حكم بالبراءة
إلغاء الإدانة
في قضية الاستيلاء على المال العام
وتزوير كشوف الحضور والانصراف
بـ وزارة الكهرباء والماء
انتصارٌ للقانون… وانتصارٌ للحقيقة ⚖️
#وزارة_الكهرباء_والماء#المحامي_نايف_الصواغ
خطوتك جرب تجريها علئ باب المخاطر
يمكن أن الحرص عوق القلب قبل يكون طبه
الوصال اللي تحبه لا حصل من غير خاطر
جنبه حتى لو ان الوصل شوف اللي تحبه
لـ أنجبرت أنك تحط العذر في كسر الخواطر
حاول أنك ماتحط الذنب في وجه المحبه
راح المساء بين تنهيد ، وشهيق ، وفحيح
الأرض قامت تخاطفني من عروقها
والكلمه اللي على أطراف الكلام الصحيح
ماهو بيونس وجعها إلّا من يذوقها
حتى الهنوف اللي تحب الكلام المليح
كتبت فيها قصيدة وارتفع سوقها
كنت أتلذذ لا شفت الكحل منها يسيح
قبل تشوف الفراق من أبسط حقوقها
تماكنتني و أنا على حواف المطيح
إختارت من الجروح اللي على ذوقها
من غاب عنها الفرح و أنا عليها جريح
اضحك على حزنها وابكي على شوقها
جرحتها قبل لا ترحل عشان أستريح
أهملت وجناتها ، وأرخصت منتوقها
راحت تجر الحزن ورا الزمان الشحيح
مدري تحت لـ أرض ولا عايشه فوقها
خبري بها يوم تمسك دمعها لا يطيح
طاحت لكن دمعها ما طاح من موقها
ليالي عمر تحسب لي وتحسب لك ليالي طيش
لو إنّي بـ اسبق أيام العمر ما عاد يمديني
تحديت الظروف اللي تحدتني عشان أعيش
بغيت إنّك تطيح ولا قدرت تطيح من عيني
مع إنّي معك عشت أحلى الليالي بس مدري ليش
أحس أن الحياة اللي بدونك عايشه فيني
هب ريح الطاري اللي كل ماهبت رياحه
قام يسرق قلبي النسناس والليل يغشيني
ودي أعتق كل طيف يمرني وأطلق سراحه
بس أحب أصحابها بعض الطيوف تجود فيني
ماقنعت مْن الغرور إلين لبّسته وشاحه
ولا رويت من القراح العذب لين اعرق جبيني
يا عفيفه لا يزعّلك القسى ولا الصراحه
ما الله بحاديك فـ اشد الظروف تصارحيني
إن بكيتي من فرح حسادي أطلبك السماحه
لك علي افرحك و أحرق مشاعر حاسديني
الهموم تجرد الرجال حتى من سلاحه
قد خذت من ضحكتي ولا خذت من دمع عيني
من بدا مِنْك العتب صار العتب للقلب راحه
كان ودك راحتي عن كل زلّه عاتبيني
دوريني لا بدا الليل يتعرى من صباحه
بين نسمات الهبوب اللي جمعت بينك وبيني
و أحتريني لا بدا الحزن يخفض عندك جناحه
لكن إن بان الحزن في ضحكتك لا تحتريني