73

حاول لـ تصبح سعيداً #محب للهدوء عاشق للسفر

[73 @x_7_x7]

" الكل مُدرك لما يفعل .. وفّر اللوم

[73 @x_7_x7]

من حبك ولا رمى كل إمنياته وراه
يندم .. لاوقفته أقدامه على مفترق

أنا بعينك لقيت الموت .. سر الحياه
يفداك من ذاق طعم الموت منك وشرق

ماجيت أبسبح بحر حبك بسترة نجاه
جيت أخذ الدانه اللي فالبحر .. وأغرق !

[73 @x_7_x7]

طلّي من الشّرفه اللي تلفت الإنتباه
لاهب منها الهوى البارد يطيح الورق

أنا فدى الوجنه اللي مثل لون الشفاه
أندى من الورد والريحان وألطف وأرق

ياما خذا النور من طلة جبينك سناه
وياما دجى الليل من طارف جديلك سرق

صارت دروبك لعشاق الجمال إتجاه
على طواريك كم خاطر وقلب إحترق

[73 @x_7_x7]

ماهو بعيدٍ ماسمح لي بلاماك
عزي لعينٍ شوفها ما يحوفك

يعتادني عيد الشقا يوم فرقاك
ويعتادني عيد الفرح يوم اشوفك

[73 @x_7_x7]

مرّي عسى الله لا يعدم الأرض من لِينك
ما قبلك اللي .. تتوق الأرض لـ خْطاها

'

[73 @x_7_x7]

كني وانا ادور الضحكة مع الدالهين
مضيع لي ذهيبً ما عليها وسم

والله ما اغرب من الضحكة بوجه الحزين
إلا دموع الحنين اللي على المبتسم

واللي يهون على قلبي عذاب الحنين
اني تفانيت في قربك ولا الله قسم

[73 @x_7_x7]

على تبسامة الذكرى ودمع الحنين
ذكرتك وطاحت الدمعة وانا مبتسم

يا ما تذكرت ضحكاتك وقلبي حزين
ويا ما تمنيت قربك بس مالله قسم

ما بين مشتاق لك واخاف لا ترجعين
انا ما بين الشعور المنقسم منقسم

مع ان تنفسي ما فيه نقص اكسجين
وراي لا من تذكرتك يضيق النسم

[73 @x_7_x7]

يا ماخذه من بياض الصبح طلة جبين
ومن المهار الاصيلة عنفوان وجسم

متميزً عودك الراوي ما بين وما بين
أشيا كثيرة دسم واشيا قليلة دسم

يكفي انك من الحلا سوالفك نبع عين
ومن الفخامة تكفيني فخامة الاسم

أمر الفراق انحسم من شهر واربع سنين
لكن حنين القلوب اللي يبي له حسم

[73 @x_7_x7]

نعنبو من لامني فيك ياسيد الجمال
ماعرف قدرك ولا هو من اللي يعرفون

الحظيظ اللي معك نال في قلبك مكان
اشهدن انه مايعرف الحزن ودمع العيون

انت كفه والعرب كلهم عنك شمال
انت شمسٍ تشرق بنورها وهم يغربون

ماعلي من الحكاوي ولا قيلٍ وقال
والله انك ثابتُ والبشر يتغيرون

[73 @x_7_x7]

الجمال اللي طلع فوق . . الثراء مطلاع درّه
من يلوم . . اللي ليا شاف الحـلا سوا سوّاتي

كل يوم أصافح طيوفك . . غـلا مدري مبرّه
ووين ما لديت أشوفك وجهتي فـ أربع جهاتي

[73 @x_7_x7]

ناظريني واعقدي لي طرفك المتسامح
انا ما احب الحياه . . بلا وجودك فيها

وان نشدتي ويش مضمون الزمان الرايح
قلت حطيتك حياه . . اعيشها وابغيها !

والطيوف اللي تجيبك لي غلاها راجح
والله ما اغلا من الطيوف إلا غلا راعيها (:

[73 @x_7_x7]

انا فدا صبحً بدا من محياك ☀️
وانا فدا اللي تفهقه عن جبينك

ياللي خذيت من الغزيل حلاياك
واخذت من لون الدجى رمش عينك

على العموم الباقيه من مزاياك
اقولها بعدين بيني و بينك

[73 @x_7_x7]

« أنت صوتك بن خولاني وبحتك القناد
و مفرداتك زعفران . . و سالفتك مهيّله »

[73 @x_7_x7]

غيدًا يباريها النسيم العذب ويدفّ القنيف
كنّ الهوا الغربي هواها والسحاب حدودها

عيّت تخلي للحيا طاري وللنسمة مصيف
إلا، على جرّة مواطيها وحُمر خدودها ".

[73 @x_7_x7]

لاتقهويني أبي لي شي حالي
مل قلبي من شراب المر مله

ماكفى اني شارب مر الليالي
صب شاهي لاتزيد الطين بله .

[73 @x_7_x7]

.
انت جعل الناس هذي كلها يفدونك
كل بابٍ غير باب رضاك باب مسكّر
.
من تذوق سكر خدودك وملح عيونك
راح عمره بين حبة ضغط وابره سكّر

[73 @x_7_x7]

دام تملك كل هذا الزين كيف اخونك؟
روعتك ما تعطي الواحد مجال يفكّر
.
العمر وياك جنة والعمر من دونك
موتٍ مصفّى وتنهيدة وجو معكّر
.
ان طلعت الصبح قلت الغيم ماخذ لونك
وان طلعت الليل قلت الشمس جات مبكّر
.
يا حبيبي خلني مع تينك و زيتونك
ودي انك ما ترد الضيف لين يشكّر

[73 @x_7_x7]

ما عاد لك حس ولا عاد لك شوف
مثل البدر فالشهر ينشاف مره

اسالك بالي خالقك بانك تروف
على نجوم فالسماء والمجره

شوفتك نور لي وانا فيك ملهوف
وغيبتك تجعلني عليك اتشره

خليتني وادخلت في قلبي الخوف
وابعدتني عن صحبتي والمسره

[73 @x_7_x7]

هنوفٍ ما يرضي كبريائها ولا شيء
سوى واحدٍ أسمه يساوي قبيلة

[73 @x_7_x7]

يالعفاف المهذّب ، والحيا والحشيمة
والجمال الحقيقي .. والوقار المهيّب

كل عينٍ ماتشبع من عيونك كريمة
ما لـ حسنك شبيه ولا لـ زينك معيّب

ماتهون المصايب والجروح الأليمة
لين شعرك من العود المعتّق يطيّب

وكل فكرة تغنّى فيك فكرة عظيمة
لين راسي يشيب ، ولين قافي يشيّب

[73 @x_7_x7]

مع غيرك من الناس قاسي وهرجي جلف
و معك شايفٍ لبّيه لدعاك سبّاقه

مضارب عيونك في فؤادي مضارب شَلف
بزينك تراي مودعٍ حبك .. أعماقه

ولا لي دوا عقب العنا و الزمان الصلف
سوى حبةٍ من مبسمٍ ما حدٍ ذاقه