🖌
بعض الأوجاع في الحياة لا يزيلها
دفء البعض ولا بلاغتهم اللغوية..
حين يريدون التخفيف عنا..
فبعض الأوجاع خلقت لتقربنا
إلى الله أكثر خلقت لكي نسجد .....ونستغفر
خلقت لتخبرنا أن في
القلب خللا لا يملك إصلاحه إلا الله.
ياحيف ليش الغلط ياحيف
ياللأسف ول ياكافي
تركتني ياحسافة كيف
وانا احسب وجودك لحافي
وقفيت عني بساعة صيف
في قيظها سبتني حافي
واليوم بانت نقودالزيف
ثم انكشف سر صرافي
ياطير ياللي فاقدن لك مواليف
هز الغصن واركب متون الهبايب
اللي تحسه فيك بين السراجيف
تغسل مواجيعه كفوف السحايب
سولف ترا ماباقي الا السواليف
وش فيك من سرب العصافير هايب
من طار لاتلحق وراه التحاسيف
الله خلق غير الحبايب حبايب
دوك الفضا كان المشاعرملاهيف
لاتنتظر للي عن الغصن غايب
اللي ملا صدري من الجال للجال
ذكرى من الماضي على البال طلت
قعدت اقيس الحال واميز الحال
لين الخواطر والقياسات ملت
في ذمتي تحت البحر صدع زلزال
فيه العلايق من ضلوعي تدلت
راحت حياتي فلم واحلامي اطلال
تشبه سحابه فالمحيط استهلت
ماغير اغني مال يامال يامال
لاقامت طيور المشاعر تفلت