه غير الله يدين(ن) عطتني

وليا عطاني خالقي رزق ماطشت
ارعى حقوق الله وعينه رعتني .

[وليد مبارك @waleeed_38]

حب من ودك تحب وعاد من ودك تعادي
بس عيب انك تشوه سمعة اللي ماتحبه .

[وليد مبارك @waleeed_38]

علي البال لك طاري ولك فالحشاشه بيت
علي مستوى ماهوب مهجور ومهمل

[وليد مبارك @waleeed_38]

اللي يرخص قدرنا كيف نغليه
واللي خذلنا ما ثمن وقوفه

لا ضاعت الهقوه وخاب الرجا فيه
لو بجنب اكتافنا ما نشوفه

[وليد مبارك @waleeed_38]

ليتك تمر العين وتفارق البال
حسدت بالي من كثر ما تمره

[وليد مبارك @waleeed_38]

ماريّة اهل البيت لامنهم اغلوك ؟
« تشوفها في ورعهم لا لفيته » .

[وليد مبارك @waleeed_38]

يجيك بالهزله مثقف ودكتور
ويشوم عنها واحدٍ ماتعلم .

[وليد مبارك @waleeed_38]

عشت بحياتي سنين الطيش كاسيها
اخطيت فيها ولا ادري كيف اكفرها .

يارب انا لي أكيد ذنوب ناسيها
اعوذك بك منّها وادعيك تغفرها .

#ساعه_الدعاء_المستجاب

[وليد مبارك @waleeed_38]

وان دارت علينا الدنيا ، سهالات
دايم علي الطيب تدور الدواير

[وليد مبارك @waleeed_38]

علي كثر ماكنت متمسكن فيك
وعلي كثر ماحتجتني ماتعذرت

جيتك وعندي حاجتن بين اياديك
والمشكله تقدر عليها وقصرت؟

صدقني انها غلطتي يوم اداريك
ولا انت لولا غلطتي كان ماصرت

كبرتك بعين البعيد وحواليك
ابيك تكبر والمصيبه تكبرت

حاولت اغير فيك من كثر مغليك
قدرت لكنك عليه تغيرت
#رسالة_اليوم

[وليد مبارك @waleeed_38]

الدرب الأعوج لو مشوه المخاليق
يبقى بنظر من يعرف العلم أعوج

تحدك الحاجه علي الناس وتضيق
لكن تراك لعزة النفس أحوج

#بوح_آخر_الليل