-

[- @x9iiiw]

ياحظ من صبح على وجهك الزين 
وياخذ معك فنجال ويشوف عينك .

[- @x9iiiw]

الليالي عيّفتني وأنا طبعي عيُوف
لين نفسي فضّلت صبرها وسكاتها

شي مِن حدة مزاجي وشي من الظروف
متشبعٍ من ضجيج البشر وأصواتها

[- @x9iiiw]

عقب البطا .. ماني بـ قايل تأخرتي
ياما من الشوق كنت أصنع لك الحروه

يا مرحبا ، يا هلا بك .. عدّ ما غرتي
من غاويات القصيد وطاري النّسوه

وماني بـ بقايل فحق الوصْل قصّرتي !
بقول عمري لـ مبسم هالوجه فدوه

[- @x9iiiw]

حيّ زول اللي عن العالم تميّز
ميّزه ربّي .. عن أقرانه وجيله .

[- @x9iiiw]

محتار مابين المكابر والحنين
مادري اداري الشوق ولا ادفنه

[- @x9iiiw]

انا حالفٍ لو كنت تحت اللّحد ما انساه
و��ا أجوز من حبّه ولا اطري التوبه

و مع حزة الغيبه توادعت انا ويّاه
وأقفى وأنا قفّيت ، والقلب قفّو به

وعيني تهل دموعها يوم وادعناه
ولا باقي الا الجسم والقلب راحو به

[- @x9iiiw]

ابشرك بعد غيابك عشقوني ثلاثه
الضحك و الوناسه و واحد يسواك

[- @x9iiiw]

من عزتي لو يكسر الشوق ساقي
اعرج بها و امشي ولا اقول تكفى .

[- @x9iiiw]

استوت عنديّ ابيك وما ابيكَ
راحت ايـام الموده والغـرامَ

كنت احبكْ واعشقكَ واموت فيكَ
كنت اعيش الجو هذا قب�� عامّ :)

[- @x9iiiw]

احب نظراتك اللي رحت منها فقيد
اللي تخفف من احزاني وتقطع ضمايّ

[- @x9iiiw]

وطبع حبك بقلبي والايام ما تمحيه
هذا هجرك يحاول يموجه ولا ماجه

يموت الامل لكن ظنون الغلا تحييه
وعروق الوفا فالروح والقلب و جاجه

خبر توحد يبكى على واحد يبكيه
وخبر تو حد مسجون ما يبقى افراجه

[- @x9iiiw]

انا البارحه ياطول ليلي غدا ليلين
تبين شعاع الشمس مارتحت الأرقادي

اعد النجوم الساريه والعرب ممسين
واعد الأسامي وارفع الصوت وانادي

ابتعبك يافكري مع الصوت والتلحين
اجاوب حمام الورق وأشدي مع الشادي

سرا النوم من عيني مع هجعة السارين
وصارت هجوس القلب سرداد مردادي

[- @x9iiiw]

كنت أتمنى قربك يمليني فرح
وأثره جرح جفوني دموع ووله

[- @x9iiiw]

علموني وانا عن حالتك ما دريت
العذر يا شقى روحي ومشهاتها

والله اني من الفرقا شبعت ورويت
اعرف دروبها وابخص متاهاتها

اوجعتني وانا من جورها ما حكيت
في رجا الوصل والجمعه ولذاتها

[- @x9iiiw]

اي والله ، اني حزين وخايبٍ ، ظنّي
وشلون عقب الغلا والوصل تجفاني

كبدي على شوفتك يازين ، تاكلنّي
حاولت اواصلْك وانت تصد بلعاني

والحمدلله ؛ ما جاك الخطا ، منّي
صكيت بيبانك . . وشرّعت بيباني

ما فـ الحكي فايده ، رد الخبر عنّي
لكنْ لـ احتجتني ، لابد ، { تلقاني }

[- @x9iiiw]

إضحك فديت الضحكة المغرورة
سولف يجعل ما يسولف غيرك ..

[- @x9iiiw]

مرات أغرد كن لي صدر فسيح
و مرات أغرد ضيق وأدور سعه ".

[- @x9iiiw]

حمرة شفاياها مناقع زعفران
ابطت مراويح السحاب تكدها

عينٍ رهاويه .. وعنقٍ صولجان
وزينٍ يخلي .. كل عين تودها

عجايب الدنيا لا س��ع ولا ثمان
ثنتين في يمنى ويسرى خدها

[- @x9iiiw]

اعتبرني ليّا من ضاق صدرك مكان
فدوتك لو بكيت ليلة بــ طوووولها
.
اعتبرني حضن لامن فقدت الحنان
خل سحب الهموم تصّب هملولها
.
اعتبرني مُلاذ تحس قربه بــ أمان
وأيّ كلمة تخاف تقولها ..قولها
.
اعتبرني شعور وفاقده من زمان
وجا يلبّي ندا عينك ومرسولها

[- @x9iiiw]

يا خاطري ، لا باح صبرك ومليت
مالك عن المقسوم صده وحيله

ان زان حظك جاب لك ما تمنيت
وان شان خلا الهينه مستحيله