نايف المطيري🇬🇧.

@x4ud

London, England

Joined July 2009

6K Following

7.4K Followers

3K Posts

Pinned Tweet

نايف المطيري🇬🇧.

@x4ud

over 3 years ago

اللهم ارحم أبي رحمة لم يدعُ بها داعٍ ولم تخطر على قلب بشر اللهُم آنس وحشته في قبره وإجعله في نعيم مُترف واكتب له جنة عرضها السموات والأرض.

104

نايف المطيري🇬🇧.

@x4ud

3 days ago

لاجيت أنا آخذ فرحتي من سنيني وشلون مادام الزمان يعصاني لو كان في صمت الرجا ترتجيني كان احتويتيني حروف المعاني وإن كان شفتي عبرتي تحتويني قولي تصبّر واحذري من زماني خلي الشقا لي وابعدي لا تجيني لا شفتي الدمع الحزين احتواني وإذا رحلت عن السنين اتركيني يمر عمري وواقفٍ في مكاني وإن كان صوت المسأله في حنيني إذا كتمته وسط صدري هجاني أحس به في نظرتي وفي أنيني في كل شي بساعتي والثواني وإذا كتبت الشعر بس اسمعيني أمطر غضب همس الشقا من لساني وإن جيت لك لمسة حنان ارسميني لو إن ليلي وسط لونه طواني وإن ذبت في دربك قصيد اجمعيني في صفحة أشعارك حروف الأماني كلمة غزل إن كان سطرك يبيني بس اكتبيني للشقا اللي قراني وإذا نظرتي للبعيد اذكريني ذاك البعيد اللي ذكرته ونساني وإن جيت لك طير الحنان احضنيني كني طفلٍ في حضنك اللي حماني وإن جيت لك قطرة مطر ارتويني غيرك كثير اللي عطش ما رواني وإن أنصحك يا هيه لا تستهيني قبلك كثير اللي شربني وظماني يا بنت هذي المسأله وافهميني أنا كتبت الشوق لا ما محاني

150

نايف المطيري🇬🇧.

@x4ud

10 days ago

يا صاحبي قدّرتني لين حبيت وأبعدت يوم الوقت فيك ابتلاني صرت الحبيب اللي بدربي تمنّيت أكبر مصيبة كان قلبك نساني وشلون أبنسى كل ذكرى بها جيت عِشرة عمر يا زين ماهي ثواني أكره تقول الناس إنك تغلّيت ارجع إذا باقي بقلبك حناني وش بك على غفلة تغيّرت وأقفيت من هالجديد اللي عطيته مكاني لو كنت عارف نيتك ما تماديت أبعد ولو جرح المحبة حدّاني تقدر تفسر لوعتي يوم ونيت قلبك ذهين وفاهمٍ بالمعاني آملت منك الحب من يوم ناديت أثر الوهم في بحر غدرك رماني لجلك بذلت الروح يا زين وأهديت ما هو جزاي إنك تزيد امتحاني ما تدري إني تحت ظلك تهنّيت ما تدري إنك هاجسي في زماني أنت وحياتي يا عيوني تساويت ما ظنتي نفسي تولّع بثاني كتمت ما في خاطري عنك وأغضيت والله يعلم كم بقلبي أماني

228

نايف المطيري🇬🇧.

@x4ud

17 days ago

انا ومجمل احلامي نساير هبوب الريح عسى الخاطر المجروح يبرى من صوابه لو اني لقحت الشوق ما ينفع التلقيح مع اللي يروح الفكر لأجله ولا جابه ترى الدمعه اللي ودها من عيوني تطيح منعها الحيا تبكي على القلب واحبابه معك وجه طفله من صدوف الليالي تصيح ومعك قلب في بيت الهجر ثبت اطنابه خطايا المحبه تطلب الصبر فالتبريح وخطايا شعورك درب والشعر يشقابه ترى الشعر لا بعثر حروفه من التجريح فلا يمكن تلومه لأنك من اسبابه يجيبك خطا ثاني وانا اقوم بالتصحيح قفلت العتب والصبر فاتح لك ابوابه ولا فادني مع طيشك الصبر والتلميح ولا فاد قلبي لا كتم لأجلك اعصابه انا برحل وقلبي معه كثرة التسبيح مقدر عليه الحزن والقلب يرضى به

223

Who to follow

غلا العبدالله

@Gfllix

"ماضاف لك بس انتِ لـ الشعر اضافه " ❣️

@wrr59r

👩🏻‍💻

@n_6ud

‧˚✩‧₊˚☆*✩‧ *✩‧₊˚☆*✩‧˚✩‧₊˚☆*✩‧ *✩‧˚☆*✩‧₊*✩‧₊˚☆*✩‧˚☆*✩ ﴿ عَسَىٰ رَبُّنَا أَن يُبْدِلَنَا خَيْرًا مِّنْهَا ﴾ | فضائيات🚀 | 📚💻🌴🪐☕️🔅✨

نايف المطيري🇬🇧.

@x4ud

23 days ago

أموت من صمتك لو تشوفني حيّ عامين ماحسيت ياهي قويهّ عامين في حبك طوى مُهجتي طيّ وأخفيت أسمك في حروف الأبجديهّ تدري وش أصعب من سكوتك ولا شيّ وأنا أجامل بين روحه وجيهّ خذيت قلبي معك كنه ماهو ليّ وعلمتني في حبك الجاذبيهّ أكسر حدود المستحى وأشعل الضيّ لايمنعك خوفك على سوّ نيهّ شالفايده ماعرف غلاتي وأنا حيّ لامت ماتنفع دموعك عليهّ

245

نايف المطيري🇬🇧.

@x4ud

24 days ago

ذكرتك جعل ربي بعد غيبتك يحميك من عيون ناسٍ في حسدها توسّعها رسمتك غلا في الصدر والهجر ما يمحيك والأفكار لو تجفا هجوسي يودّعها تطير القصايد في سما حبّنا وتجيك تجيك القصايد من بعد صرت دافعها تشرّه ترى الشرهة تزيد في صدر مغليك لكنه كتمها لأجل حبك ووزّعها أنا من غيابك كل يوم أغنّي فيك وأنا أدري لحون القلب ما عاد تسمعها ولو طال غيابك ترى مانيب ناسيك مدامك عيوني من حلا النوم تفزعها شف الدمعه اللي من غلاك جابت محاكيك تعرف المحبّه كيف أخذها وسنّعها سهرت الليالي كلها من سبب طاريك وأقول القصايد في غرامك وأنوّعها لو الصدفه اللي جابتك تدري بماضيك تشوف الصدوف العابره معك تزرعها مادام القصايد في حضورك تبي ترضيك عسى الله يعينك يوم فكّرت تجمعها

219

نايف المطيري🇬🇧.

@x4ud

about 1 month ago

توك تجي وتقول يا صاح وش فيك توك تذكر لك وليفٍ نسيته أنا الذي من كل الأعماق شاريك وأنا الذي لا من بغيته لقيته وأنا الذي ردي على نداك لبيك سويت بي شيٍ وأنا ما هقيته يا للأسف يا زين خاب الرجا فيك قلبٍ صفالك في يمينك كويته لا تعتذر قلبي من العام ناسيك خلك مع اللي بعتنا واشتريته من أولٍ أبيك واليوم ما أبيك هذي نتيجة دربك اللي مشيته ماني مجازي فعلك الله يجازيك قلبٍ وفالك للأسف ما وفيته وش عاد تنفع قولت أهواك وأغليك خلاص حبك بعد صدك طويته أنشهد إنك طحت من عين مغليك خلك مع اللي بعتنا واشتريته

238

نايف المطيري🇬🇧.

@x4ud

about 1 month ago

يالحب الأول جاك حبٍّ يغطيك حبٍّ مسح بالذاكرة كل ذكراك خلّاني أنسى ما مضى من لياليك وخلّاني أنسى سيرتك وأتناساك مثّلتها مع شخصٍ همّه يعاديك وهمّه يجيب العيد من عقب فرقاك ودّه على شيٍ يجيني وأخليك مدري وش اللي جابره يوم عاداك ما فيه شيٍّ إلا وهو جايبه فيك ينقل كلامٍ بالغلط ويتبلاك يبي يشككني وأنا بدون تشكيك ما تدخل الشكّه خفوقٍ تمنّاك لا قال شيٍّ قلت يا حيّ طاريك أحرق خفوقه وأدعسه بس لرضاك أسجّ ثم يقول جالس أحاكيك ما يدري إنّي يوم أسجّ وياك حرام ما يسوى بعيني مواطيك جعله فداك وعسى البيض تفداك أبك أنت الأول ما به أحدٍ يساويك يظهر بوجهي شيٍّ وإن مرّ طرياك خلّيت أنا أشياء بس وشلون أخليك منت بعادي غير ذولا وذولاك به شيٍّ في قلبي يحنّ ويناديك طامع بشوفك لبّى والله محيّاك يا ليتها صدفة تجيني وأناجيك مشتاق أشوف اشلون تضحك شفاياك ملّيت أغنّي بين نفسي وأناديك الله كتب لي يا حبيبي بفرقاك ويا الحب الأول ما به أحدٍ يغطيك ولا فيه حبٍّ يقدر يزيل ذكراك

211

نايف المطيري🇬🇧.

@x4ud

about 2 months ago

تعبت أداري قصّتك بين الأوراق وتعبت أخفي لهفتي واشتياقي وتعبت أجامل وأتبع الشوق واشتاق وتعبت أطفي لوعتي واحتراقي لا تحسب إن القلب في غيبتك راق قل لي بعد فرقاك وش عاد باقي ما دام قلبك للغلا ما بعد فاق الحين دوري شوف قسوة فراقي بذوقك كاسك وبنشوف تشتاق وبعطيك همّي والعنا والبواقي بسهر معك بنام وبقسى وبشتاق وماني بصاير لك على ما أنت هاقي إلى متى باجامل الشوق واشتاق ومتى أبيّن لوعتي واحتراقي أنا أشهد إن الحال ما عاد ينطاق ارحل عسى ما كنت ناوي تلاقي عندي خبر حظّي له سنين ما فاق ولا فيه جمعٍ إلا يليه الفراقي والحين ماتت قصّتك بين الأوراق ومات الغلا مع لهفتي واشتياقي ومات السهر والقلب في غيبتك راق يعني غرامك مات وش عاد باقي

207

نايف المطيري🇬🇧.

@x4ud

about 2 months ago

أنتظرتك لين ما ملّ انتظاري ما أذكر إني مثلك إنسان انتظرته ما ذبحني بالجفا غير الطواري كل ليلٍ يمر بطيوفك سهرته ماهقيت إنك معي بايع وشاري ليه من شاريك بإحساسه هجرته كنت أظنك بالغلا دايم تماري وأنت ما حسّيت فيه ولا شعرته كنت أظنك في شعور القلب داري وأنت ما تدري وفي غيابك كسرته دايم أداريك وأنت ما تداري كل شيٍ معك سويته خسرته لو صحيح إن المحبه باختياري كان حبك بالقصايد ما ذكرته ولا ولهت لشوفتك لا مر طاري والغلا ما كان بالقلب اعتبرته دام لك قلبٍ على الهجران ضاري بتركك وأنهيك من قلبٍ أسرته

246

نايف المطيري🇬🇧.

@x4ud

2 months ago

يا هيّه المحبّه ماهي بكيفك ومشهاك متى ما تبي تعشق تجيني وتلقاني إذا كان ودّك تعرف الحب قرب هاك خفوقي وفتّش فيه بالحب واقراني خفوقٍ حلف طول العمر بأنه ما ينساك حرام إنك تلعب فيه يا خير خلّاني لو إنك عطيته يا بعدهم مثل ما عطاك تشوف الحياة بكبرها أشكال وألواني تغيب ويجيني شي لو إنه نصّه جاك ورب الملا تعذر جنابي وتلفاني أكافح طوال الليل وأسهر على فرقاك وأغنّي لحون الشعر والدمع عنواني بغيتك تكون اللي تخيّلته وأبغاك تكذّب جميع الناس وتعزّ لي شاني لكن الغرور اللي قتلني خذا مبداك تصدّقهم وتقفي وأنا الهمّ يصلاني تذكر كلامك والله إني فلا أجفاك خذاك الغياب وما بقى غير حرماني وأنا لو قريب الناس لك مقفي وخلاّك فلا أنساك لو كل البشر منك تنساني طلبتك تعال ولعنبو قلبٍ من ينساك وارحم ترى فرقاك بالحيل أبكاني وإذا جيت خل الحب من كيفك ومشهاك ومتى ما تبي تعشق تجيني وتلقاني

215

نايف المطيري🇬🇧.

@x4ud

2 months ago

يغفر الله للحبيب اللي تركني في سهادي ما هقيت إن الغلا والحب بعيونه تجلّى ما حفظ معنى العهود ولا عرف معنى المبادي غرّته دنياه بلحظة نسى العهد وتخلّى عشت بأوهامي وجتني صدمةٍ هزّت فؤادي كنت أنا عنده مجرد واحدٍ فيه يتسلّى آآآه من هالليلة اللي كان يغشاها السوادِي ليلةٍ فيها خفوقي من معاليقه تدلّى ليلةٍ كانت مثل حلمٍ تبعثر في رقادي وقتها ماني مصدّق وأحسب إن الحلم حلّى ليلةٍ فيها الأيادي ودّعت ضمّ الأيادي كأن الأرض انشقّت ولا عيّنت رجلي محلّى كنت أجاهد في هواه وكنت مؤمن في جهادي وأستلذّ بجور طعناته ولو ظلمه تبلّى قلت له ترضى عليّ جرح المفارق قال عادي قال لي ترضى علي حكي الأوادم قلت كلا جيت أصوّت له ولكن لا حياة لمن تنادي صدّ كنه ما سمعني وأحرق الخافق وولّى واستدار وخطوته كانت عجولة في بعادي وأضحك ودمعي على خدّي وأقول إنه يتغلّى رحت كن صمت الطريق يقول لي وين أنت غادي تايهٍ مالك جهات، والصبر فيك يتحلّى يمكن الفرقا تريحني وتشفي لي فؤادي دامني عنده مجرد واحدٍ فيه يتسلّى

215

نايف المطيري🇬🇧.

@x4ud

3 months ago

تعبان نفسيًّا ومنهاكه أعصابي وأعيش فترة ضياع ولا تضيّعني أفهم حقوق الغلا وأتقبّل عتابي وأصدق معي وأوف لي ولا عاد تخدعني ما دمت حاسب حسابك فاحسب حسابي وما دمت حاشم جنابك لا تلوّعني قصايدي بغيبتك ما نالت إعجابي وأجمل بيوت الغزل ما عاد تُقنعني في غيبتك حمت مرقابك ومرقابي حتى لو إن الدوافع ما تشجّعني أضيق في غيبتك وأنوّخ أركابي وأحاول أنساك مير الحب يمنعني أطمح لقربك وأشوف الأفضل غيابي وأحلم بصدفه قريبه معك تجمعني وإليا نويت أوصلك وأبيّن أسبابي العزّة تردّني والشوق يدفعني ولا صرت ناوي فراقي يا آخر أحبابي تكفى احترم موعد الفرقا وودّعني

227

نايف المطيري🇬🇧.

@x4ud

3 months ago

يا حبيبي ليه طولت الغياب والمشاعر في غيابك ترتجيك الغياب المُر من أقسى الصعاب ليه تهجر خافقٍ مِيتٍ عليك من غرامك مبتلي ما يوم تاب باع كل الناس جا لك مشتريك وفي غيابك ذاق لوعات العذاب والدقايق والثواني تحتريك الزمان أصبح في بعدك اكتئاب كل شيءٍ فيني يا الغالي يبيك الزهور اللي ملت صدر الكتاب والرسائل يوم تكتبها يديك غير همّي والحزن ما مِن زهاب لي متى؟ الله يرحم والديك ذي حياتي يوم طولت الغياب والمشاعر يا حبيبي ترتجيك

275

نايف المطيري🇬🇧.

@x4ud

3 months ago

بين الأماني والصحيح أحلام وبين المحبّة والوصال سلوم لو أبني العِشرة على الأوهام ما كان يوم موادعك مشؤوم تاخذني الذكرى على الأيام فرقاك كوم وذكرياتك كوم في غيبتك علامة استفهام خليتني ما أخذت منك علوم برّر غيابك لو بروس أقلام عشان أحس إني ماني بمظلوم تحسب مواصلنا مسيرة عام والعام عدى لا عداك اللوم وأنا معك ما أعدّها بأرقام ولا أحسب الأيام يوم بيوم وياك وأنا الشاعر المقدام ومن غيرك أنا العاشق المحروم شاعرك ما يبغى شعر وإلهام وهو بلوعات الزمن مزحوم شفني ولا أدري وش بقى قدّام من ساعة غيابك وأنا مصدوم في مظهري ما رّيه استسلام وفي داخلي ما فيه غير هموم من غيبتك عنّي ما عاد أنام فقدتك وفقدت طعم النوم

257

نايف المطيري🇬🇧.

@x4ud

3 months ago

أعايدك ولا أعايد جروحي ولا أعايد فيك باقي بقاياي قل لي متى قلبك خِلّي وشحوحي قل لي متى تشتاق لأرضي ودنياي ما فاد قافي لك ولا فاد بوحي مليت أنادي لك وتتجاهل أنداي ليلة وداعك كان قلبي يلوحي يبغى يقول ارجع ولا تزيد بلواي ما كنت أحسك غير نبضي وروحي لا رحت كن الروح ماهي بأحشاي ما كنت أشوفك غير حلم وطموحي لا غبت غابت سالفة حلم جواي قال الفراق وقلت هذا مزوحي ماني مفارق سلوة العمر ومناي قال الزمن غدار لا كنت توحي قلت الهوى وافي على طول وياي قال الغرام إن جاك لازم يروحي قلت الغرام إن زال زلت بي أخطاي كذبت في حبك كلام النصوحي اللي يشوف الهم ياكل حناياي دار الزمان وصار دمعي سفوحي دمعٍ ذرفته بالخفا في زواياي دار الزمان وصرت عايش بروحي بين الضياع وبين أطهر خطاياي يا نفس كفي لوعتك لا تنوحي هذه نهاية ما بدت به نواياي بعايد أيامي وأعايد جروحي وأعايد الوقت الردي وبقاياي

255

نايف المطيري🇬🇧.

@x4ud

4 months ago

وحانت ساعة الفرقى وخاطر مهجتي مجروح عليم الله من عقبك تعبت ولا عرفت أرتاح وكيف أرتاح وغيابك جرح كل الحكي والبوح جرحت الروح والخاطر ودمعي من عيوني طاح عطيتك من غلا روحي مشاعر يا عديل الروح ولا جاني سوى الفرقى وذكرى كلّبوها جراح دخيلك ليه تتركني وتترك هالغلا وتروح عطيتك أصدق شعوري من أشواق وغلا وأفراح أبادلك الوصل دايم ويرجع هالوصل مذبوح يجيك القلب متعافي ويرجع ممتلي برماح فقدت النوم والراحة فقدت الخاطر المشروح أشوف أيامي وعمري تناثر كنه المسباح غدى كل شي في وجهي من آثار الغلا مفضوح تشوف الهم بعيوني وشوقي والغلا فضّاح تعال أسمع صدى صوتي من فراقك غدى مبحوح تعال ولملم جروحي وناظر ما بقى وانساح أنا مثل الغريق اللي تعلّق في بقايا لوح يقاوم ما تلاعب به من أمواج البحر ورياح فديتك بس علمني وقلّي وش جرى بوضوح ترى شوقي لو أوصف لك على جمر الغلا فوّاح بنيت بداخلي لجلك من ضلوع الصدور صروح دخلت القلب وأغلقته وقلبي ماله المفتاح فديتك بطلبك حاجة تخلي وصلنا مفتوح طلبتك لا تقاطعني ترى بعض الغلا ذبّاح إذا غلطان في حقك ترى بعض الزعل مدموح عسى تشفع لي همومي ودمعٍ في وداعك طاح أحاول أحبس دموعي وأنا من داخلي مجروح أبي أرتاح لا غبت وتعبت ولا عرفت أرتاح وكيف أرتاح بس قلّي وأنا من غيبتك مذبوح مثل طفلٍ يشوف أمّه وإذا غابت عليها صاح

259

نايف المطيري🇬🇧.

@x4ud

4 months ago

مشاعر شاعرك فاضت على باب الغلا ترجيك تشوف الشوق في عينك وعنّي تبعد أحزاني طرالي جرحك البارح وأنا كثر الهجر طاريك لك الله من ذكرته قمت أغنّي وأبدع ألحاني صحيح إن الجروح اللي تجيني من طعون إيديك فداك الجرح والسكين طعناتٍ على شاني هلا يا ملهم إحساسي أحاسيسي تغنّي فيك أحاسيسي تغنّي فيك وزولك ما تعدّاني لكن الحين وين الشعر وين إحساسك وماضيك تبعثرها هبوب النود وصارت حلم وأماني لا تستغرب ليا شفت الجروح الماضية تبكيك طعونك تربك عيوني وجروحك تعقّد لساني نويت أعيش من دونك وخليت الغلا يسريك تجاهلتك وأنا أشوفك نويت أعيش وحداني كثر ما كنت تطلب كل شيٍ تطلبه ويجيك وكثر ما كنت أحبك في زماني كنت تنساني كثر ما كنت ضامي في وصالك كنت أنا أرويك وكثر ما جيت لك عاني ما عمرك جيتني عاني هلا يا ليلة الفرقا من جروحه نويت أسريك ظلمني جرحه البارح وأنا ما أخون خلاني يا قلبي لا تزيد الجرح من حبّه نويت أنهيك ما عاد أقدر على جروحي ولوعاتي وحرماني

246

نايف المطيري🇬🇧.

@x4ud

4 months ago

وفيت ب أول دروبي وخنت ب آخر المشوار يا آخر سكة طعوني وذنب أول مشاويري خطاي إني بنيتك حلم كبير بخطوتين قصار وجيت أكبر من أحلامك عليك وقلت لك طيري تشكلتي على هيئة براءة والنوايا كبار وصدقتك على النيّه ورحت أجني مخاسيري تأملتك عمر ثاني ملكته والسنين بكار يلقحها الوفا لكن صحيت وخاب تصويري هقيتك أجمل أقداري لقيتك أقبح الأقدار عمتني طيبة ظنوني ولا طابت تدابيري نسيت إن الصدر أصغر مساحة لأكبر الأسرار وأنا لا جابني سري تركته في صدر غيري عجب شفت الزمن غابه كبيره والبشر أشجار وأنا كني غصن ذابل خانتني عصافيري عجب كيف القلوب أحيان تسرق رقة الأزهار وهي أصلا حجر ينبض كيان إن صح تعبيري عجب وجه الطريق أسود ذا خاين وذا غدار كأني بينهم غلطة وعجزت أفهم تفاسيري عطيتك للأسف ديره تمنتها قلوب كثار بها شمس وقمر لجلك تسير لقولتك سيري وبها جال وبحر يخفي حكايات وكثير أسرار وبها أرضٍ تصير أطلال إذا قلتي لها صيري وبها جروح وألم وأحزان تسألني عن الخطار وعلي إني بغيتك لي تجيني كل مساييري على كل حال خسرتيها ولا باقي من اللي صار سوى دمعه عليك أضحت تشيل أسوأ مقاديري أبرحل واترك أحلامي تسولف عن غريب الدار عن آخر سكة طعوني وذنب أول مشاويري بخطاي إني بنيتك حلم كبير بخطوتين قصار وجيت أكبر من أحلامك عليك وقلت لك طيري

186

نايف المطيري🇬🇧.

@x4ud

4 months ago

بعد طول الغياب اللي بدون أعذار كيف تنسى مواقيفي وتنساني والله إني بهجرك ما بغيت أنهار لين عجزت متوني شيلة أحزاني أول الوقت في قلبك ولي مقدار وآخر الوقت دوّرني وتلقاني بين قسوة حياه وبين ضيع أفكار أتلفّت ولا ألقى غير عدواني انكسرت وظلمني وقتي الغدّار يكفي اللي من غيابك وما جاني أنت خليتني ما بين نار وغار الضحية غلا والموت مجّاني وعند لحظة ذهول احترت وش أختار إن بقيت احترق وإن رحت وحداني لين شاب الغلا فيني وأنا محتار ما بغيت الشقى لكنه أشقاني ما بقى في قلوب العاشقين أسرار يوم بدّلتني في واحدٍ ثاني لا تعوّد علي إن كان وقتك جار بس باقي طلب سوّه على شاني احتزم للفراق وكمّل المشوار وإن مرّيتني صدفة تعدّاني ولا تعذر ترى ما عاد فيه أعذار عقب بدّلتني في واحدٍ ثاني

165

نايف المطيري🇬🇧.

@x4ud

Who to follow

Last Seen Users on Sotwe

Trends for you

Most Popular Users