Saad

غرّته خضر السنين وراح عمره ما درّا به

in:vil.c5

[Saad @y5llb]

لا تعتذر لي باب الاعذار مقفول
لو ان مفتاحه مـعي ؟ ما فتحته

مـو كل مـره عذر الاحباب مقبول
انـا استخرت الله ورقمك مسحته

لكـن قبل لاترحل اسمح لي اقول
والله مانـسى جـرحك اللي جرحته

[Saad @y5llb]

بـكره تشع إن قالها الله .. أمانيك
مهما غفلت في ليل الأقدار شمّسك

لا يشغلك عن فرحه الجاي ماضيك
ولا يسرقك من واقعك صوت هجّسك

ولا تيأس أن يبست منابت مساعيك
بكره يسيل الغيم ويطول غرسك

رضـاك عنك ، عن رضاهم يكفيك
ويغنيك عن حب البشر حُب نفسك

[Saad @y5llb]

ياعين هلي صافي الدمع هليه
وإلى قضى صافيه هاتي سريبه

ياعين شوفي زرع خلك وراعيه
هذي معاويده وهذي قليبه

امنول خلي قريب ونرجيه
واليوم جيتهم علينا صعيبه

يمرني بالدرب مقدر أحاكيه
مصيبة ياكبرها من مصيبه

اللي يبينا عيت النفس تبغيه
واللي نبي عيا البخت لا يجيبه

[Saad @y5llb]

أنا وين ابلقى يالاجاويد فاعل خير
حريصٍ على سر المحبين لأرسلته

أمن أول لو أصبر عام ما بان بي تأثير
وهالحين حتى صبر يومين ما حتلته

أنا مثل صقارٍ تولع بحب الطير
ولف قلبه أفروخ الصواريم وهبلته

تولعت في فرخٍ قضيبٍ يتل السير
أبي لمحةٍ من نظرة الحر وإسبلته

[Saad @y5llb]

والله ان قد لي ايام وانا وضعي ماش
اواسي العالم وانا بحاجة من يواسيني

ابي حظي يقوم وحظي طريح فراش
و اللي كان اغلا من الروح معاد يعنيني

حالي قضى من الحزن وضلوعي هشاش
كرهت العالم ولا عاد ابي خويٍ يخاويني

قلبي صويب بجرح اقوا من رمية الرشاش
واتظاهر بأني بخير وانا دموعي في عيني .

[Saad @y5llb]

ضمني حتى أقول أني أكتفييييت
وأسحب إيديني وعيد اللي حصل

أنت نهرٍ عذب منه ما أرتويييت
ضم قلبي وعوضه فقر الوصل

[Saad @y5llb]

ياللي لك الشعر يكتب و المشاعر تذوب
الشوق ما يرحم و الطواري بلا

تعال مافيه واحد خالي من الذنوب
أما كذا مواصل العشق ولا فلا

ان كان للحب دولة تستضيف القلوب
من غيرك أبايعه و اقدم له الولا

أنا معك خاطري واسع و صدري رحوب
حتى لو اني حزين و خاطري ما سلا ❤️

[Saad @y5llb]

كل ماضاقت علي شبه الجزيره
ودي اخذ صوت ابو نوره واجرّه

يوم غنى شرهة العاشق كبيره
خذت لي بين السماء والارض فرّه

ياهوى بالي ترا الدنيا صغيره
والمحبه والعمر والموت مرّه

حتى لو ان المفارق فيه خيره
انا راضيٍ بالوصل خيره وشرّه .
ضناني الشوق

[Saad @y5llb]

حاربي كل الدروب المستحيلة
واجمعيني في ذراك وفي محلّك

سولفيلي يا حياتي كل ليلة
كل ليلة في حياتي فدوتنّلك

ليه مالك بالطويلة ! والطويلة
حقّها واجب من حقوق التملّك

[Saad @y5llb]

في رحاب عيونك الحور ينقال القصيد
من عشق مثلك يْعشق القصيد ويكتبه

كنتي أنتي مُعجبة لين صرتي في الوريد
القصايد فيك صارت هي اللي معجبة

صرتي الديمة وأنا كنت قبل ألقاك بيد
كل ما أظمى جاد ماها وجتني تسكبه

يا دلال دونه يذوب من قلبه جليد
الدلال بحد ذاته للأنثى موهبة

[Saad @y5llb]

يميزك عن باقي الناس ثنتّين
ثنتين من غير المزايَا الفريده

معطيك رب الصاّيمين المصلين
اللي جعلنا كل أبونا عبيده

عطاك عين ما خلق مثلها عين
والخد بلحاله يبي له قصيّده

يا عاذل ما غرتك موضة الفيِن
ولا لقينا صورتك فالجريده

وجهك إذا شفته تذكرت شيئين
الحظ الأوفر والحياة السعيّدة

[Saad @y5llb]

سيّد الليل وأنفاس الفجر والمغيب
من شرا شوف عينك ماشكى غشّها

لو عصافير حيّك ماتشوفك حبيب
ما بنت في نوافذ غرفتك .. عشّها

[Saad @y5llb]

تقصّر الليل ولا تطوّله ما عليك
تقدر تخطف الحوّاس وتبهر المُستمع

من مفرعك لين ما توصل نعومة يديك
سبحانه اللي جمع حاجات ما تجتمع

شتقول فاللي يصبّ من الطواريق فيك
يخلّي اكبر الأسامي .. لا قصد تستمع

تكرم عيونك عن الشعر الهزيل الركيك
وتستاهل الشاعر اللي في عيونك لمع

[Saad @y5llb]

مرحبا يا غاية الروح يا نور الحياه
جعل قلبٍ ما يحبك يموت من القهر

أفهم إن البعد شين ومقابلك غناه
ولا فقدتك يوم واحد ، عليّ كنه شهر

أنت تقدر تفرح صدور وتضحك شفاه
وأنت تقدر تجعل العين يعميها السهر

"الله ياما عدت من سبتك فرض الصلاه
والله ياما قلت أحبك على سر وجهر "

[Saad @y5llb]

صب لي يانور عيني من الدله
كانك أنت اللي من أجلي مسويها

دلتك تسوى دلال الكون كلًه
طعمها مملوح من طعم راعيها..

[Saad @y5llb]

يالله انك لاتواخذني بفعل ذنوبي
واغفر لـ زلّة لساني ولقصور ايديّة

انت ياربي تعرف امرادي ومطلوبي
يوم اطيح انك توقفني على رجلية

بأمرك تعز الذليل بدرهمً مقطوبي
وبأمرك تذل العزيز مفّرش الزولية

صاحبي واللي بلا صاحب ولا مصحوبي
عزتي له لو خذا له صاحبً عاريّة

- علي بن حمري

[Saad @y5llb]

جعل يفداك القصيد اللي يثير أعجابك
تدري إن ذكراك بين الذكريات أزينها

حافظك بـ أصغر تفاصيلك و أدقّ أسبابك
و معتبرك أجمل توافيق القدر و أثمنها