ℬ

أغمّض عيوني عنك .. وأنسى انك عيوني.

[ℬ @y7k]

ثقة مساعد الرشيدي لما قال :
" وصلت ولا ما وصلت
أعرفك ما أنت منتظر غيري ".

[ℬ @y7k]

- مسّاكم الله بالخيّر ، وثَم /
بنيت السعه من الصبّر وش حدّني للضيق
«وأنا خابرٍ مثلي ــــ على مِثلهم واجد »

- ‌مثل:
«ماقد تصاغرت نفسي في شعور ومكان
اللّي أخلّيه ـــ أنا اشعر انّي اكبر منّه».

[ℬ @y7k]

أنا المخطي وأنا المذنب وأنا الأسف وأنا الغلطان
وأنا النادم على فعلي وعلى نفسي أنا الجاني

وأنا التايه وأنا الضايع وأنا في دنيتي خسران
تعبت وشانت أخلاقي وصرت إنسان وحداني

أنا بلحظة غضب اعميت عيني وغرني الشيطان
الا ياليتني ميت قبل لا أطيع .. شيطاني.

[ℬ @y7k]

ما توسلت السعاده من احد
ولا لأحد منّه على بسمة شفاي

إن تعبت السبت بطيب الأحد
وإن بكيت اليوم يوم السعد جاي

ماكرهت إنسان لو جار وجحد
هقوتي ما تبعد أكثر من غطاي

ولا رجيت إلا رضا الفرد الأحد
في رضاه إليا رضى عني رضاي.

[ℬ @y7k]

قسم بالله ما قبلك غياب ولا بعدك حضور
ولكن ودي بفرقاك لو ما ودك فراقي

تعاتبنا بما فيه الكفاية من ثمان شهور
وسالت دمعتين وطاح قلب وماتت أشواقي

تعدتك المشاريه وجفاك اللوم والمستور
إذا ما يكشفه صوتي كشفه الحبر بأوراقي.

[ℬ @y7k]

سلامي على اللي كل ما حن قلبي جاه
ويشوف الجهات الأربعه صوبه متاحه

لقيت أبتساماتي رهن ضحكة محياه
ويضيع الكلام ويعجز لساني أفصاحه

أنا أزعل الدنيا لجل ضحكته ورضاه
وأنا بكل ما أوتيت من شوق بجتاحه

ترا اللي يحبك جاب لك قلبه من أقصاه
وعطاك العلوم وفل لك سلك مسباحه.

[ℬ @y7k]

أنشهد ان الوقت غير مباديك
يا واحدٍ كنت أحسبك عون وظلال

أمحق حصاد سنين ما بينت فيك
وأمحق وصال دمر القلب والحال

أنا خابرك مبطي ليا قدني أجيك
تفرح بي وتنسى المعاناة فالحال

واليوم وصلي شي ما صار يغريك
سبحان من غير مع الوقت الأحوال.

[ℬ @y7k]

لا هان الغلا في نظرتك وش بقى ما هان
تفقد حبيبي قلبك اللي بهت لونه

خسرتك وصبري عنك ما كان بالأمكان
لازالت حياتي في مواصلك مرهونه

أجامل بعض الأحيان وأزعل بعض الأحيان
وأعيش الصراع الذاتي اللي يقولونه

اذا فيه أحد ممكن عليه الشعور يبان
أنا والله اللي يعرفونه من عيونه.

[ℬ @y7k]

أنا طيب ومتعافي قبل تسأل عن الأحوال
بسولف لك وأنا داري تهمك آخر أخباري

لقيت اللي ينسيني غيابك يا خلي البال
تخيل ذكرياتك في وجوده ما لها طاري

نفض عن قلبي غبارك وضحكني على الأطلال
محى صورتك وشال أسمك من أفكاري.

[ℬ @y7k]

أيـه أحبـك وأنـا لك عـاشقٍ . . من ثـلاث سنيـن.

[ℬ @y7k]

ما همني زعلك ولا همني رضاك
انت بعيني تعتبر شخص عادي

الذنب ذنبك والخطا يا خطاياك
ياما نصحتك وانت مخطي وغادي

يا الي تنادي قد محى القلب ذكراك
وانا ليا صـديت لا تنــادي.

[ℬ @y7k]

والله ثم والله ما قد تخليت
الا وأنا عايف وصالك وعفتك

أنا أشهد اني بالمفارق تهنيت
من يوم ما صديت ما قد ذكرتك

ولا أنت ما تنسى لو انك تناسيت
تذكرني بضحكك وحزنك وصمتك

ما عاد لك عندي طواري ولا صيت
متخطي فراقك بعد ما كرهتك

وتبي دليل اني في بعدك سليت
جلست أناظر صورتك ما عرفتك.

[ℬ @y7k]

وش تبي امر وألبيك يالوجه الضحوك
انت ما تستاهل تحس بإحساس العنا

لك بقلبي عرش الأسياد واحكام الملوك
شيل من ودك تشيله عساهم للفنا

ما ينافسني بمحبتك بعد امك وابوك
غيري انا واعوذ بالله من كلمة انا.

[ℬ @y7k]

ما عاد تنشد عن تفاصيل يومي
ولا عاد تنشد عني اليوم لا غبت

كنت القريب وكنت دايم قدومي
ولا غبت ضقت ، ولا تلاقيت بك طبت

جعلك فمان اللّٰه ما هي سلومي
في طردة المقّفين ، ما يوم حاربت

عز اللّٰه ان الناس ما هي تدومي
وعز اللّٰه اني فـهقوتي يمك - اذنبت -.

[ℬ @y7k]

أنت لو انك تبي تسج عني أو تتوب
ما عاد فالثنتين حيله ما يمدي تهتدي

لا أستمالت يم قلبك ذعاذيع الهبوب
بتذكر حسن وجهي على وردٍ ندي

ثم عاد الله يعينك على قطع الدروب
لا أشتحن صدرك من الشوق وين تغدي.

[ℬ @y7k]

أعوذ بك ربِّي من الخوف ومن الوسواس
ومن حاجةٍ مالي بها قوّه ولا .. حيله

فيك الرِّجى ما خاب يارب الفلق والنَّاس
ومنك الأمل ما مات لا لحظه .. ولا ليله

أنت اليقين اللي قطع حبل الجزع واليأس
وأنت الأمان اللي بخوفي دايم أشكي له ..

[ℬ @y7k]

ما انكر اني في بحر حبك غريق
ولا هويت من البشر شخصٍ يسواك

ولا انكر اني كنت لك دايم شفيّق
وامشي في شفّك ومطلوبي رضاك

مير كل نايم عقب نومه يفيق
ويوقن ان الحب احلام وهلاك

يا غرام الأمس ماني لك صديق
انت قصة يأس غطّاها حلاك

رح فمان اللّٰه كلٍ له طريق
فقت وشمت ولا ابي شي معاك.

[ℬ @y7k]

لي وليفٍ صدّ عني وصديّت عنه
صارت علاقتنا ياحمد مثل التحدي

خابت ظنون الهوى وخاب ظني وظنه
والهوى ماجا على ودّه ولا على ودّي.

[ℬ @y7k]

سبحان من يمسح على قلب الإنسان
ويوزِع عليه مْن الرضا والرحابه

الادمي يسعى على الارض بـ احسان
والله يشرِّع فـ السماوات بابه

الدعوة اللي ادعي بها كل الاحيان
مرة قريبة.. وْمرة أبعد سحابة

ماغرّ منها قلب مؤمن ولا لْسان
والبارحة عيّنتها مستجااااابة.

[ℬ @y7k]

لي مدةٍ وانا عن المجتمع صاد
اخفي طعون الصدمه الي تموّت

عفت العرب والدار والنوم والزاد
واقنعت وخيام الهقاوي تطوّت

الفرصه اللي خير من الف ميعاد
فاتت وهي مفروض ماتنتفوّت

وامسيت اردد كل ماوحيت نشاد
الله على الايام .. وشلون سوُت !.

[ℬ @y7k]

بكره يدور الزمن وتشوفني بعينك
راضي بفرقاك يوم إنك تجافيني

خذ ما بقى من غلاك وباقي سنينك
دامك نويت الفراق وناوي تخليني

ماعاد أبسأل عليك وأقول وينك
راحت ليالي غلانا يوم تخليني

الحين عفّتك مابي زينك وشينك
بانت عليك الخيانه وطحت من عيني.