تذكـآر.

في القَلب ساكن و صُورتك تذّكار.

[تذكـآر. @x3TB__]

فلا التِذكار يرحمني فأنسى
ولا الاشواق تتركني لنومي..

[تذكـآر. @x3TB__]

من يشتـري قلب همومه ملاييـن
ويبيعني قلبٍ من الهم خـالي

عجَزت أعدّل مايلات الموازين
أليّا اعتدل ميــزان ميزان مـالي

دنياك يا الجاهل تراها أمّ وجهين
أيام تشرب مُرّ وأيــام حالي

ويظهر صديق لك من الناس الأقصين
يكفيك عًن رفقة رفيقٍ موالــي ..

[تذكـآر. @x3TB__]

شكراً على كل الظروف السعيده
والله يعوضني في طيبي وطيب فالي

أحسب إني معك قاطع حدود بعيده
و أثرني راكض لحالي وواصل لحالي

لا تدور ترى ما غير نسخه وحيده !
تلقى غيري ولكن منت لاقي بدالي

الفقيده ماهو بـ اللي يموت الفقيده
غاليٍ صار مع الايام ماهو بـ غالي ..

[تذكـآر. @x3TB__]

طويت صفحة غرامك وانتهى المشوار
وصحيت من حلمٍ أعمى كنت أداريه

غديت مثل الذي طال الرجاء ب أسوار
لين استوعب إن السراب ما يرويه

ما عاد لي في رجا وصلك ولا تكرار
قلبٍ عطيته وفاء ما تستحق تشريْه

رح بمان الكريم ولا تسوق أعذار
الطيب فيك ضاع والوقت يمحيه..

[تذكـآر. @x3TB__]

إن عَطيت عطيت عمق البحور بلا حساب
وإن هَجرت صديت صدة اللي ما كن له والي..

[أ. شعر @7ii58]

ياحبيبي منت . . ذاك الأولاني
خطوتك صارت على إهمالي عجوله

صرت تستكثر علي حتى الثواني
يالوحيد اللي ليا من غبت يوّله

يا بعد من راح عني ونساني
ماخبرت نفسك على وصلي ملوله

ودك بـ فرقاي ولا بشخص ثاني ؟
جمّع اللي خايف تقوله و قوله

[معذور.! @52kf_]

ليه أعاتب وأتضايق و أنقهر
وانت قلبك في غيابي مستريح

كنت أشوفك في ملذات العمر
شخص تفداه القصايد و المديح

و إنك واحد بس تكفي عن عشر
وأن غيرك لي خطا وانت الصحيح

جيت لك صادق بدربك مستمر
مندفع لك مهتوي واضح و صريح

ليت قلبي عن هوى قلبك نفر
مارجعت من الهوى ضايقٍ جريح

[? @vertoas]

مثل شروق الشمس حنّا بدينا
واليوم يا خلّي غابت الشمس

غابت علينا قبل نشبك يدينا
ما بقى إلا ضحكاتنا بالأمس

ما كنت أتخيّلها تغرب علينا
وأعيش لحالي في ظلامٍ دَمْس

قلت لي يومها: "ترا حنّا انتهينا"
وكأنّك نسيت وش كنّا بالأمس

بيديك أنهيت كل اللي بنينا
وأصبحت لي مثل ذيك الشمس

[أ. شعر @7ii58]

انتهت رحلة غرامك والسلام
واجمل ايامي معك ضيعتهم

دام مال الحب عندك اهتمام
ليه اعاتب وانت صعبه تفتهم

رح ولا يطري على قلبك ملام
واجد اللي من قبل..ودعتهم

علموني ..عنك ..تجار الكلام
وغلطتي ..في ..وقتها كذبتهم

ليتني..وياك ماعشت..الغرام
وليتني .. لما حكو ..صدقتهم

[? @vertoas]

ودعتك الله لو على قلبي أخطيت
وحاربتني من دون ذنبٍ وخطيه

أحسبك تذكرني إذا أصبحت وأمسيت
وأثرك على فرقاي نفسك هنيه

الله أكبر كيف عني تخليت ؟
من بعد ما علقت روحي البريه

وش غيرك وش بدلك ليه صديت ؟
وأنت الذي بالقلب نبضٍ وهويه

منهو بقى لي بعد ما عني أقفيت
وقدمتني للحزن أثمن هديه

[تذكـآر. @x3TB__]

والله إني ما أتغيّر ، لو تغيّر
كل درب وكل وجه وكل صاحب..

[تذكـآر. @x3TB__]

لا تجرحيني ..

[قصيـد @eix6__]

معك وين ماذعذع هواك .. ومالت الفيّة

[‏᷂عسر٨٨ @Qhta10ni]

ورثنا القبال الزين لو ما ورثنا المال
ما نافس وساع صدورنا إلا مجالسنا

[تذكـآر. @x3TB__]

ما نَشدت الشمس عن حِزن الغياب
علّمتنا الشمس نَرضى بالرحيل..

البدر

[تذكـآر. @x3TB__]

أثري مسوي بالقلوب الأعاجيب
وأنا مَثل وجه السماء نقش ثوبي..

مساعد الرشيدي.

[مـوطــن @_mo6n_]

تباهى بيّ !
ترى غيرك يطق بابي
و لاني راضي أفتح له
تباهى بـ حُبي و إعجابي
ترى قلبي ثقيل وبغير قلبك مارضى هالقُرب

[تذكـآر. @x3TB__]

أنا اللي كل همّي إنك بخير
وانا اللي ماني بخير الا معك..

[تذكـآر. @x3TB__]

غاب نور البدر ، الله يرحمك ويغفرلك .. 💔

[- @sehail_]

لقيتك أمل من ضاع عمره ورى الحرمان
وبديتك و انا اشوفك عوض ماضيّ ايامي

جمعني معاك اليسر عقب العسر سبحان
من يضحك الخافق بعد جرحه الدامي

تحضنت وصلك كني الضامي الهلكان
يالين ارتوى فـ مواصلك قلبي الضامي

عليك الغلا منساق والشوق شانه شان
وعليك الرضا يا واهس الشعر و الهامي