‏وردالمطيري⋆˙⟡ʚ

عيطموسٍ كل مطلع صبح تستاهل قصيده. ⋆˙⟡.

[‏وردالمطيري⋆˙⟡ʚ @wared_d]

اول ايام المفارق موجعه لا عااادت
انشد اللي كابد اللوعات في معلوقه

كم تمنى يحبس دموعه ولكن فاضت
كيف يقمع قوة شعوره على معشوقه

والصحيح الله يلعن شفقتي لا زادت
يوم تاخذني على دربٍ قطعت عروقه

وردالمطيري.

[‏وردالمطيري⋆˙⟡ʚ @wared_d]

ماهو بكيفي يوم اقفي واخليك
لو هو بكيفي يالغلا ما اتعداك

تحدني عنك ظروفي وانا ابيك
حسبي على ظروفٍ تسبب بفرقاك

ابعدت عنك وكل مابي يناديك
روحي وقلبي والمشاعر تمناك

(كم ليلة جيتك من الشوق ساريك
يا واحد قلبي على الناس بداك)

اقسم قسم بالله ماني بناسيك
تروح روحي كاني ابانساك

[‏وردالمطيري⋆˙⟡ʚ @wared_d]

والله لا بعتك ولا خنتك ولا عفتك
ياللي جميع المشاعر فيك مشغوله

لكن لي ايام وانا اعيد سالفتك
ماودي أعيش معك ايام مجهوله

غربتني لين صرت اسعى لمعرفتك
أخاف لا نختلف خلفاً على أصوله

حتى الكلام اللي أقوله اذا شفتك
جفلتني منه ماعاد أقدر أقوله

[‏وردالمطيري⋆˙⟡ʚ @wared_d]

من جرب الغربه عرف قيمة الدار
ومن جرب الفرقى يحس بوجعها.

[‏وردالمطيري⋆˙⟡ʚ @wared_d]

حبيبي زاحمت ذكراك صدري لين صدري ضاق
وانا اعرف الشتاء لامن رجع شره على السالين

ياصبرك والسحاب يذكرك فيني ولاتشتاق
ياقوك ينشدك عني المطر وتقوله بعدين

[‏وردالمطيري⋆˙⟡ʚ @wared_d]

يطيح المطر ويصير وجه الثرى مبتلّ
وتروى جميع الناس تحته وأنا ضامي

أدوّر نهارٍ في شتات الدروب يدلّ
وليلٍ نجومه تنتشلني من أوهامي

تناسيت وأول ما ذكرتك وطيفك طلّ
تبسّمت لك كنك من الشوق قدامي

[‏وردالمطيري⋆˙⟡ʚ @wared_d]

فقدتك بما فيه الكفايه حبيب وخل
واخذت اغلب آمالي معك واغلب احلامي

على كل جرحً ماتوانا بعدك وكل
مسامحك حتى لو بعد تجرح صيامي

ترا اللي تشوفه من مواجع بعض من كل
برائتك كانت سبت الفعل الإجرامي

[‏وردالمطيري⋆˙⟡ʚ @wared_d]

ماذقت من الكلام الذ من كلمة صباح الخير
من اللي ينطفي نور الصباح ان ما قعد بدري
🩶🩶🩶

[‏وردالمطيري⋆˙⟡ʚ @wared_d]

طهور ياحظي .. والف لا بأس
دام الخطأ في هقوتي و إختياري

[مـحـمــد. @mktxx1]

بتحدك مقادير الدهر والليالي العوج
على جمرةٍ مالك على لمسها حاجة

[‏وردالمطيري⋆˙⟡ʚ @wared_d]

”صمت ما يبغي عن متاهاتك رحاب
أتفه معاذيرك بعينه سمينة

عندي على كل إحتمالاتي عتاب
كل إحتمال فحينه وغير حينه

الشمس لو تاخذ من المشرق غياب
محال تاخذ لهفتي ياسمينة

قريب ليت الحلم يفتح لك الباب
بعيد،ليت الدرب يندى جبينه

مثل النهر، تتخلل إيدي وتنساب
وتقل بي وتصب فأبعد مدينة”

[‏وردالمطيري⋆˙⟡ʚ @wared_d]

لاتزعلني وتحكم علي أني زعول
وانت تدري مستحيل أزعل الا من بلا

العذر في بعض الاحيان ما يلقى قبول
في وسع صدرً تحمل زعل لييين امتلا

مشكلة غلطتك ماتقبل أنصاف الحلول
والمصيبه لك معزة وتقدير وغلا

[‏وردالمطيري⋆˙⟡ʚ @wared_d]

ترى بيني وبين اللي مضى بالذاكره ميلاف
وإلين الحين ياخذني شعورٍ من أغانينا
ㅤ
عرفت إن القدر فرصه سعيده والحياه أعراف
لو إن الشوق من كثر البعاد المُرّ يصلينا
ㅤ
أزورك حلم من خلف الحقيقه والشعور لحاف
ما دام إن الوله واقف على سكة هقاوينا

[‏وردالمطيري⋆˙⟡ʚ @wared_d]

كل مامسك في طريق الوصل خط
جيش عثراتك على دربي سطى

ليه أنا لاحتجت لك دايم تغط
وان نسيتك جيت من عقب البطا

لا انكشف ستر الحنين بيوم غَطّ
تدري إني صاحبك ستر وغطا

العذر ما يجبر المكسور قَط
والندم ما رتّب ركام الخطا

لو يزيد البعد نار الشوق وَط
من دفا بالجمر غير اللي وطا

[‏وردالمطيري⋆˙⟡ʚ @wared_d]

عجباً لأمر العاشقين لما أرى
لايكره المجني عليه الجاني

دع عنك ما قد فات وإسمع ما يلي
فالعمر مهما طال طول فاني

داوي المسامع بالكلام وداوني
بالوصل إن فراقنا أعياني

في ليلة قمرية كي احلف
أني رأيت بليلةٍ قمراني .

[‏وردالمطيري⋆˙⟡ʚ @wared_d]

حبيبي كان يرعبك الوصال ويزعجك طاريه
انا أخاف الوجيه اللي عقب فرقاك مألوفه

[‏وردالمطيري⋆˙⟡ʚ @wared_d]

حبيبي .. لا تخلّيني حزين و ساكت و محتار
تغانم عاشقٍ رغم الجفا ماطحت من عينه :)

[‏وردالمطيري⋆˙⟡ʚ @wared_d]

يوم ودعنا بعضنا وحسيت بشتات
اذكر اني بعدها نمت لكن ما صحيت

توي اصحى يا حبيبي بعد طول السبات
أثرني ميت من الشوق وأنا ما دريت

[‏وردالمطيري⋆˙⟡ʚ @wared_d]

حبيبي عاشقك قبلك ما حب إلاثرى موتاه
نديم قبور واقف بالطل ويسولف لطوبه

وبعدك ينبذ الحزن وتعاليمه من محياه
فناجيل الأسى من بهجته بالحبّ مشروبه

[‏وردالمطيري⋆˙⟡ʚ @wared_d]

معي من بعد هذا الغياب الطويل ادراك
إدراك اللي يدري بالخطا كل ماعاده

افك الستاير وانتظر من ورى الشباك
متى الليل يجبر خاطري واكسر سهاده؟

حبيبي من الـ لبيه لاياعساه فداك
ماعندي لك الا قلبٍ بما نبض جاده

يناديني النسيان واسمعّه ذكراك
على صوت فيروز وعلى القهوه الساده

[مـحـمــد. @mktxx1]

مابي من الوقت الا اني ارجع على خبري.