𝙽𝚊𝚜𝚜𝚎𝚛 ⧽

[𝙽𝚊𝚜𝚜𝚎𝚛 ⧽ @xll_7n]

﴿ إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا ﴾

[𝙽𝚊𝚜𝚜𝚎𝚛 ⧽ @xll_7n]

ابتسم في وجه الايام ياسمح الجناب
لو حياتك من جميع الجهات مهدده

لا تـجي عبّاد دنيا ترا الدنيا سـراب
اعبد الله و اترك المال لـ اللي يعبده

اكتتب في بنك الأمجاد لو فيك اكتئاب
لا يغـرك من يقول الحيـاه مـعقـده

القوي في كل موضوع يحسب له حساب
والضعيّف تأخذ الناس حقه من يده :)

[𝙽𝚊𝚜𝚜𝚎𝚛 ⧽ @xll_7n]

إسرحي يانفسي برحلتك واستمتعي
مابي أفكر ب حاجه قبل توقيتها

و اشبعي يانفس من عزّة النفس إشبعي
لو ماني قدّ الصعوبات .. ماسوّيتها !

[سعود بن مبارك @Saud_almshly_]

بين حي الهفوف وبين حي الوزيه
أحْتَشى خاطري والليل يرخي عباته

أتوادع معَّ يومٍ طوته العشية
وأتوجد على حلمٍ تلاشت رفاته

الضمير النقي لا شم ريح الخطية
شبت النار في ذاته على شان ذاته

ليت لجروحنا المستعصية مرجعية
كل جرحً يطيب نْرجعه لـ مْهاته

تاق قلبي على ذيك الرسوم الخليّه
كنّ قلبي يْطمني على ذكرياته

لعنبوا لايمي في حب نجد العذية
موّلد الشاعر المجروح و أغلى بناته

من عشق من ديار العزوة الفيصلية
ما يْلد النظر للغرب ومخلفاته

هايف القد: لو خانت يْديها يديّه
حبها فالحنايا ما تزعزع ثباته

طيفها كل ما مر العيون الشقية
أخلف الموّمن اللي خاشعٍ في صلاته

بعد ماشفت فيها الشِعر و الشاعرية
صار عندي على بدع القصيد استماتة

خيّرة العاديات الصفر ساس وهوية
ما ربت عند مَن يرفع عليها عصاته

تشرب التَّيْه قدام الوجيه القوية
كحلة عيونها تكحل عْيون الشماتة

واحدٍ ما كسب من ودها لو تحية
لو ينوش السماء بيديه وش منجزاته

كنت في ضفها مثل الخوي مع خويه
يْحفظ قيمته ويعرف يقرأ سكاته

لين شفت الرموش العكف صارت ندية
مثل حدّ الرهيف اللي تقاّطر شباته

قلت: ما دايم إلا وجه رب البرية
الوصال انتهى عمره وحانت وفاته

الخطا مستحيل يكون منها عليّه
غير هذا خطا قلبي وهذي جزاته

جعل يسقى علي عاد الحياة الشليه
قبل عوج الرقاب تْعاود الإلتفاته

يا عواذل ترى مانيب احفظ الوصية
من يبيني على ظنه يوفر وصاته

قلتوا الحب قلت: الحب أمان وحميّة
قلتوا الكره قلت: الكره يوّقض سباته

أذكروا قيس وش صابه من العامرية
وافزعوا لي قبل والله لاسوّي سواته

[𝙽𝚊𝚜𝚜𝚎𝚛 ⧽ @xll_7n]

اشكركم جميع وحاظرين لكم والمنصب ثقيل الله يعينني ويسدد خطاي 😂 @a32f_55

#عبدالاله_بن_رقعان

[𝙽𝚊𝚜𝚜𝚎𝚛 ⧽ @xll_7n]

"اجمعوا كل الأماني مع الثلث الأخير
وارفعوها بين سجدة وترديدة دعاء

ما تخيب الدعوة اللي : لها ربٍّ كبير
يا تجيكم بأعظم الأجر، يا تدفع بلاء"

[𝙽𝚊𝚜𝚜𝚎𝚛 ⧽ @xll_7n]

أنت ملّجى للسّكينه عقب ربٍّ رحوم
من يلوّذ براحة أيديك يبطي مسفهل

[𝙽𝚊𝚜𝚜𝚎𝚛 ⧽ @xll_7n]

فرعًا عليها السحابة تستلذ المطيح
وتباشر الأرض فيها لا مشت حافية

[𝙽𝚊𝚜𝚜𝚎𝚛 ⧽ @xll_7n]

سقاك الله يا دارٍ لها بين الحنايا دور
مراويح السحاب اللي تخلي اليابسه : ترفه

لعلّي يوم اوقف عند بيت ام العيون الحور
" يخليها محاويل المطر تطلع من الشرفه "

[𝙽𝚊𝚜𝚜𝚎𝚛 ⧽ @xll_7n]

مبارك عليكم الشهر تقبل الله منا ومنكم صالح الاعمال 🤍

[𝙽𝚊𝚜𝚜𝚎𝚛 ⧽ @xll_7n]

في كنف ليل يحرك كل جرحٍ دامي
خاطري ماهوب الاقصى والمنام شفاقه

[𝙽𝚊𝚜𝚜𝚎𝚛 ⧽ @xll_7n]

@a32f_55 @Dkhoonemirates يسلامم صح لسانك 👏🏻

[عبدالإله بن رقعان🇸🇦 @a32f_55]

دخون راعي الطيب زوّد مقامه
وجدد هوية متجره لاكتروني
المجد والطيب المعتّق عمامه
في (نجد) لامن قال وينه زبوني
دارً لها رفعه وقيمه وقامه
ومكانها في العين بين الجفوني
@Dkhoonemirates
#دخون_الاماراتية
#عبدالاله_بن_رقعان #شاعر_اللكزس

[𝙽𝚊𝚜𝚜𝚎𝚛 ⧽ @xll_7n]

قل ما تبي بيننا لو نختلف لا اختلاف
حِدّة عيونك تباس و زلتك تنطمر

اتخاف؟ وشلون! يا مجنون منّي تخاف
وأنا الأمان المطمّن و الرضى المستمر

أنت البحر و السُفن و الأشرعة و الضفاف
ما بعد حكمك قرار ولا خيارك أمر

تعال خذني من ايدين المحل و الجفاف
خل المجاديب تزهر و الديار تْعمر

[𝙽𝚊𝚜𝚜𝚎𝚛 ⧽ @xll_7n]

سرا الليل كله لا هداوة ولا استكنان
أحس بمشاعر ما عرف كيف أترجمها

تفجّر ورا صدري مشاعر فرح وأحزان
لي شهور وأنا داخل الصدر كاتمها

عسى الله يعين اللي تعود على الكتمان
تجي ساعةٍ ماعاد يقدر يقاومها

على الضايق أنسام الصبا فوّهة بركان
ماهز الحنين الخامد إلا نسايمها

حزمي بن سعد

[𝙽𝚊𝚜𝚜𝚎𝚛 ⧽ @xll_7n]

كل الوجيه إبتسامتها عمل خيري
و أنت إبتسامة ثغَرك تدخل الجنه

[𝙽𝚊𝚜𝚜𝚎𝚛 ⧽ @xll_7n]

فاقد الرغبه يشوف الثمينه زهيده
لي سنه مااخبر حاجه تشدّ انتباهي !

[𝙽𝚊𝚜𝚜𝚎𝚛 ⧽ @xll_7n]

تجي ضحكتك في بالي المرهق المرتاب
مثل لفحة النسناس في وجه متوضّي

[𝙽𝚊𝚜𝚜𝚎𝚛 ⧽ @xll_7n]

حي ذا العين من شوف الكويت
ودي اعطي روحي للهبوب اتهبّها !

[𝙽𝚊𝚜𝚜𝚎𝚛 ⧽ @xll_7n]

عاشقك دوّنك بالهجري وبالميلادي
هايمٍ في حب تاريخك ومجد شعوره

يا هناي المستديم وغايتي و مرادي
كل عام وجيش حبك رايته منصوره

[𝙽𝚊𝚜𝚜𝚎𝚛 ⧽ @xll_7n]

اشوفك حقيقة عمر .. لو الليال تزلّ
مثل منسبي واسمي وموتي وميلادي

عسا كل عام يمرّك احلا من اللي زلّ
فدى ضحكتك حسّاد عمرك وحسادي

ترى من عرفتك يا حبيبي وشفتك خل
وانا .. ماحسب لأيام هجر وميلادي .