عبدالعزيز

سبحان الله وبحمده سبحان الله العظيم

[عبدالعزيز @xswiod]

ايقنت بأن الخطوه العجله في درب السنين

يقتفي ممشاها ضياع العمر وحسرة الماضي

[عبدالعزيز @xswiod]

لك الله ياقلب من الناس شاف وعاف
ولا جاز له من مجمل الخلق واجدها

[عبدالعزيز @xswiod]

اللهم لك الحمد حتى ترضى ولك الحمد اذا رضيت ولك الحمد بعد الرضى اللهم يسر امورنا واغفر ذنوبنا واستر عيوبنا واشرح صدورنا.

[عبدالعزيز @xswiod]

كثر الله خيرك .. ياقليل الكلام
ليت طبعك مثل وجهك رضيّ وسموح

المحبه ثلاث ارباعهـا .. أهتمام
وانت لاجيتني ؟ ماهمَك الا تروح

[عبدالعزيز @xswiod]

فاقد اللي في غيابه ترك لي حاجتين
ذكرياته .. والسهر بين لعل وعسى

ودّي ادري واقطع الشك بالعلم اليقين
هو نسى ماضيه فالحب ولّا ما نسى

- عايض العاطفي

[عبدالعزيز @xswiod]

ألحق عليّ يا سخيّف الذرعان
ما باقي الا شوي و أودّع

[عبدالعزيز @xswiod]

تعنيت يالقلب المعنى .. وأنا معلمك
أقول الهوى ماهوب صالح لنا كبه

لا ماسلمك ربي منه ماني مسلمك
أحدٍ قال لك حبه ؟ محدٍ قال لك حبه !

[عبدالعزيز @xswiod]

يا آخر محطات عمري وأول أسراري
على طريق المحبه وش هي آخرتك ؟

لو يجهل الشعر وش هي قيمة أشعاري
وشلون بجهل " غيابي " عند ذاكرتك

الله يسامح خطاي ويغفر أوزاري
من يوم قصّيت تذكرتك وسافرتك

وشلون بنسى الهوى والحب والطاري
وأنا ليا ذعذع الشرقي . . تذكرتك !

[عبدالعزيز @xswiod]

من يقول إنا كبرنا و شيبنا . . كذوب
نجحد أحلام الطفوله وهي في دمنا

لو تلافينا الطمع و الخيانه و الذنوب
كان لـ هالحين في حضن آبونا و آمنا

- مدغم ابو شيبه

[عبدالعزيز @xswiod]

فيـه امور مايجـوز العـذر فيها والتغاضي
لا وصلنا عندها حطيت قلبي تحت رجلي

عناد الشيباني

[عبدالعزيز @xswiod]

عفى الله عن كلامٍ في حنايا الصدر ماينقال
تركته لـ الزمن لو هو ثقيل و جمرته حيّه

وعفى الله عن همومٍ ما تخلي مستريح البال
يعيش أيام عمره في صفا ذهن و صفا نيّه

وعفى الله عن هواجيسٍ توقف بي على الاطلال
تعيد الذكريات اللي مع الأيام منسيّه

[عبدالعزيز @xswiod]

أنت سر . . من أسرار الحيـاه الجميـله
ما يسولف به العاقل على أغلى اخوانه

وأنت غايـه ولا لي غيـر وصلك وسيـله
وحلمٍ أرجيه وأصبر عمر كامل عشانه

سلطان بن بتلاء

[عبدالعزيز @xswiod]

للعمر تلويحة . . وللذنـب غافـر
ماتاقف الدنيا على لحظة الطيش

اغيب وابعـد . . واتغـرب واسافـر
وتشيب احلامي ورى لقمة العيش

ياللي تفـرق . . بيـن مسلم وكافـر
الطير ماثقل جناحينه الريش

ناصر الحمادين

[عبدالعزيز @xswiod]

فاقد اللي في غيابه ترك لي حاجتين
ذكرياته .. والسهر بين لعل وعسى

ودّي ادري واقطع الشك بالعلم اليقين
هو نسى ماضيه فالحب ولّا ما نسى

- عايض العاطفي

[عبدالعزيز @xswiod]

" لك سيرةٍ بالمحبه ما اقدر اخلفها
لو هي سبايب سهر عيني وغربالي ".

[عبدالعزيز @xswiod]

«حتى لو جابتك الأشواق صوبيّ
أنا اعتبرتك مت من ضمن الأموات»

- متعب التركي

[عبدالعزيز @xswiod]

وشلون قلبي من عيونك رميتيه
وانا ما علمتك .. فنون الرمايه !

احنك من البعد والحزن والتيه
ولا احن عمري كثر ماكنت تايه

- فهد بن بجاد

[عبدالعزيز @xswiod]

مدري من اللّي من الثاني نفذ صبره
لا يازمن .. من هو البايع من الشاري

لا الوجه وجهك ولا النبرة هي النبرة
مدري ولكن طرا لك يازمن طاري

ماني بجاهل على الشدّات .. تختبره
تشتدّ ياوقت .. وإصراري هو إصراري

[عبدالعزيز @xswiod]

«قضيت لحظات حلوة في مخيّلتي
ما يقدر الواقع التافه يوفّرها »

- سعد علوش

[عبدالعزيز @xswiod]

الله ولا الهاجس اللي مايريحني
اسهر عيوني وعناني وعنيته

احاول اخفيه مير الحزن يفضحني
تمركز بالحشا كن الحشا بيته

والغالي اللي عليه الشوق ذابحني
اقفى به الوقت ماجاني ولا جيته