الليل وانسام الشتا والمشاوير
حطت على صدري حمولٍ كلايف
خايف ارد ويلحق الناس تقصير
ولا على ممشاي ماني بـ خايف
الله يعلم كافل الداب والطير
لي حاجةٍ ورا الضلوع النحايف
لا راحت بـ خيره عسى فالها خير
الموت لا غثربت بيض الصحايف
متعلقٍ على ظروف المقادير
قلبٍ يحب احيان واحيان عايف
عاتبتني بأقسى لغه وافصح لسان
مافيه شي من الزعل مانقصنا
الاختلاف من ابسط حقوق الانسان
لكن حرام انه يضيّع فرصنا
حاولت ألبي رغبتك قدر الإمكان
وأسدل ستار آخر فصل في قصصنا
وبديت احب اللي تحبه على شان
اصير اعاف اللي تعاف وخلصنا