Alenezi

يا الله " عفوك ومغفرتك " وما حولها

[Alenezi @xqpi2]

خلّيت الأحزان بـ اقصى القلب منثبرة
يا كثر كذبي على نفسي وانا داري !

[Alenezi @xqpi2]

ياليتني لا بغيت أكره ، قدرت أكره
ما كان قلبي ليا جيت أكرهك : عيّا

[Alenezi @xqpi2]

لا سمعت الدوي فتّلت أشنبي
واصلن في هامتي لين الغما

في ذرى الحكام يا نفس اشربي
من قراح العز قطاع الضما

ويا محارشنا على الشر تهبي
مدفعك يرمي ولا كنه رمى

يا بلادي واصلي مجدك أبي
احتمى البارود ولا ما احتمى

فوق هام السحب والمرشد غبي
يضربون الأرض وانتي فالسما

[Alenezi @xqpi2]

كل ما قالت لي النادله تشرب كحول ؟
قلت : كحل عيونك السود مغنيني عنه !

[Alenezi @xqpi2]

مستحيل يملّ سمعي من طرب نبرتها
كيف أملّ من الشعور اللي يبدّد ضيقي

صدّقوني لو هل الفن سْمعوا ضحكتها
حطوا الضحكة مكان السلّم الموسيقي !

[Alenezi @xqpi2]

معك من وين ما تروحين اتبع قدك المياس
كمالك مستحيل إنه يجي كلّه على إنسي

تعالي نشرب من الحب في ليل الأماني كاس
أنا أحبك وداري إن المشاعر قاصده لمسي

انا افدا وجهك اللي في حضوره يحبس الأنفاس
أحسّ إني لمحته من قبل لكن كذب حدسي

[Alenezi @xqpi2]

يعيش الياس بغصون الرجا والعابرين غصون
على اول طريق الذاكرة هب الحنين .. وطار ؟

من يشوف الحقيقه ستر عذرا سترها مضمون
انا اشوف الحقيقه صارت بوجه الاماني ، عار !

اعيش شلون مدري كيف اعيش و كيف اعيش (شلون )
انا منفي رهين الذاكره .. ماكني ابن الدار ؟

[Alenezi @xqpi2]

ليت لي لا مرّت الذكرى جناح
كان لامن غاب لي غالي ؟ أجيه

منت أكثر شخص أوجعني .. و راح
انت أكثر شخص يوجعني و أبيه !

[Alenezi @xqpi2]

يحبك الغيم ، وانسام الشتاء ، والصباح
والورد ،والعطر ،وابيات القصايد ،و انا

[Alenezi @xqpi2]

تحت فيّة رموشك يستظل احساسي المحتار
وش يرد القصايد لا تفنن .. وانت كلّك فنّ

مدام الفضل للوجه الحلو .. ماهوب للشعار
انا مانيب شاكر لك وجودك ، شاكر وممتنّ

خذ ايدي وين ماودك نروح ، وحدد المشوار
اذا مهيب معك اللحظة الحلوه اجل مع من ؟

[Alenezi @xqpi2]

حبيبي كل ما هبّ الشعور ، وناموا السمّار
يجي دور القلوب : اللي تحب وتنتظر وتحنّ

تعال انثر جديلك فوق متن الليل ، لين يغار
وتربع وسط قلبي ، واسترح بين الضلوع وغن

يفوح العطر وتمر النسايم ، وادري انك مار
من احقّ بقصيدي غير عينك ، ياصغير السن

[Alenezi @xqpi2]

مهما حصل بيننا ، من مشكله ، عادي
تراك طايح من عيوني ؟ على ، قلبي

[Alenezi @xqpi2]

استلذ السالفه وياك .. من واقع غرامي
وكل لحظه تمر مع غيرك ؟ ابي بس اختصرها

تبتسم دنياي ب اسمك جعل تفداك الاسامي
احضن اسمك كل ما جات الليالي في كدرها !

[Alenezi @xqpi2]

سيّد أشواقي .. وحاكم قلبي .. ومصدر إلهامي
أنت كل أفراح عمري ... وأنت سبتها و أثرها

شفت فـ عيونك وجودي وإنتصاري وأهتمامي
ومنك ؟ عيوني تحمد الله على نعمة بصرها

ما تجي عادي فـ بالي ... كل ما مريت سامي
ذكرياتي كلبّوها … وجهك أحلى من صورّها

[Alenezi @xqpi2]

ودي إنك تشوف كيف أشوفك إن جيت بمنامي
ليله ( تجيبك ) وأنا نايم ؟ أطوّل في سهرها !

مرحبا وجهك ويا لبيه و اثني له سلامي
المشاعر ماتبي منك .. سوى إنك تعذرها

والله إني ما احبك حاف مع كل احترامي
كل ليله , ودي اهديلك مع احبك : قمرها

[Alenezi @xqpi2]

☕️

[Alenezi @xqpi2]

مطيح المطر بالارض يشبه مطيح خطاك
على جرف جفني يا مطر ناظري مري

احبك واقول اني احبك ولا يخفاك
انا المعجب المعلن ، و انا المعجب السري !

[Alenezi @xqpi2]

اذا مشى في صبح وجهك طال به درب الهيام
و اذا استراح امتد له من رمشك المسلول ظل !

يفدى مواعيدك شعوري فالبدايه و الختام
و العمر لا من ضاع معك يضيع .. جعله مايدلّ

واجد حديثي عنّك في روحي عدا روحي الملام
أنا احبك و اللي يحبك حبيبي .. مايملّ

[Alenezi @xqpi2]

مُداعبة وجهك أمان و أمن و أفراح وسلام
فيه لشتات القلب مأوى و لرحيل البال حلّ

علمني إن بكل حاجة تستحق الاهتمام
أخذ وخل إلا بوجهك فيه أخذ مافيه خل

مالك شبه و أشباهك أنت الاربعين مْن غمام
في لفتتك كم غيمه تسافر ؟ و كم غيمه تطلّ !

[Alenezi @xqpi2]

إذا أبتسمت أشعر بحيره كثر ما اشعر بإنسجام
مدري ؟ تقوّس حاجبك ولا هلال العيد هل ؟

و أنا أتهادى في عيونك و يتمادى بي الغرام
و أمد لك هجسي سؤال تمد لي نظرتك حل

وتخضر الاغصان و تهيد الريح و يطير الحمام
ويلبس لك الشعر الثياب الزاهيه بأزهى الحللّ

[Alenezi @xqpi2]

" أجمل ثلاث ليال ف ليال العمر : ليلة لقاك
والليله اللي قبلها ، والليله اللي بعدها "