w

المجنّب من الاوادم مايخلّى ..

[w @wdh_911]

تغانـم الوصل لأن البعد لابدّه
ياتيك في يوم ثم ياخذك بـ ادراجه

اللي لي انك تلين وتترك .. الشده
واللي لك اني ماسولف بك لهراجه

و لاني بـ زعلان واللي نرتجي مده
يا باب قلبي ، و يا قفله ، ومـزلاجه

غالي ، وتبخل علي وتطّول الصده
الله يسامح غلاك ويلعن الحاجه

#شعر

[w @wdh_911]

اصد واقفي من الزحمات والاجتماع
واقول نفسي عيوف ، وطابت ، وقانعه

واثرني اعيش مع عقلي وقلبي صراع
قلبي يبي شيء من عقلي وهو مانعه

اخاف من طاري الفرقى واخاف الوداع
حسبي على صوت ابو نورة ، وابن مانعه

— ناصر الحمادين

[w @wdh_911]

العلاقة ميّتة .. والحبايب عايشين
والشعور اللي يجمّع مشاعرنا بهت

لو تعدّيتك .. يرجّعني لـ دربك حنين
ولو تناسيتك ترى ذكرياتك ما سهت

أصعب أنواع العلاقة .. نكون معلّقين
لا رجعنا مثل أوّل .. ولا حتّى أنتهت

[w @wdh_911]

ودي أكلمك كل شوي و أسكر
أبغى أتطمن مثل لو أنك وزاني

من أمس و اليوم والليله وأنا أفكر
تكفى تحرص على روحك عشانيّ

[w @wdh_911]

انا تغربت والمكسب من الغربه
حذفت بعض الفشق من عدة حزامي

وش حاجتي في رصاص ما يثور به
الا بدت حاجته يبلش به الرامي

الرفقه اللي سوات الحـظ لـه ضربه
ما احرص عليها ولاهي فرض والزامي

أرافق اللي بـني عمه تـباشر بـه
عقلي دليلي ودرب العزّ قدّامي