صَالح المقاطي💭.

أستغفرالله وأتوب إليه

[صَالح المقاطي💭. @xMuqati]

أنا كريزي عزوةٍ ترفع الراس
رمز الشجاعة والكرم والحميّة

[صَالح المقاطي💭. @xMuqati]

ما عاد قصّرت فـ التقصير
وملّيت من كلمة إدمح لي

وتبي الصراحه من الأخير
عشرتك ما عاد تصلح لي

فكّرت وأسهبت فـ التفكير
في حلّ أشوف إنّه أريح لي

عكس إتّجاهك بـ أحثّ السير
و كفوف حبّك تلوّح لي

صار اللّي ما كنت أبيه يصير
ولَا معك فرصه توضّح لي

ما كل غلطه لها تبرير
ووقتي ما يسمح لي إسمح لي

- عبدالرحمن بن جزا 📝.

[صَالح المقاطي💭. @xMuqati]

إن طاوعت نفسي من الطيش تقصيري
حاسبتها قبل لا ربّي يحاسبها

- عبدالعزيز العبلان 📝.

[صَالح المقاطي💭. @xMuqati]

يا ريحانتي لـ الصبر ما عاد لي قدره
تعالي وشوفي غيبتك كيف تكويني

ترى عيشتي من يوم غبتي وهي كدره
نسيت الفرح والناس ما عاد تعنيني

عليك الشمالي لو ضحك ضايقٍ صدره
أجامل وأسولف وأجتلد والبلا فيني

يا ريحانتي يا شمس عمري ويا بدره
خلاص إرجعي ولّا تعالي وخوذيني

- فرحان بن قيران العنزي 📝.

[صَالح المقاطي💭. @xMuqati]

ترى المحبّه من طرف واحد ضياع
مثل الفلوس اللّي على نادي النصر :)

- عبدالله الصلاخي 📝.

[صَالح المقاطي💭. @xMuqati]

لي أيّام عن جوّ الوناسه ونوم الليل
وحياة الطرب والسجّه اللّي على فاقه

ما غير أترقّب طلعة سهيل وأثر سْهيل
ما يفرح به إلّا راعي الطير والناقه

اللّي فاقد ٍ له بنت أكابر وفتنة جيل
حتّى لو يزين الجوّ ما زانت أخلاقه

من يذوق فقد اللّي يحبّه يذوق الويل
هني والله اللّي فقد الأحباب ما ذاقه

- جراح العتيبي 📝.

[صَالح المقاطي💭. @xMuqati]

السرّ لو أعرفه وأفهمه ماني
بيّاح الأسرار جرّاح الأكبادي

- مستور العصيمي رحمه الله 📝.

[صَالح المقاطي💭. @xMuqati]

حالتي حالة يتيمٍ ما لقى له والي
شاحبٍ لونه ومتضايق وحاله منسلّ

فاقدٍ لي واحدٍ بـ الحيل عندي غالي
واحدٍ شوفه علاج وصدّته مثل السلّ

وإن بغيت أراسله جاني بلا من تالي
أكتب ولَا جيت برسل له رجعت أكنسل

لا يقاطعني وأنا عيني على جوّالي
كل ما جتني رساله قلت أربّه مرسل

- فواز بن عبيد العصيمي 📝.

[صَالح المقاطي💭. @xMuqati]

إن كان تبغى كلمة الراس لـ الراس
تجارب الأجواد بعدي وقبلي

نصيحتي لا تفرح بْـ غرّة الناس
ولَا تشمت بْـ عاجز وتضحك بـ مبلي

- عبدالعزيز الوذيناني 📝.

[صَالح المقاطي💭. @xMuqati]

يا مدوّر في مداهيل صدري وش لقيت
غير نبت العام الأوّل على جرّة ظبي

- ناصر الحمادين 📝.

[صَالح المقاطي💭. @xMuqati]

إطلبي واللّي تبينه ترانا حاضرين
يا غناةٍ ما بعدها على الدنيا غناه

لاعبيني وأزعجيني وسوّي ما تبين
مستحيل أزعل لو الصبر ياصل منتهاه

في قوانين الغلا ما نبا العذر السمين
يخطي الغالي علينا ويشفع له غلاه

أنتي أغلى ما عطانيه ربّ العالمين
جعلني ما أملّ من شكره ولَا أجحد عطاه

لا تضايق صدرك وثار بركان الحنين
وأقبلت صكّات الأيّام من كلّ إتّجاه

إزبنيني وأبشري لك بـ عزمٍ ما يلين
الغلا يضمن لك إنّي ما أفكّر فـ الحياه

- فالح أبوعضيده 📝.

[صَالح المقاطي💭. @xMuqati]

أحسب إنّي ما أنكسر من وداع الراحلين
لين قمت أجرّ صوتي ويزعجني صداه

- فالح أبوعضيده 📝.

[صَالح المقاطي💭. @xMuqati]

قبل الموادع نحسب إنّا قويّين
وعند الوداع أثر أضعف الناس حنّا

- عبدالله بن عون 📝.

[صَالح المقاطي💭. @xMuqati]

اللّي لك إنّي ما أذكرك غير بـ الزين
فديت روح اللّي تركني بـ روحي

- عبدالرحمن بن جزا 📝.

[صَالح المقاطي💭. @xMuqati]

حطّني بين المعنّق وبين الخوختين
وإنثر السود الجدايل عليّ وفلّها

مالك إلّا تمّ وأبشر وحنّا حاضرين
ليلةٍ وحده وتسوى الليالي كلّها

- علي الدعيه 📝.

[صَالح المقاطي💭. @xMuqati]

والله إن الصراع اللّي يهدّ الحيل
يْحصل بين قلب إبن آدم وعقله

- ناصر الحمادين 📝.

[صَالح المقاطي💭. @xMuqati]

قوّ عزمك وإضرب الدنيا وخلّك قايد
خلّ راسك من حصا الحرّه وجالك ليّن

العرب ضدّين ما به منتحي ومحايد
لو تفتّش في قلوب الناس ويش تْعيّن

طول عمري ما عليّ مْن الكلام الزايد
الرفيق القرم بيّن والضعيّف بيّن

لا بغيت أطوّع الكايد ضربت الكايد
ولَا بغيت أطوّع الهيّن سفهت الهيّن

- مطرب بن دحيم 📝.

[صَالح المقاطي💭. @xMuqati]

أسرار قلبك كـ العبيد المماليك
لو ما لسانك جرّها ما تحرّك

- مسعود المقاطي 📝.

[صَالح المقاطي💭. @xMuqati]

فزّ قلبي فزّ قمريّةٍ شقرًا رعيب
روّعوها اللّي يلوفونها فـ القايله

صوّبوها فـ السهل ولْحقوها فـ الشعيب
وأظهروها من ظلال الغصون المايله

تلتفت مثل إلتفات المروّع والصويب
بين جرحٍ ما تشاوى ودعوًا طايله

لا ذكرت الغالي اللّي وفا منه النصيب
وأصبحت لاماه مثل النعيم الزايله

ليت جرح فراق الأحباب يومين ويطيب
مثل جرح النفد لا نشّ سيل السايله

- محمد الدهيمي 📝.

[صَالح المقاطي💭. @xMuqati]

فاقد اللّي زود بعده ما نقّص من غلاه
من يبشّرني بـ شوفه ويبشر بـ سْعده

- عبدالله السراهيد 📝.

[صَالح المقاطي💭. @xMuqati]

ليت جرح فْراق الأحباب يومين ويطيب
مثل جرح النفد لا نشّ سيل السايله

- محمد الدهيمي 📝.