w__502 خوي الخوي

تحزم بي الي صكو عليك وكثرو الوام

وخذني لعن ابوك ايمن علي الشدات مقدامي

[w__502 خوي الخوي @waqayan90]

انا خويك لـ ارتخى حبل الاصحاب
وانا يمينك كانهم ما يسسسدون

ازهم وتلقى صاحبك ضمن الاقراب
ماني من اللي فالوازم يصدون

[w__502 خوي الخوي @waqayan90]

تدري وش أسهل شي ممكن أسويه
لا من نواني خاين اصير له فخ

لكن وش أصعب شي مقدر أعديه ؟
طعنة خوي كان في منزلة ( أخ )

[w__502 خوي الخوي @waqayan90]

ما تحرق الجمره إلاّ من وطى الجمره
و ما كل من شافته عينك به مروّه

أحد(ن) لحاجة خويّه ... يِرخص بعمره
وأحد(ن) على أدنات حاجه يِرخص الخوّه”

[w__502 خوي الخوي @waqayan90]

يا رفيقي لا تضايقْت من جور الزمان
ابشر بوقفت خويً مهوب أيَّت خوي

كم كسبنا المرجله مع طويلين اليمان
وكم قطعنا فرجةٍ دونها الذيب يعوي

[w__502 خوي الخوي @waqayan90]

نمشي على وضح النقاء ماادرقنا
وناطى على راع الحِيّل والضعافه

ولاطالت ايدينا سوى من عرقنا
وكلافةٍ في الطيب ماهي كلافه

[w__502 خوي الخوي @waqayan90]

اباعاتب الع��قل واباجنّب الجهّال
لياشفت مايستدعي الموقف الحازم

ينومسني اللي كل ما قال شيٍ طال
ولامن نصيته .. ما تعذّر عن اللازم

[w__502 خوي الخوي @waqayan90]

ألا ياخسارة بعض الاصحاب ملح وذاب
توارى عـن الانـظـارماعـاد لـه طاري

تقافت بـه الايـام واقفى وصـد وغـاب
كماعشب صيـفٍ قام يذري به الذاري
نادر

[w__502 خوي الخوي @waqayan90]

نبقى كما شم الجبال الشواميخ
مانثني الهامات للي تحتـنـا

ان جات من مطنوخ حنا مطانيخ
وان جات من مسكين ماحركتنا

طراد الضميان

[w__502 خوي الخوي @waqayan90]

مجاهــد الدنيا يبــا قــوة عزوم
والصبــر طيب فيـه خيرٍ وخيره

ما صابنا قلنا مقدر ومقســـوم
نرضى بقسمتنا لو حبة شعيره

#عارف_العضيله

[w__502 خوي الخوي @waqayan90]

اطيح لاكن طيحــت شوي واقوم
كبوت جــــواد ولا يهاب المغيــره

سيفي من الغارت بانت به ثلوم
مبطي بيمنايــه ما رد لجفيـــره

#عارف_العضيله

[w__502 خوي الخوي @waqayan90]

راع الردى مكشوف لوكان يخفيه
لابـــد دورات الــلــيــالي تــحده

وراع الوفى والطيب تعرف مباديه
الناس خـادمـتـه وفـعـلـه تـعـده

#عارف_العضيله

[w__502 خوي الخوي @waqayan90]

المــدح فالطــيّب يزيدك وينفعك
والا الردي فرقاه خير وغـنـيمه

طيبك مع العالم يزيدك ويرفعك
مالك ومال اهل النوايا السقيمه

#بوح#عارف العضيله

[w__502 خوي الخوي @waqayan90]

إعلم ترى الخوه فعول وغرابيل
في دورة الأيام يجنا ثمرها

بعض العرب للتمشيه والتساهيل
وبعض العرب للمعضلات وخطرها

رشيدالزلامي رحمه الله”

[w__502 خوي الخوي @waqayan90]

حنا هل الخوه إلى بار الجبان
تضرب بنا الأمثال في عز الخوي

في عصرنا هذا وعصر "الغيهبان"
يوم الليالي شهب والذيب يعوي

#الدواسر

[w__502 خوي الخوي @waqayan90]

لا تدبل اكبود خلق الله بنقل الكلام
الي يسر انقله والي يضر اتركه

والله ما يبعثر الخوه وتصبح حطام
الا الردي لا تدخل وانت ما تدركه"”

[w__502 خوي الخوي @waqayan90]

الخوه اللي تعز الرجل وتسرّه
أتعب على شانها وأختارراعيها

صميدعاً ترسي الهقوات في برّه
مايستمع للضعوف ولايحاكيها

#علي_الحراجين”

[w__502 خوي الخوي @waqayan90]

أن كان تنشد عزيزيٍ عن الخوة
خوينا نرخص الارواح لعيونه

يلقى الحميا وطنخة راس ومروة
سوات عامر خوي الذيب من دونه

#تركي_العزيزي”

[w__502 خوي الخوي @waqayan90]

ابن عمك سيف يمناك ويجمل نباه
وابن عمك درع جنبك لاقل ﺎلوفـق

اعترض دونه وقص لسان الي قفاه
كان راسك يطبخ بلحمياء و الرفـق”
مساء الخير

[w__502 خوي الخوي @waqayan90]

يـدور الزمـان ويثبتون الكبار كبـار
على مرجلة وفعول وسلوم ومروّه

فلا كل مـن ناداك يستـاهل المشوار
ولا كل من خـاواك يستـاهل الخوّه”””

[w__502 خوي الخوي @waqayan90]

حنا على الخوه نبيع العمر كاش
واللي يخاوينا مهو ناقصه شي

عين له لحاف و عين له فراش
نطوي لجل عينه ظروف الزمن طي”