.

الحمدلله ❤️

[. @wlll2y]

اللهُم أرحم من أصبحوا في ودائعك وبرّد على قبورهم وأعف عنهم وأجعلهم مكرمين في جنانك .

[. @wlll2y]

ابي خوة اللي لو يبور الزمن مابار
يعنز الابه كامله مايعنز له

[. @wlll2y]

الصبر مفتاح الفرج خابرينه
الموت مفتاح الصبر وين نلقاه

[. @wlll2y]

اللي يسلم لحية للرياجيل
لاعاد ينشد منهو اللي حلقها

يطلب عوضها بالليال المقابيل
وليا طبخها زين يشرب مرقها

[. @wlll2y]

برقٍ يفوتك لو مزونه مراهيش
لا تستخيل امطار سحبٍ مقفي

[. @wlll2y]

عيب الفتى لاعاش هقواته انه
اقل من مقدار مثله… وشرواه

لاعشت وانت ابن ادم اللي تضنه
بـ تموت وانت ابن ادم اللي تمناه

[. @wlll2y]

لو تنصف الناس ما نحتاج للقاضي
تلقى المحاكم خفيفات ن مشاكلها

ولو ما الغنايم تجي وهبات وحظاظي
كان اكثر اللي تشوفه ما يحصلها

من راقب الناس يكسب هم بالفاضي
كلن هدومه على نفسه يفصلها

[. @wlll2y]

انا اشجع من الرشاش في الهوش قدم اعداي
ولكن عند الشرع تاتيني ام ركب
يارب السماء ثبت فوادي على مبداي
وديني وبعدني عن الغزل والحب
عسى الناس ماتعرف وش الي يجيب اقصاي
وعسى الامداح لاقبلت يقفي معاها السب

[. @wlll2y]

الطاوله تجمع المرجوج والراسي
تحت شعارات “يا دنيا من انتِ له”

رفعت سقف التوقع وانكسر باسي
ما عاد لي غصن يسترجع محاصيله

مدري أنا العيب، ولا العيب من ناسي
وأنا أكثر إنسان ما يشرح تفاصيله

[. @wlll2y]

"إذا قرأ الغبي الكثير من الكُتب الغبية، سيتحول إلى غبي مُزعج و خطير جداً، لأنه سيصبح غبي واثق من نفسه وهنا تكمُن الكارثة."

[. @wlll2y]

من عقبكم مانبكي الحي لو مات
ولاني على الدنيا كثير الحسوفي

[. @wlll2y]

في ذمتي ما يجبن النساء امثاله
لو ولدن من مناخرها وافاميها

[. @wlll2y]

تكثر على بعض الرجال الملامه
اللي بدربه مايقدي مماشيه

اللي يتيه الليل عذره ظلامه
اللي يتيه الصبح وش يعتذر فيه ..

[. @wlll2y]

رخص الحصان ورخصوا الطيبيني
وغلي الحمار وما اشتبه له من الناس

ولد الردي يدحم بجنبٍ متيني
وولد الحمولة قام يمشي مع الساس

دنياك هذي زايده بالرطيني
ترفع ذنب واتطمّن المتن والراس

[. @wlll2y]

حنا من اللي توردنا . . هقاوينا
خل اللي تقول غشتها هقاويها

قد قالها اللي بـ اسامينا مسمينا
وعظام راسه من القدحات مرويها

الطيب في روسنا والمال في يدينا
والحاجه اللي تنومسنا . . نسويها (:

[. @wlll2y]

النسب بين الأجاويد عز ومفخره
والنسابه عند الأجواد يكبر شانها

انتبه لا تعطب النسل في سبة مره
لين تدري وش أبوها ووش إخوانها

من تربت في كنف ثور تاتيك بقره
والكحيله ما تخالف صهيل حصانها

[. @wlll2y]

من كثر ماضحك مع العالم واجاملها
حتى الطقوع المصيف صار ينصحني

[. @wlll2y]

فهقت الحياه .. وكل شورٍ من الاشوار
انا ما خِلِقت إلا على شان ميقافي ..

[. @wlll2y]

من شافنا فالحلم يقعد من النوم
ومن شافنا بالعلم بطنه يحله
.
عدونا لو جض ماهوب مليوم
اللي وراه يجض من جضةٍ له

[. @wlll2y]

أستامن العين وأثر العين فضاحه
طرا لها شي محد جاب طاريّه

[َ @veteranskyz]

التدرج فـ القصيدة هذي مخيف جداً
————————————
البارحه مابرح قلبي يحس بزحام
ياليتها ليلة اخر حزن ياليتها

وياليت مافي قفص صدري حروب وحطام
والامنيه ماتحقق لو تمنيتها

اخترت من ديرة الهوجاس هاجس سلام
وانا على هقوتي لامن تهقويتها

والجادل اللي تعداها قصيد الملام
ياليتني ماتهورت وتحديتها

احبها صح بس احبها بإحترام
حتى من النفس صاينها ماضريتها

كتبت فيها البيوت اللي بعضها حرام
وانا علي الحرام اني مامسيتها

اطهر من الغيث لامنة وطاة الغمام
وانقا من انقى هناديبي لا غنيتها

اخر لقاء بيننا على بساط الغرام
سويت فيها قصيده وانسرق بيتها

رحلت عن بيتها من قبل وقت المنام
ونمت وخذتني مناماتي على بيتها

احزانها تحزن الاغصان قبل الحمام
وادموعها ترهق اعماقي لامشيتها

شميت ريحة ملابسها قبل كم عام
واستغرب اني اذا حنيت شميتها

الحاصل ان الكلام اللي عليه الكلام
وصيتها لاتخليني ... وخليتهاااااا
- محمد الحمادي