wshq

لنْ تَـفْـهَـمْ .

[wshq @wshq]

وكانت ختام الاماني .. اماني
وانا احسب ان الاماني بدايات .

[wshq @wshq]

يالله يامنشي السحايب من اللاش
مسقي بها قفرٍ مجاديب وعْطاش
ومسيل النار العظيمة كما المي
بركان، سيل يحوش ماهوب ينحاش
وباني جبالٍ بالهوا وذرة تراب ..
ومثبت فيها نواطيح واعشاش
ومشقق صدر السما دروب وطروق
ومن مات من تحت السما فوقها عاش

[wshq @wshq]

خيبات تشبه بحتي في عوافي
حتى ارتباكي كل ماقلت زانت
فقلبي براد ودمع الاجفان دافي
اليا ذكرت اني على قيد "كانت
ياخوف خوفي فتل الايام طافي
ويابرد جوفي وين مالشمس بانت
ثوب الصبر وان كان شفاف/ ضافي
يستر ولايستر/مثل قول: هانت
الله عليك اكبر ، كبر بي خلافي
بعض المبادي ان دقها الوقت لانت

[wshq @wshq]

واربت لك باب الرضا كود تنصاه!
لوك لمسته بريح خطوة فتح لك

[wshq @wshq]

ياعلة اللي بارد الخوف يكويه
والليل شباب الفتايل يصلّه
زرقٍ زوايا ضحكته ، زرق يدّيه
زرقٍ شوارع رحلته من يدله؟!
ودي اشيل من الحكي صوت صافيه
يربك خطاوي فاقد الصبر كله
واحزم معاذيري مع الوجد واطويه
في جيب ماياسع من الوقت زلة

[wshq @wshq]

الريح تضرب ، والشبابيك شِرَّع
وكل الشموع اللي على الرف ظلما
وانا الوحيد اللي وقفت آتضرع
مدري اطلب الغفران والا اطلب الما !
ارشف سواد الوقت.. الا آتجرّع
كاس الظلام اللي الى ارواك/ تظما

[wshq @wshq]

احدٍ يبدل في حياته ... حياته
و احدٍ على ثيابه وعجز لايبدل
و احدٍ توقّف كلمته في شفاته
و احدٍ تخونه نبرته وْلا يعدل ..
و احدٍ حظوظه مْوافقه لامنياته
واحدٍ تعقد .. لو نفضها! تجدل

[Mousha 🐾 @mousha_artwork]

احب مْن المواقف موقف يرسّي ،
مكان الطيبين... وماتميل ارقاب
وانا ادري ان الظروف احيانًا تقسي
ولكن الغلا ! طبع الغلا غلاب
احب اللي يشف الضيق من حسي
ويتنبا من اطراف السكوت اسباب
وانا ادري ان الحياة الصاخبة تنسي
ولكن ! ما تطول الا وتفك الباب

@wshq

[wshq @wshq]

هم يسمعونه سايق الصوت جرّا
لكنّْ مايِشبعْ نداه المنادي!
مايشبهه عادي وصوته معرّا
وشلون يفهم لهجته شخص عادي!
ياوادي التيه البعيد المورّى
اذكر قبل لاآغيب ! عندك بلادي..!

[wshq @wshq]

دورت لي منفى عن الروح // برا
الجا له ان شد العصيف برمادي
نزلت راسي في يديّ // آتذرى ..
ماكانت تذري وسّاع الأيادي
ياليل ساري بدرك !.. الا مسرّا
مغصوب ما اختار المسار الحيادي
جمرة على طرْف اللسان المبرّا
تكوي حديث اللي عجز لاينادي

[wshq @wshq]

لي عمر شايلني الرجا يدين واكتاف
من شي بانوشه ولا هوب ينّاش
به غايتي والناس بالناس لاشي
الناس قطن يدينها.. وغايتي حْراش
يالله تسوقه لي كما تساق الاطيار
بارزاقها يا لين ما تحط ف اعشاش

[wshq @wshq]

يالله يامنشي السحايب من اللاش
مسقي بها قفرٍ مجاديب وعْطاش
ومسيل النار العظيمة كما المي
بركان، سيل يحوش ماهوب ينحاش
وباني جبالٍ بالهوا وذرة تراب ..
ومثبت فيها نواطيح واعشاش
ومشقق صدر السما دروب وطروق
ومن مات من تحت السما فوقها عاش

[wshq @wshq]

اقفيت من بعد الرضا / مستضيمة
وانا احسب اني لا اتجهتك بلاقيه
اضحك معك ضحك العيون الغشيمة
تضحك معي ضحك الذي فيه مخفيه
مير الوكاد النفس منكم سقيمة
حتى علاجي عندكم زاهدٍ فيه .

[wshq @wshq]

ماعاد ابي من حرب حبك غنيمة
بترك وراي اللي جنيته وبصخيه ،
قيمت لي حاجة وهي دون قيمة
واللي يقيم شي.. يدفع ثمن فيه
غيري ربح حربك بليا .. هزيمة
وانا تعبت انيشن القلب واخطيه

[wshq @wshq]

الناس ماتت ياس وانا آتمنى
الـ ياس..
موتني الرجا من ظنوني ..
فيكم عشم ماهوب من شي شفته
فيكم عشم لاني مغمض عيوني

[wshq @wshq]

هذي الليلة قديمة واعرف الليل القديم
النسم فيها عبرني قبل هالليلة وراح
السما فيها مسارح ضي في مشهد عتبم
والهوا شايل أسامي بعضها هالليل طاح
منهو جيّش ذكرياتي؟ ليه انا الليله غريم
ليه احس اني معرى وفي وسط صدري براح؟
من كثر مااحس نفسي هذي الليله سقيم
كل زوج وسط جوفي فرد باقي وفرد راح

[wshq @wshq]

..
انا تعبان من نفسي وانا اذكرني قبل اتعب
اذا يوطى الوجع صدري .. تعلّم رجله فالقرطاس
كثير اللي يقول ارجع ، وانا رايح وانا داري …
طريقي اللي يوديني / يرحعني، دواير ياس
وانا فصدري شناط دموع وازنها قبل لاروح
ولكن العيون السود .. لها ميزانها الحساس

[روضة الحاج @rawdaelhaj87]

وظننتُ
أنَّكَ حين تُفلتُ
فجأةً كفِّي
وتمضي
سوف يُغرقُني أساي!

وظننتُ
أنَّ خُطاي لن تقوَى
على دربٍ بدونِكَ
كنتَ أنتَ به خُطاي

أأقولُ إنِّي لم أخَفْ؟
قد خِفتُ
والتبستْ رؤاي!

أأقولُ لم أحزنْ؟
حزنتُ
وضاقت الدنيا بعينيْ
وانكسرتُ من الجوى
كأنينِ ناي

وكفرتُ بالحُبِّ الذي
أمَّنتُه عمري
وبل آمنتُ بِهْ
وأمِنتُ لَهْ
وجعلتُه مِنِّي
كما جُعلتْ أناي

وكبوتُ
ثم كبوتُ
ثم كبوتُ
لكنِّي
نهضتُ
فصدَّقتْ عزمي قواي!

وحدي
أخذتُ بكفِّ روحي
واعتمدتُ عليَّ واقفةً
فلا أحدٌ سواي

ووقفتُ
رغمَ مرارةِ الخُذلانِ
كالرُمحِ الجنوبيِّ
استندتُ عليَّ
واستمسكتُ بي
فانظرْ
أتبصرُه مداي؟

والآنَ
ها أنا ذي أسيرُ إلى غدي
جُرحي معي
لكنْ يقيني
أنَّني
قدَّمتُ أقصى ما استطعتُ
وكلَّ ما ملكَتْ يداي!

من ديوان (ثم تولَّيتُ للظِّل)
#معرض_الرياض_الدولي_للكتاب_2023
دار رشم للنشر والتوزيع

[wshq @wshq]

في رجفة بردك الأولى/ تناصفنا
وصرنا اثنين.. انا وانتي.. يا كم خفنا ..
بعد ماكان ملبوسك لحم جسمي!
نزعتي جسمي لفستانك التفصيل..؟

حشاي ادفى من الدنيا على صدرك
وماتدرين.. لكني انا ادرك ..
نزعنا اللي جمعنا في جسد واحد
ومن صدري / لـ على يديني.. ياضعف الحيل

[wshq @wshq]

يا اكبر شمس في عمري ضوت عمري.. سماي تشيل
ياجوفي اللي طلع من جوفي.. تاركني خلا// في ليل..

احس بخوووف..
ولدتك ثم.. نبت بين الثواني كفوف
تحضنا.. انا وانتي..
وانا وانتي بكينا حيل..

[wshq @wshq]

ماعاد يذريني ذراكم عن النار
وماعاد تاسعني معاليق مخلوق
اليوم لو بركي تراكيت بجدار
ماني براكي لي على حسن منطوق
محد يحس بلذعة الكي لا صار
كلٍ على ناره وطايلته حروق
احدٍ يجس الصدر شفَّته الاخبار
واحدٍ يدور بك عزا منْه مسروق