صحيح إني رقيقة قلب ويتعبني الوداع أحيان
ولكن من تخيّر في بعادي ما يهد حيلي
بيدرك كثرة أحبابي بيدرك من هو الخسران
وأنا يكفي القلوب الطيّبة تشري مواصيلي 🤍
ما بكيتك لأني ��عرف البكى عذر التخلِّي
يمكن يطيح الغلا مع دمعتي ذنب، وخطيَّة
القصايْد ما تردّ الغايبينْ.. ولا تسلَّي
ولا لها حيلة على ردّ الرِّضا، والمقدريَّه
بس تبقى في ثنايا الذكريات، وفي سجلِّي
مثل غصّات الملوَّح / فالديار العامريَّة !
شال الأمانة بكل تقدير وإنصاف
حمل البشوت اللي تعلّت متونه
مستقبلٍ مليون وسبع مْية الآف
بأطهر ثرى حط الضيوف بعيونه
تختلف الألسن والعوايد والأطياف
وأمنٍ جمعهم .. بـ الوفا يذكرونه
من كل فجٍ جا على الشوق لهّاف
ومن حج بيت الله محمّد يصونه
#نجاح_موسم_حج_1447هـ
أراودك مثل الهوى وأنازعك لين أنزعك
وأعيش في حبك غلو والحب في غيرك ريا
أفزع على ذكرك ولا أقدر من حنيني أفزعك
أنا أحبك كثر ما تحمل قلوب الأنقيا
أخشى عليك من الليال الموحشه لا توجعك
خذني إن ظلّم زمانك جور لـ دروبك ضيا🤍