اللهم مالك الملك تؤتي الملك من تشاء وتنزع الملك ممن تشاء وتعز من تشاء وتذل من تشاء بيدك الخير انك على كل شي قدير رحمن الدنيا والاخره ورحيهما تؤتيهما من تشاء وتمنع منهما من تشاء ارحمني رحمة من عندك تغنيني عما سواك ...
محمد عبده غنى بـ : " الحب ماله يا أهل الحب تفسير قلبين والله بالمحبه أمرها " وضيدان بن قضعان قال : " أغصب القلب ولكن الغلا قدره إلهيّه "والشاعر علي بن مسرح قال : " أنكتب لي احبك غصب واتحمَلك "
-يعني المسأله مساله مكتوبه ومقدره بحتيّه بدون أعتراض ياجماعه.
مافيه حُب يجي بيوم وليله!
ايوه صدق، لاتصدّق لأن الحُب اساسًا يُبنى وينمو مع الوقت ويصير أقوى ويحبك "بعيوبك قبل محاسنك" .
السالفة كلها مجرد إعجاب، يعني عادي يكمل يومه بدونك، عادي لو غبت مايسأل عنك إلا لو طرى له، عادي جدًا يحبّ أشياء معيّنة فيك (شخصيّتك، شكلك، تفكيرك) لكن انه يكمل مستقبله معاك مايفكّر فيها، ومشاعره ناحيتك خفيفه لاخوف ولا قلق من فقدانك.
أما الحُب فبتلقاك دايم ف باله، يومه بيكون ناقص بدونك، لو اختفيت لأي سبب بيكون اول من يبحث عنك، وبيبني مُستقبله أو يتخيله معاك اقل شيء، وبيكون مستعد يضحّي ويغير من نفسه عشانك، وبيحسّ بارتباط عميق بروحه مع روحك.
الخُلاصه: الإعجاب يبدأ سريع ويخفّ سريع، اما الحب فينمو مع الوقت ويصبح رابطة روحيّة عميقة بينكم .
( ودي الوقت يوقف و أنت في عيوني ملاك )
-ما فيه أسوء من شخص كان بعيونك لامع بعدها يتحول لشيء أنت بنفسك تجهله تختلف عليك حنيته و وجهه اللي حبيته و يصير شي ما يشبهك ولا تشبهه.
السلام عليكم..
تعرفون إن فيه شيء اسمه "الأمانة في العلاقات" ؟
الامانه مو بس انك ماتكذب، الامانه انك تكون واضح حتى لو الحقيقه صعبه، وانك لما تختار الصراحه تختار معاها الرحمة.
الامانه إن لما الليّ يثق فيك يكشف لك ضعفه، تحافظ عليه بنظرتك، بأسلوبك، وبطريقة كلامك، الأمانه انك ماتوعد بحاجه انت عارف انك منت قدّها، وماتزرع أمل في قلب حدّ عشان لحظة احتياج أو تسلية، وبعدين تقرّر تمشي وتتركه يواجه مصيره الموجع لوحده، الأمانه ان حضورك يكون حقيقي ومشاعرك حقيقيه ونيّتك واضحه.
ولو قرّرت تمشي، تمشي بوضوح، بعيدًا عن الاختفاء الليّ يوجع ويكسر لأن القلب لو انكسر صعب ينجبر، وعمومًا العلاقات ماتموت بسبب الخلافات لكنها تموت لما تدخلها المجاملات والتمثيل والهروب والتلاعب بالمشاعر .
-لو حدّ استأمنك على روحه ياتكون قدّها، أو اتركه من البدايات .