ليه واقف بين وصلي والمسافه
تطرق ابواب الاماني ثم تروح
ليه صوتك فيه ربكه وارتجافه
حاير بين المشاعر والجروح
ليه احس بخاطرك شي تخافه
هات خوفك واتبع احلام الطموح
جرب اقرب ماعلى الدنيا حسافه
الغموض اول مشاوير الوضوح
لا الهوى ذنب ولا القرب اقترافه
لا الرحيل اجر ولا التوبه نزوح
ياخوفي ابقى على وهم الاحلام
وابقى اطارد في سراب الاماني
ماغير اكبت في حشا صدري كلام
واستقبل الذمات من طالح وداني
وانا السجين اللي حكم نفسه بالاعدام
بسيوف صمت قطعت لي لساني
واشيل حمل تعجز تشيله اقوام
وأبني من جروحي لحزني مباني