mbs

ً

[mbs @xn444]

ربي اجعل أمي وأبي من السبعين ألفاً الذين يدخلون الجنة بلا حساب ولا عذاب.

[منبه الحوقلة @alhawqalh]

لا حَولَ ولا قُوَّة إلا باللَّه

[mbs @xn444]

مايخففّ ضغط الأيام وظروف الحياة
غير قرب اللي تحبّه . . وفنجال قهوة ♥️

[ناصر الحمادين @nalhmadeen]

العذاب اللي حصلي من وداعك كافي
كم سنة مرت وانا لازلت اعيش الصدمة
..
تحسبني في غيابك داله ومتعافي
وانا من حطة يدك خارج نطاق الخدمه؟
..
كل مامروني اصحاب الهوى الخطافي
جنبوا عني وقالوا فـ الهوى ياقدمه
..
مالقيت ارحم علي من كمي ومشرافي
لارقيته والدموع من الوله محتدمه
..
صايراً قلبي بعد ماغبت بيت سنافي
بعد موته ماتشوف اللي يوقف قدمه
..
وانت حبك كنه اسمي وامتداد اسلافي
السنين تمر ماتقدر عليه تهدمه !

[mbs @xn444]

لو تزيد المواجع كل ليلة وعام
ما جرحت القلوب البيض وادميتها

يا سراب السعادة والرضا والسلام
يا نقيض السنين اللي تمنيتها 

انت مثل الحياه الفانية بالتمام
عارف اني بخليها وحبيتها

[mbs @xn444]

قالت تبيع الكلام ؟ وقلت ابيعه
انا بياع الكلام اللي يطرا :)
..
زل نصف الليل والباقي هزيعه
والعيون تراقبك وانا اتحرا
..
اقلطي يالذة العمر وربيعه
واتركي عنك العتب واللوم برا
..
العتب مرفوع والفرصه سريعه
ودي اجريك من شان اتجرا
..
كل ماضاقت بي الارض الوسيعه
اتتقى فالقصايد واتذرا

[mbs @xn444]

يالذّة الضحكه على الوجه الزعول
تسوى لها.. ميتين وجهٍ مبتسم

ماهو بـ شرط ان الرضى مصدر قبول
احياناً الزعله تجي عنصر مهم ؛)

[mbs @xn444]

ياواحد جابك الله حلم وأعجوبه
الأرض ماتليق بك خذ موطنك صدري

قبلك حياتي ترى ما هي بمرغوبه
وشلون جدد وجودك رغبتي ما أدري

عن عيني الناس ملغيه ومحجوبه
ما أشوفك إلا سماي وكلهم حدري

[mbs @xn444]

عندما تحمل اليقين بأنّ الدَهر يومان: يومٌ لك، ويومٌ عليك، وبأنّ الحياة لم ولن تصفو لأحد، وبقَدر ما فيها من مسَرّات إلّا أنّها لا تخلو من المُكَدِّرات، فما بين فرَح وترَح، وبسمة ودمعة، وعطاء وأخذ، وشِدّة ورخاء؛ يكمُن عُمر الإنسان، والسعيد حقًا مَن سكن الرِضا قلبه في كل الأحوال.

[mbs @xn444]

مبارك عليكم الشهر الفضيل

اللهم أهله علينا بالخير والبركات
ووفقنا فيه للصيام والقيام وسائر الطاعات

وتقبله منا ومنكم بالقبول الحسن .

[mbs @xn444]

ياوردة ٍ ماعاشت الا في دلال
يغار منها الورد في روضة خريم 

خليتي الترفات ربات الجمال
حياتهن حسره وعيشتهن جحيم

هذا الصحيح ولا نقاش ولا جدال
يدري به العاقل ويجهله الغشيم

ابوك شال الطيب عن كل الرجال
وانتي خذيتي الحسن عن كل الحريم

[mbs @xn444]

يا شبيه النور لا منّه تسلّل
للمكان اللي تغطيه الستاير

أنت رمشك مثل مايذبح يظلّل
فيه ميلاف الحنون .. وفيه ثاير

يوم أكبّر لا أنكشف وجهك وأهلّل
كنّي المهموم لا جته البشاير .

[mbs @xn444]

حي الصباح اللي تجي به طواريك.

[mbs @xn444]

حنا لك الله ننعمي لا هوينا
ان جاك ود قلوبنا البيض جيناك

وليا خذينا الولف صوبك خذينا
حزنك ومن عالم همومك خذيناك

[mbs @xn444]

إي والله إن يقودني سِلك الحرير
لكن مابيني وما بينك حطام

مدري غدينا غير ولا الوضع غير
مدري ولكن وضعنا ماهو تمام
..
من شان مانندم على الحب الكبير
والكم دمع وكم ضِحك وكم عام

ياصاحبي لا تقطع الحبل الأخير
على الأقل سلام ؛ عليك السلام

[mbs @xn444]

اللهم صلِ وسلم على نبينا محمد.