ودّي اسلى .. لكن شلون والسلوة محال
بعد زادت حلكة الليل ، والعارض عرض
مكتفي باللي يجي منْك من باب الوصال
إن عجزت تسوّي الصعب سو المُفترض
" أرسل ! إن عيّت عليك الظروف الاتصال
الرسايل بعض الاحيان ، توفي بالغرض .
عاد للماضي الجميل اللي رحل فالعين صوره
وعاد قلبي مانسى ضحك الوجيه اللي صدفها
ㅤㅤ
كن صدري ديرةٍ من جملة الناس امهجوره
الدهر جفّف مواردها . . و عشّا في طرفها
ㅤㅤ
من كثر ما اقفى ونسها والشجر ماتت جذوره
لو وطاها واحدٍ قد حل فيها . . ما عرفها .
ترى القلب مروع لك رغم فارق التوقيت
ولا هبّ الهوى من صوب دارك تنطّح له
يعاني من الغربه ويخشى من التنهيت
والى من فرح ذكرى بعادك تلبّب له
لو اني عذلته كل ما أصبحت ولا أمسيت
ما والله يسلى من غرامك . . ولا يدّله .
يالله وأنا الشخص البسيط اللي هقاويه بعيد
أحيان يمنعه الثقل و أحيان يدفعه ، العزم
أعوذ بك من وقفتٍ مع غير أهلها ما تفيد
و من غلطهٍ يبلش بها العاقل على باب الندم .