برى الجرح ولا يا عسى الجرح ما يبرى
انا لي زمان من كذا جرح داواني
على ذمة النسيان خليت له ذكرى
ايا واحد من قو قلبه تناساني
عرفته وله قلب مثل هالزهر واطرى
وتركني و له قلب قدر فيه يجفاني
كسب بي جماله يوم مر الشعر واثرى
بساتين شعري واورقت ذيك الاغصاني
على هونكم ياللي تغوصون سبع بحور
أنا اصب سبع بحور في وسط قاروره
ترا الناس مثل الألف في الواقع المنضور
هاذاك الألف ممدوده وذاك الف مقصوره
وانا ما اكسر المرفوع ولا ارفع المكسور
احب اكسر اللي يجعل الناس مكسوره
على حلم عمري جاري البحث والتنقيب
ياخوفي يروح العمر في طرد الاماني
انا والليالي نشبه الراعي مع الذيب
مغير يتحرص كل واحد من الثاني
ما اعرف اتشكى للبشر والشكاوي عيب
تعوّدت اشيل احزان الايام وحداني .
مادريت أن ضحكت الوقت خداعه
شفت مدخالي و لا شفت مطلاعي
لا بغيت أسج ولا أنبسط ساعه
دق قلبي من ورا حدب الاضلاعي
كن بين الضلوع آلة طباعة
تشتغل لا نمت وأقوم مرتاعي
هم قلبي مايفرق تجماعه
غير جر الصوت والناس هجَاعي
فاقد لي سبعة وأكبر ابضاعه
سلعة تشراء ولاهيب تنباعي
اللهم إنها الليلة الأولى لجدتي في قبرها، يارب هوّن عليها ليلتها وآنس وحشتها ووسع مدخلها، اللهم إنها ضيفتك وأنت خير مُضيف اللهم اجعل أول ليلة لها في القبر خير لياليها واجعل قبرها يارب في نور دائم لاينقطع 🙏🏼