يزيد بن سعود

وتبقى لبعض الأمآكن ذكرى .. تهمس لنآ بهدوء قآئلة : "لقد كآنوآ هنآ يومآ .. ورحلوآ" رحم الله والدي'

[يزيد بن سعود @y_2228]

جميع حساباتي ف التواصل '

https://t.co/nLFO6Q06yp

[يزيد بن سعود @y_2228]

سامح وبايح واترك الحقد واللوم
خلك كريم وفيك عفو وسماحه

[َ @1ll9___]

قهوة بعنوان :

مرحبا والقلب دارك ومحبوبك فداك
توّ ما جِرد المحاني ، تبسّم ريفها ❣️

[قروب شعر @Group_she3er]

احيان بعض الغلا . . يحتاج له قسوه
شوف الدواء كيف طعمه مرّ ويساعد

[يزيد بن سعود @y_2228]

@Fahad_Qatnan بذراعي الله يخلي لي ذراعي
الله عليييييييييييييك يابو قطنان

[يزيد بن سعود @y_2228]

@almodifershow شاعر .. ومثقف .. ومعلم .. وفيلسوف لله در القصيد ولله درك 👏🏻

[يزيد بن سعود @y_2228]

اللهم لاتكلني إلى أحد ، ولا تحوّجني إلى أحد ، وأغنني عن كُلّ أحد ، يا من إليه المستند ، وعليه المعتمد وهو الواحد الأحد الفرد الصّمد لا شريك له ولا ولد ، خذ بيدي من الضّلال إلى الرّشد، ونجّني من كلّ ضيقٍ ونكد.

[عبدالمجيد الذيابي @Sh96F]

بنت بدوً قضّت العمر نقالة عمود
تشهر سيوف المفارق ولاتظربَها

ادري انّي في هواها تعدّيت الحدود
كل ما لاموني النّاس قلت أحبّها

[معكاز شعر @M3kkaz]

لا صار في خاطرك حاجه و أحد ردك
تذكر اني ما ارد بخاطرك حاجه .

[يزيد بن سعود @y_2228]

آية "إن الله لا يغيّر ما بقوم حتى يغيروا ما بأنفسهم" معناها الحقيقي هو :

قوم وغير نفسك وأنا باخد بإيدك.. بس قوم

[يزيد بن سعود @y_2228]

وش ودك ؟

ودي إني في المجره واسولف للنجوم
لا أتكلم مع هل الأرض ولا اسمع كلام

[يزيد بن سعود @y_2228]

@n_alhozeme الله الله الله

[نايف الحزيمي @n_alhozeme]

مصيرك يامسافر ترجع لموطنك
وبعدها .. ( لا تدورني ! بتلقاني )

حبيبي هذي اخر مره استاذنك
اذا راجع عشان ( تجدد احزاني )

توقع كل شي الا اني ، ابعد عنك
ولا تسأل بعد ماغبت وش جاني ؟

على كثر الجروح اللي تجيني منك
صراحه كل جرح احلى من الثاني

[غازي مشعل @GhaziMashal]

سرى ليلي اللي فيك ماهو حبيس نعاس
خذتني طواريه الجميله وودتني

أنا داري إنك منت داري ولا أنت بحاس
وش إستخلفت عينك ووشلون خلتني

تجي جيّة اللي مادرا عن عيون الناس
وأنا فيك حتى نسمة الصبح لدّتني

توصّت علي بكل ماتحمل من إحساس
وورتني اللي منك ماقبل ورتني

سقاك السحاب اللي مزونه عليك تقاس
لا كفتك كفّت خلق ربي وكفّتني

أنا أشوفك المستقبل اللي ورا الأقواس
ما أشوفك لقى عابر وفرصه وطافتني

مهب الرياح يسيّر البحر والغطاس
لكْن مايسيّر ضيقة الصدر لا جتني

ماني تاركٍ حبل الرجا ينقطع بالياس
لو أعلّق شراع السفينه على متني

[غازي مشعل @GhaziMashal]

لي ورا شاماتك المتراميه منزل هلٍ لي
ماسريتك لين وكدت النهار من الجهامه

رجعيني للصبا يا أعز وأغلى ما حصلّي
وإستغلي بسمتك لرضاي في وقت الملامه

الليالي مالها وجهٍ ضحوك ومسفهلّي
غير لا منه بدا لي خدك اللي فيه شامه

اقربي لين يتلاشى حزني ويرتاح ظلي
من طريقٍ فيه عيّفت القدم راس العدامه

واستريحي فوق ديباجك وفلي شعرك اللي
ودي اقضي عمري الباقي تحت دامس ظلامه

[فيصل بن نمّاس @faisalnmaas]

من مجريات الوقت لادارت رحاه
صرنا نحسّ ان الطمأنينه كمين

حتى الحزن يبي من الواقع نجاه
ما يزبن الا ، في صدور الطيبين !

اللي عيونه ماتشوف الا .. عناه
ماعاد يثرّ في محانيه ' الحنين

من صدّ عن غاليه .. لا بيّن جفاه
يقدر يصدّ مْن الملذّات اجمعين

نتيجة الخذلان , يا ظبي الفلاّه
تلويحة كفوف و بقايا راحلين

اللي عطيناه الثقه .. ربي عطاه
فرصه وحيده ماتكررها السنين

حنّا ثقتنا غاليه .. مثل ( الحياه )
ماتنعطى للشخص نفسه مرتين !

[يزيد بن سعود @y_2228]

من عجائب البشر أنهم يمحون كل ماضيك الجميل مقابل آخر موقف سيء منك ..

ومن سعة رحمة الله سبحانه أنه يمحو كل ماضيك السيء مقابل توبة صادقة منك ..

[يزيد بن سعود @y_2228]

اللهم إنها الليلة الأولى له في قبره، يارب هوّن عليه ليلته وآنس وحشته ووسع مدخله، اللهم إنه ضيفك وأنت خير مُضيف اللهم اجعل اول ليلة له في القبر خير لياليها واجعل قبره يارب في نور دائم لاينقطع .
#عبدالله_السميري

[مُبتغى @_29it]

أعطانا درس بالوفاء ورحل فالبيت الليّ يقول فيه ،
"إلاّ أنت يا الليّ ساكنٍ في عيـوني
ما أنساك لين أنسى البسيطة وأهلها"
«وكنه يقول ما ينكر العشره إلا ردي»
- رحمة الله تغشاك.
#عبدالله_السميري

[𝙰𝟹 @_aa1008]

أعطانا درس بالوفاء ورحل فالبيت الليّ يقول فيه ،
"إلاّ أنت يا الليّ ساكنٍ في عيـوني
ما أنساك لين أنسى البسيطة وأهلها"
-وكنه يقول ما ينكر العشره إلا ردي

#عبدالله_السميري - رحمة الله تغشاك🤍.