البنادم ما يعيش بنفسه المغروره
لو يحدر فـ الحياه اعوام و يسندها
مايفتش من ورا خلق الله المستوره
كود خبلً اشغل العربان ويطردها
علموه ان كان قلبه ما لقى دكتوره
يا عسى نفسه تبيد ويقترب موعدها
مخلد العطاوي
الزمان الي تغير .... فيه حتى معطياته
ماهقيت انه يصير بشكل غير الي هقيته
روحت فيه النصايح وكثرت فيه الشماته
يالله انك تعتني ب اللي همومه مبتليته
مخلد العطاوي
حنىء من العام انتواعد و ننحاس
يالغايب الي طال هجرك و صدك
ياقبلة العشاق يا عذب الاحساس
مدري علام الوقت ضدي وضدك
الحب عندي يا حبيبي ب مقياس
جرعه من الحب الحقيقي تسدك
تبغى علومي هاك و الناس لناس
حاول تعيد الوصل ب الي يودك
مخلد العطاوي
يا سرع الايام و الوقت سرعاه
وقتاً غريب وزاد فيه الغرايب
الي منول مالهم عندنا جاه؟
اليوم صارو يفرعون النشايب
وقتاً تغير فيه .. حتى قضاياه
دنيا عجيبه جعلها للعجايب
مخلد العطاوي
ياشيب عيني لا اقبل الليل وامسيت
وياشيب قلبي ياهوى البال منكم
ياعزتي لي كل ما اقبلت واقفيت
وياعزتي لي يوم قّفىء ضعنكم
عقبك سرى ليلي ونومي شلافيت
ولاجا مجال الشوف صديت عنكم
مخلد العطاوي