حاول تعوّد على التطنيش
صمتك عن الناقص يهينه
لايشغلك من يهز الريش
أغلب طيور البلد زينه
أمسح على روسها بشويش
ضعوف الأجواد مسكينه
كم واحدٍ مايبيك تعيش
« لو إن الأعمار بيدينه ».
ما تعنّ إلا الخيول وما تقاد إلا البهايم
ومايبرّك لـ الحمول الكايدات إلا جملها
والهلايم ورثة عفون الرياجيل الهلايم
لوّ تجملّها ( لحاها ) ما يجملّها عَملها .
لا تـصادق بخيل ولا تخـاوي زعـول
ولا تـجـادل سفيه ولا تعــاند خـبـل
إلـتـزم بالنـزاهة و إحـترام العـقـول
وكان هبـت عليك الريح خلك جبل
وكان شفت الخواطر قدلحقها ذبول
ارتحل قبل في وجهك تضيق السُبل
حط نجـم الثـريا لك محطة وصول
وبينـــك وبيــن ربــك لا تفك الحبل
كفي على بذل المحاسن كريمه
لو كان ماني راس عصبه ولا قوم
عثت بي صدوف الزمان الأليمه
اطيح ثم اقوم و اطيح و اقوم
و ارقى على راس الشرف بالحشيمه
و لا على خدي معاريف و وسوم
انا حصانٍ ما قوته الشكيمه
تهبّني شملاً من الريح و اشوم
اشوم شومات الملوك العظيمه
اليا انتهض زيزوم و انحط زيزوم
بعد رحيلك
سيفتقدك من كنت ترعاه بصدقة ، أو توقظه لصلاة، أو تواسيه بكلمه، أو تعلمـه علماً، أو تنصحه سراً، أو تقبـل عليه بوجهٍ بشوش.
"فـأنت عابرُ سبيـل فـكـن ذا أثــرٍ جـمـيـل"
يارب احسن خاتمتنا واغفرلنا خطيئتنا واجعلنا من اصحاب الذكــر الطيــب في قلوب خلـقك."