وسـم .. ا🇶🇦

⠀⠀⠀⠀⠀ ⠀ ⠀ ⠀ ⠀ ⠀ ⠀ ⠀ ⠀ ⠀⠀⠀⠀⠀ ⠀ ⠀ ⠀ ⠀ ⠀ ⠀ ⠀ ⠀⠀⠀ ⠀ ⠀⠀ ⠀ ⠀ ⠀ ⠀

[وسـم .. ا🇶🇦 @wssm94]

أنا العاشق اللي في بحور الهوى سباح
ياسهلّي وياصعبي وياكثر تعقّيدي

كلامك ماهو واضح ويحتاج منك إيضّاح
ولوّ مانت في حاجة لـ نفّيي وتاكيدي

أحبك تعيد الحكي بس أكره إلالحّاح
تفضل علي وعيّد ماقلت ياسيدي

مخّارج حروفك تسحر ومبسمك ذبّاح
وبحر عينك أعمق من بحور الفرّاهيدي

[وسـم .. ا🇶🇦 @wssm94]

اجرعي مرّ الصبر يانفسي .. الدمّاحه
بين حاجات الزمن وضغوطه النفسيّه

[وسـم .. ا🇶🇦 @wssm94]

"اللهم الوجهه الواضحة والطريق الصحيح
والسلامة من خمول همتنا وضياع سعينا."♥️

[وسـم .. ا🇶🇦 @wssm94]

"جعَل الوُجيه الطيبّه بوجيهَنا كل ما لدّينا".♥️

[وسـم .. ا🇶🇦 @wssm94]

أنت ياللي كل ما هزّ المحاني طيفه
جرّني طاريك من ربعي ومن جلاّسي

كانك اللي فالمحبه موجس له خيفه
والله إني بين لوعة خاطري وعماسي

كل حبٍ غير حبك .. ينكشف لي زيفه
وكل طيف غير طيفك ما يهزّ إحساسي

وكل وجهٍ غير وجهك فالوجيه أعيفه
وكل صوتٍ غير صوتك ما يقنّد راسي

[وسـم .. ا🇶🇦 @wssm94]

يا أوفى ويا أحب من بادر ومن واصل
وأعز من شيمتي وأطيب من ظنوني

وجودك يداوي جروحي ويستاصل
الضيقة اللي تحجب النور من دوني

أحاول إنه ما يفصل بيننا فاصل
حتى لو إن ينفصل راسي عن متوني

أشرّ على ما تبي واللي تبي حاصل
حتى ولو تطلب عيوني من عيوني

[وسـم .. ا🇶🇦 @wssm94]

استشعار النعمة هي نعمة .. بحد ذاتها
اللهُم لك الحمد ، حمدًا يُوافي نعمك

[وسـم .. ا🇶🇦 @wssm94]

لو إني من شهر مارس قدرت أكشف لك المستور
ما ضيّق خاطري شيءٍ خذيته عاد ودّي به

لكن الله حفظ لـ أسرارنا شيمة حيا وصدور
انداري ما درينا به عن العذال تدري به

أنا ويّاك ما أخترنا نهاية دربنا المهجور
خذلنا الحظ لا والله.. خذلنا الشك والريبه

[وسـم .. ا🇶🇦 @wssm94]

لي صاحبٍ في تالي الوقت خيّب
و قام يتعدى بالردى و يتحدى

و صار البعيد اللي من أول قريّب
من بعد ما كان الرفيق المبدا

ماني بقايل صاحبي كان طيّب
لو كان طيب صاحبي ماتردى

[وسـم .. ا🇶🇦 @wssm94]

عَذب الكلام اللي معك ما يجرح الحب النبيل
اعتق نسايم كلمتك .. أسمح لها الليله تهبّ

سولف ترى صمتك طويل وليلي الأظلم طويل
ولا يقصّر الليل الطويل إلا سوالف من تحب .

[وسـم .. ا🇶🇦 @wssm94]

كل ليلة ما غفت على دفى ضحكك و همسك
باردة لو بشتها منسوج بـ خيوط المليله

وكل ليلة ما وقفت على عتبة وصلك و شمسك
كل ما نرفع جناح الليل يطلع منه ليله

أنت لو تشوف نفسك في عيوني تشوف نفسك
بس مشكلتك تشوف أوصافك الحلوة قليله

[وسـم .. ا🇶🇦 @wssm94]

ملكني غرامك لين صرت أملك استعداد
أناصر ضحايا الحب .. وأفهم مجانينه

[وسـم .. ا🇶🇦 @wssm94]

عن قبالً : يسرق الألباب .. مانيب متخلّي
ناسلً روحي على متنك مثل نسل الجديله

ان ضحكت تعلّم الازهار .. وشلون التجلّي
"وان بكيت تساوي النفس العزيزه بالذليله"

من عرفك وماقضى عمره طروب ومسفهلّي !
من لقاك ومالقى الدنيا مثل وجهك جميله ؟

[وسـم .. ا🇶🇦 @wssm94]

عليك من الضيا و النور ليلٍ يحتري ملفاك
و روحٍ عانقت حضن الرجا في بردها العاتي

ذرى عن كل ما يوحش مكانٍ خاطره لقياك
سرى .. عن كل همٍ مايضيم الا مع سباتي

ورى ذيك النجوم الحايرة من مبسم محيّاك ؟
عذوب المنطق اللي لاحكى يخطفني من ذاتي

[وسـم .. ا🇶🇦 @wssm94]

عسى وجهٍ مثل وجهك ملاه النور
اشوفه طول عمري ضاحك وراضي

[نصيحة @i__Gi1]

"لَم يَكُن موسى يَعلَم أنَّ الله سَيَشقُّ لهُ البَحر،
ولكنَّه كانَ يَعلَم فقط أنَّ الله لن يَتَخَلّى عنه.🤎"

[وسـم .. ا🇶🇦 @wssm94]

ياخليلٍ ما اعتراه من " الدهر " تغريبه
العب بـ حاجبك وارخه للبحر واشمخ به
.
انت من سر الخلود اللي تعبت اهذي به
سلطنة حسنٍ تربع ، فوق عرش النخبه

[وسـم .. ا🇶🇦 @wssm94]

طاري الشوق لا طال الفراق ايتجدد
ياعشير ٍ ما جاد الحظ بك يوم جابك

كم لي احن لـ الماضي معك واتصدد
لا تذكرت خيبة هقوتي في رحابك

ما اقدر اعاتبك بعد الجفى واتودد
وانت مع سكة المقفين تشعب اركابك

لهفتي يوم اجي مع شارعك واتردد
كنها موتت احلامي على سور بابك

[وسـم .. ا🇶🇦 @wssm94]

عداك الملام وشرهة الولف يا نزّاح
عن دياري اللي منت بأول خسايرها

تبعت السراب الين سلمك للمرواح
ولديت .. وعيوني تزوّر عبايرها

قنعت وتركتك للزمن والزمن فضّاح
على مهله اسرار المخاليق يظهرها

بقى لك معي ذكرى ليا غمّض المرتاح
تمشط بقايا كبدي بروس أظافرها

[وسـم .. ا🇶🇦 @wssm94]

يستفز شعورنا و قلوبنا المقلوبه
الحبيب الي لا صدقنا ولا كذبنا

علموه إن المحبة والغلا من صوبه
لو تجي من غيره من الناس ما تجذبنا
ㅤ
المحبة تنبني في القلب طوبه طوبه
مثل ما تنشا البيوت العامرات وتبنااا