حسين وسام / كلمتي للجغرافية

التغريدات ساخرة ، عوف نظرية المؤامرة اخذ الامور ريلاكس لان ماتسوة نتعارك

[حسين وسام / كلمتي للجغرافية @welaeyty]

اذا تحولت المواكب الى نقاط انطلاق الاحتجاجات السلمية للمطالبة بالحقوق، راح يگولون ان هاي المواكب لا تمثل القضية الحسينية ومدفوع الها لتشويه صورة القضية ومندسين، وراح يقمعوها ويحرگوها .
وراح يحاولون بكل قوة - عن طريق اعلامهم- يقنعوك ان الامام الحسين ما الة علاقة بالاصلاح .

[حسين وسام / كلمتي للجغرافية @welaeyty]

دائماً يتفشلون، ايام وهم يگولون مباريات العراق في كأس العالم مؤامرة على المذهب حتى يبعدون الشيعة من المجالس، تالي ولا لعبة صادفت بوقت المجالس، واغلب الشيعة لو شافت اللعبة بالبيت لو سمعت بس النتيجة، اني ادري اغلب المواكب تبقى بس اول عشرة محرم ما ادري المؤامرات هم بس اول عشرة .

[حسين وسام / كلمتي للجغرافية @welaeyty]

ها العزيز شني الاخبار، چا مو على اساس اذا ما رحت انتخبت راح يتغير الوضع وتسقط الحكومة مدري شلون هههه، اي ابقى بالبيت شكو بيها، شنو حارة ؟! اي طبعا حارة اخي ههههه غير صيف هاا تريد كهرباء يمعود الحكومة فاسدة انت تريد شي من فاسد تحجي صدك، يلة اذا هاي قبل الانتخابات اخابرك .

[حسين وسام / كلمتي للجغرافية @welaeyty]

شو هذولة طلعو "انگس" من هذولاك !، واني عبالي هذولة زينين، صدگ لو گالو الهذا اخو الشسمة .
الطرفين ما مهتمين، هذولاك يريدون يستعبدونة ولازم نطيع ونركع، وهذولة ما يهمهم وما يعرفون ولا يفتهمون، واكو الشيسمونة الي يعرفون وساكتين وكاتلهم اليأس، اللهم اشهد اني معاديهم تلاثتهم .

[حسين وسام / كلمتي للجغرافية @welaeyty]

- هااتشووو 😣
- مع الاسف !، تعطس ؟!، هم انتو دائماً هيچ بس تريدون فرصة حتى تسقطون المذهب وتخلون هذولاك الجماعة يضحكون علينة، وانت وامثالك شنو راح تگولون للامام علي (ع) بيوم القيامة ؟ تگولون عطسنة؟! بسببكم الامام ما يظهر .
- عادي هي عطسة .
- بعثية سفارات اولاد زنا مو بيدكم .

[حسين وسام / كلمتي للجغرافية @welaeyty]

الكلية هي مكان يجتمع بي مجموعة من الاشخاص تحت مسمى واحد بس الي هو طالب ويجمعهم مسمى واحد الي هو زمالة، بس الخاتون تريد تقسم على مزاجها، المتزوجين هناك بالركن والمتزوجات هناك، الي يلبسن عباية يكعدن هنا، المحافظات هناك، المتزوج ما يحجي وي اي مخلوق، والعازب ما تكعد يم متزوجة الخ..

[حسين وسام / كلمتي للجغرافية @welaeyty]

هسة عرفت ليش الزواج نصف الدين، لان المتزوجين هم اكثر الناس قرباً الى الله واكثرهم ايماناً واستغفاراً ودعاء وبكاء، وهم الفكرة منطقية يعني بالدنيا متزوج وبالاخرة يروح للنار !!
اما اذا ردت تعرف هذا المُصلي متزوج او لا، شوف صاحب السجدة الطويلة والصفنة بعد اكمال الصلاة، هذا زوج صالح.

[حسين وسام / كلمتي للجغرافية @welaeyty]

الاسلام يگول اريد اربع شهود رجال عدول شافوا الحدث بعينهم حتى نگول اكو زنى .
انتي جاية تقذفين مُحصنة لان شفتيها تاكل فنگر وي زميلها بمطعم الكلية، انتي بالنظري عندچ اثم كبير ومن المهلكات حسب قول النبي وبالعملي لازم تنجلدين 80 جلدة، وان شاء الله من الاوائل بالنار ودور اول .

[حسين وسام / كلمتي للجغرافية @welaeyty]

اني والسيد الوالد ( الله يحفظة) عدنة ذاكرة قوية، بس اني ذاكرتي تخصصها مواقف، يعني عادي انسى غدة البارحة، بس ما انسة موقف صار بأيام الاعدادية، كل المواقف محفوظة الزينة والموزينة، وكما يقول الاديب الروسي ( الما وگفلي بضيج امس گلولة باچر او عگب باچر تستعدل الامور ويصير خير ) .

[حسين وسام / كلمتي للجغرافية @welaeyty]

شوف اغاتي، الشغلة من تصير لمصلحتة مستعد يسد مول ويگطع سايدين ومن تگلة ليش يكلك هاي تشويه للهوية الدينية والشهداء والاوصياء وباقي الكليشة المعروفة، ومن تگلة شنو موقفك من الازمات الي يمر بيها البلد، يگلك احنة مو دولة، ما بدينة شي، دكتوراه تناقض وازدواجية وحمصبطحينة .
#هلو_ممثلية

[حسين وسام / كلمتي للجغرافية @welaeyty]

صرت نچر وسبع و وصلت للبويضة گلنة خطية ما يدري، صبرت كذا شهر لحد ما قررت تشرف للدنيا مشيناها الك، شفت روحك مولود بالعراق گلنة هي هاي قسمتة، بس مال بكل عين صلفة تروح تتزوج، وتريد طفل يشيل اسمك تحجي صدك انتة ؟! ، هو مودي كالها ( حسبي الله ونعم الوكيل) . #كرار_خابرلنة على شي ناكلة

[حسين وسام / كلمتي للجغرافية @welaeyty]

من الواضح ان مسرحية ( بلا اسم) قد اصابت هدفها بصورة دقيقة جداً مما جعل المُستهدف في حالة من الهستيريا والتخبط الواضح .
اذ اعلن شخصياً عن البدء بالتخطيط لنشاط قادم، واطلب من الرفاق الاستعداد والتوكل على الله، ونعدكم ستكون ضربتنا القادمة اشد واقسى .
#مثلي_لا_يبايع_مثله

[حسين وسام / كلمتي للجغرافية @welaeyty]

هاي چنت امشي ولكيت المصباح السحري فرگتة وطلع المارد گلي (شبيك لبيك) گتلة بكل حماس اريد تحقق امنياتي وطموحي واحلامي، گلي ( اني وين؟) گتلة ( بالعراق) شو هذا صار عصبي وگال ( امشي ولي لا اگطع الحكومة على راسك لا وچمالة مزوج) ورجع للمصباح، وهي من البارحة افرك بي وماكو ... شني اريد حل.

[حسين وسام / كلمتي للجغرافية @welaeyty]

قبل سنوات چانت بعض المقرات والمكاتب تحترگ ونقرة بالتعليقات ( تماس كهربائي 😉 ) طبعاً لازم تخلي الايموجي ابو الغمزة حتى تبين انت غامض ولوتي ومحنك، بحيل الله راح نسمع بجرائم قتل هواي ونقرة بالتعليقات (يمعودين انتحار 😉) وهم لازم تخلي ايموجي الغمزة عود انت لوتي وغامض ومحنك.

[حسين وسام / كلمتي للجغرافية @welaeyty]

- قدمت على فلانة واهلها رفضوني .
هو : ولا يهمك الف وحدة غيرها وبنات الحلال هواي .
- مشروعي خسر
هو : ولا يهمك شوفلك غير مشروع وانتبه لا تكرر الاخطاء اهم شي لا تستسلم .
- حدثت بطاقة الناخب حتى انتخب.
هو : يمعود ماكو فايدة لا تحاول كلهم فاسدين، ماكو شريف، خلص ننتظر امريكا هي تخلصنة

[حسين وسام / كلمتي للجغرافية @welaeyty]

ست شباب يخدمون بموكب الاول يشوف الثاني بالنار لان ما يقلد نفس مرجعة والثاني يشوف الثالث جاهل لان يعلن ولائه لدولة شيعية اخرى، الرابع يشوفهم كلهم على باطل لان ما يتبعون نفس القائد السياسي الي يتبعة، والخامس يضحك عليهم لان يقلدون اصلاً، السادس ما يعرف شي بالمذهب غير اللطم .

[حسين وسام / كلمتي للجغرافية @welaeyty]

من تنتقد وتگول ( الحكم الشيعي) يزعلون ويطلعولك الف سالفة تبين ان صاحب المشكلة مو شيعي وان الطبقة السياسية الشيعية بريئة، ومن تگلهم راح اقاطع الانتخابات يگلك ( مو الحكم راح يروح للسنة ) وراح يحاول يقنعك ان الطبقة السياسية الشيعية رغم سيئاتها بس افضل لان جاي نوزع قيمة وتمن بحرية !

[حسين وسام / كلمتي للجغرافية @welaeyty]

اني : هاااتشييييي 😪🤧
الاول : مع الاسف تساوم على دم الابرياء وتبرر للقاتل .
اني : يا قاتل اني عطست .
الثاني : حقك تعطس لان صرت ضمن القطيع وعبرت عليك سوالفهم وصرت جزء من التسقيط السياسي .
اني : يمعودين عطست .
الثالث : عوفو اني اعرف منو يقصد بالعطسة مالتة .

[حسين وسام / كلمتي للجغرافية @welaeyty]

بالنسبة للدول الي وكفت على الحياد او ساندت اسرائيل ضد ايران ومظلومية فلسطين .
يكفي ان اي تعيشون حياة الخوف والذل والقلق، وتعرفون كلش زين ان راح تنباعون بثمن رخيص كلش .

[حسين وسام / كلمتي للجغرافية @welaeyty]

هاي قبل چانت اكو لعبة ( هاي الجنة وهاي النار كلمن كذا هو حمار ) الحكومة گد ما تحبنة بقت تلعب ويانة هاي اللعبة وتگول ( هاي الجنة وهاي النار كلمن يطالب بحقوقة مخرب ومدفوع وما يعرف وما يفتهم وعدو للمذهب ومن اتباع السفياني وطالع من الطريق والملة ولازم ينقمع) .