الجازي

[الجازي @y2ul_]

" كلنا لله راجعون "
اللهم ارحمني يوم لا يسمع لقلبي نبض
واجعل لي يارب من بعد موتي أهلاً وأصحابًا وأحبه لا يهجرون وصلي بالدعاء

[الجازي @y2ul_]

ليـت الجروح قصآااص وأخذّ بـثااااري :(

[الجازي @y2ul_]

بعد طول المواصل والشعور وفرحتي وبكاي
تعبت اتبع ورا اوهام السراب اللي علي تطري

أحبك غصب عن قلبي ولكن ما بقى لي راي
ظروف الوقت حدتني على التوديع من بدري

أحبك ياعسى ربي يصبرني على بلواي
ثقيلة حيل لحظات الموادع يابعد عمري

بروح اليوم انا كلّي مثل ماجيتك من اقصاي
طريقي مو هذاك اللي على خبرك ولا خبري

فمان الذكريات اللي بتملى عمرك الجاي
فمان أحلى عمر عشته معاك ان كان ماتدري

فمان الصبح و دروب الأماني يوم انا دعواي
عسى الله لا يفرقنا ولا يمحيك من ذكري

فمان الليل وأحلام الوصال وبالك النسّاي
وسواليف السهر وعتابك اللي يتبعه عذري

فمان البعد واحزان الأغاني واشتياق الناي
فمان الشعر لا مني فقدتك وانتهى صبري

مع الأيام تستوعب خساره مثلي و شرواي
"انا اللي لا رحلت تبيّن الدنيا كبر قدري"

فمان جروحك اللي ما تركت حل يحلّ بقاي
فمان الله يا "أعذب طعنة مركوزة بصدري"!

[الجازي @y2ul_]

بعد معااااناة مع رقمي اخيرا حولته اكترونية🫠

[الجازي @y2ul_]

@worthnoticin 😭😭😭😭😭😭😭😭😭ليش كذا حقيقي

[الجازي @y2ul_]

ّ

[3 @_3oetl]

هذاك أول يا خلّي .. تبعد و اناديـك

[الجازي @y2ul_]

يكفيني رحلت ولا حصل مني خطا وقصور
وانا حتى وداعي فيه بصمه تثبت أخلاقي

تخير فالديار اللي يغشيها ظلام ونور
وفرق النور بالظلمه يبين غلطة فراقي

تمرك ليلة تطغى مشاعرها على المغرور
تدور فالبشر مثلي ولكن صعبه تلاقي

فمان الله يا آخر محطه والسنين تدور
فمان الله والهقوه تخيب هقوة الهاقي :)

[الجازي @y2ul_]

انا مغادر ونتلاقى على خير
و ان كان ما به خير فـ وداعة الله

ياليتها زلَّه وغلطه و تقصير
كان الغلا ثابت وباقي محله

لكنها من فوق حدّ المعاذير
وانا عزيزً ما ارضى بالذلّه

جيتك معي شيّمه وحشمه وتقدير
واقفيت خاسر كل ما جبت كله

[الجازي @y2ul_]

شعوري وأنا أرفع للفجر صرخة إستنجاد
شعور الصويب اللي فقد نجده يمينه

[الجازي @y2ul_]

ما لانت عزومنا من لين جانبنا
يا كثر ما نقدر ويا كثر ما اعفينا

الفضل بعد الله يعود لـ تجاربنا
من طيب نيّاتنا طابت مساعينا

لو ان خساراتنا اكثر من مكاسبنا
كل الخساير ( تهون ) الا مبادينا

ما نترك الحقد ؛ ياكل من ترايبنا
ولّا انعرف .. انتقاضى لا تقاضينا

لو ننشغل فالضعوف اللي تحاربنا
ضاعت شيمنا قبل ضيعة هقاوينا

ما دون حد الكرامة .. ما يناسبنا
طبيعةٍ من خلقنا الله وهي فينا

اللي ما نرضابه صحيبٍ يصاحبنا
ما نعترف به عدو مهما يعادينا

واللي ما يطلق لسانه غير لا غبنا
توه لهالحين ما هذرا بـ أسامينا

ما للحسايف علينا درب لا طبنا
لو في خشاش الثرا جادت يمانينا

حتى لو تغثرب الدنيا مشاربنا
اذا قدرنا نسوي طيب .. سوينا

قالوا ما يستاهلون وقلت واجبنا
ان كانهم .. ما تربّوا ! قد تربينا

الله لا يجعل مصايبهم ؛ مصايبنا
لو التعامل سوى يمدي تساوينا

طبنا ولا طابوا وخابوا ولا خبنا
على كثر ( ما تردوا ) ما تردينا

[الجازي @y2ul_]

تركت انا الجلاس واجلس لحالي
عاشرت انا الهاجوس عشرة قويَه

[الجازي @y2ul_]

صباح الخيّر — أما بعد :

" لاتلمس الجرح ماعَادت كفوفك تمون"

[الجازي @y2ul_]

والله ان بالي طويل ودايمٍ صدري شمالي
والزمن يبغى يبيح سدي وبيحت سده

والكلام اللي ليا من مر قدمي ضاق بالي
احذفه فالصدر كني حاذفه في بحر جده

طاح من عيني رفيق وطاح دمع وطاح غالي
والعيون ان طاح منه شي … ما والله ترده

[7 @yearsoffea7]

حتى الدموع صرنا نأجلها

هذا والله الإحتراق مو النضج

[الجازي @y2ul_]

يقولون سارق نومة العين ماهو لص
أجل وش يسمى سارق القلب من يومه

صباح الوفا والساعه الان "خمس ونص"
بتوقيت قلبي وأنت قلبك على نومه

[الجازي @y2ul_]

قبل ما أحط بـ كفوفك بقايا عقدي المقطوع
بكتب آخر أشعاري على شانك لو تبي تقرأ

تراك آخر مواجيعي ولا بعدك عطش و دموع
لـ من أظما؟ و أنا بعدك هجرت النَّبع و المجرى

تعال إقرأ عن البارح سهرت بِـلا وطن و شموع
أدوَّر وجهك المهموم و أدوَّر للحزن مسرى

بحكي عن كتابٍ فيه هواك الجرح و الموضوع
و عن أسمك على صدري قلادة وسطها جمرة

عن الشكوى عن النجوى و عن صوتٍ غدى مسموع
يناجي في عتيم الليل نجوم الكون و القمرا

بشكي لك رسايل شوق لها نفحٍ غدى مطبوع
و حبرٍ ريحته عطرك يجدَّد لوعة الذِكرى

بحكي عن عذاب الأمس و جسمٍ ناحلٍ موجوع
و روحٍ خالطت روحك مشاعر صافية عذراء

تعال إقرأ عن الطعنة شعور العاشق المخدوع
أنا جيتك لأجل روضك لقيت بـ داخلك صحراء!

ألا يا آخر الأحباب أنا بعدك نـفَس مقطوع
رحيلك موَّت أيامي أيا خوفي على بكرة

تفضَّل ما بقى عندي سوى عقد و بقايا دموع
و كلمة باقية بـ الجوف .. أحبَّك حيل و أنت أدرى

[الجازي @y2ul_]

رح للمسافات وأقدامك تحث المسير
اليوم .. ماعاد باقي دمعه نهلّها

مايذبح العاشقين إلا البرود الأخير
اللي يكرّهك فـ سنين الغلا كلها

[الجازي @y2ul_]

١١:٢٢
:(

[الجازي @y2ul_]

على اللّٰه لو يروح اليوم كله بين حزن و ياس
وانا ما احب كسرة نفسي وما اداني خضوعي

وانا اتعبني السهر وارهقني التفكير و الهوجاس
مضت حول الثلاث ايام دمعي مغرقٍ كوعي

بلاني ربي بقلبٍ صخر وبخاطر حساس
ما بين امسح غلا الغالين وبين امسح دموعي

تقول اللّٰه خلقني من برود ومن شوي احساس
وانا والله لا هب النسيم يزيد من لوعي

لو ان ماني بـ احن الناس لكني احن الناس
وأخاف اللّٰه لا ابدل خاطرٍ راضي بـ موجوعي

اداري فـ الخواطر لو ما عندي لها احساس
يا كيف اللي لي اغلى من هلي وأغلى من ربوعي

[الجازي @y2ul_]

على هامش الذكرى وقفت أناظر اللي فات
لقيت أجمل أيـّام العمر . . أصبحت ماضي

[الجازي @y2ul_]

أعرفني اليوم لكن أجهل إحساسي
نفس التفاصيل الأولى بس أنا غايب

يا كثرة أصوات خلق الله في رأسي
تدْوي مثل ذكريات الطيش مع تايب

تْقول ناسي، ولا أدري ويش أنا ناسي
تْقول هايب، ولا أدري ويش أنا هايب

غامض مثل نشأة القسوه معَ قاسي
ضايع مثل هقوةٍ كانت على خايب