Y

متذوق للشعر

[Y @yry_op]

#عشر_ذي_الحجة

[Y @yry_op]

يا دارنا يا عزّنا يا ذرانا والأمان
يا عظيمة يا كريمة يا فخر كل من سكنها

ندرى ثراك بالسيوف وبالعزم لا حان حَان
وصدورنا سورٍ منيع وعيوننا بتحنّها ،،

#بقلمي #يوسف ✍🏻

[وزارة الداخلية 🇸🇦 @MOISaudiArabia]

أمن وأمان..

#وزارة_الداخلية

[Y @yry_op]

عيد مبارك للجميع أعاده الله علينا وعليكم أعواماً عديدة وأزمنةً مديدة بالخير والمسرات
وكل عام وأنتم بخير 🌷 #عيد_الفطر_١٤٤٧هـ

[أخبار السعودية @SaudiNews50]

عاجل:

الملك سلمان:

نهنئكم بعيد الفطر المبارك.

-

[Y @yry_op]

﴿ رَبِّ اجْعَلْ هَٰذَا الْبَلَدَ آمِنًا ﴾
اللهم احفظ ديننا وبلادنا وقادتنا وشعبنا 🙏🏻

[وزارة الخارجية 🇸🇦 @KSAMOFA]

#بيان | تعرب المملكة العربية السعودية عن رفضها وإدانتها بأشد العبارات للهجوم الإيراني الغاشم الذي استهدف مبنى سفارة الولايات المتحدة الأمريكية في مدينة الرياض.

[Y @yry_op]

دارٍ لها بالقلب عشق وتكاليف
ياعل عينٍ ماهوتها كفيفه

طبنا وشبنا وأتعبتنا المشاريف
والمرقب العالي هبوبه عنيفه

ويا حظ من لا عرف منهو ولا شيف
إن طاب ..يحمد وإن تردّى .. بكيفه

وحنا ورثنا العز عظم وغضاريف
لا ما ورثنا العز تاج وقطيفة

#يوم_التأسيس_السعودي

[Y @yry_op]

#رمضان_كريم ومبـارك عليكم الشهر الفضيل ،،،
جعلنا الله وإياكم من صوامه وقوامه ومن عتقائه من النار وأعاده الله علينا وعليكم باليمن والبركات 🌙

[واس الأخبار الملكية @spagov]

#عاجل
#الديوان_الملكي:
المحكمة العليا تُقرر أن يوم غدٍ الأربعاء هو أول أيام شهر #رمضان المبارك لعام 1447هـ.
#واس

[Y @yry_op]

ودّعت رغباتي عقب هدّت الحيل
و لوّحت لـ الأحلام ليلة حصادي

ما عاد تشفع للقصايد مـواويل
ما يوصل الإحساس لو كان عادي

الجرح ما يشفيه حضن المناديل
و الخوف ما يخفيه كثر التمـادي

يا غربتي مشتاق للي مضى حيل
اشتقـت لبلادي و انا في بـلادي

[Y @yry_op]

عرفت أطلع من يدين الزمن ربحان
وجا قلبك مقام مناسبٍ قـدري

عرفت بجيتك أن للحياة ألوان
ياليت أن جيتك ياضحكتي بـدري

بعثك الله شعورٍ يبث الاطمئنان
كأنك تحيي الآمال في صـدري ،،

[Y @yry_op]

شوفك أبعد من ثراي الى النجوم
ولا أجتمع وياك إلا في مُضر

لكنك أقرب شخص من بد العموم
مع إن زولك لا لفى —— ولا حضر

القلب عاده ينتظر منّك علوم
لكن ترى ماهو على خبرك خضر

احتاج لك واحتاج منك كل يوم
لو نسمةٍ من ديرتك .. ماهي تضر

[Y @yry_op]

ألاقيك في مطلع قصيدة ونسمة نود
و في البدر لا ضوّى و في الورد لا ندّى

و في كل طرف أدعج وفي كل ضامر عود
و في وجه من لبّى وفي صوت من فدّى ،،

و في حلمي الغادي وفي نصفي المفقود
و ليلٍ هقيت إنه يعدّي …… ولا عدّى

[Y @yry_op]

مرت سنه فيها اشترينا وبعنا
شيٍ يدوم وشي ابلته الايام

كل عام والطيّب من الناس معنا
ولا الردي جعله يولي مع العام ،،

[Y @yry_op]

مطيح المطر بالارض يشبه مطيح خطاك
على جرف جفني يا مطر ناظري مرّي

أحبك .. واقول اني أحبك ولا يخفاك
أنا المعجب المعلن وأنا المعجب السري ،،

[Y @yry_op]

كنت أسمعك واقولك وش تقولين
عشان أمتع مسمعي لا حكيتي

وكنتي تحبيني .. وكنتي تخافين
من وحشة دروب المفارق، نسيتي؟

ودار الزمن هالحين وينك وانا وين
معقولة ! أخترتي الفراق وجفيتي

" أكثر شخص ماهو يحبك تضيقين
ضيقتي الدنيا عليه .. ومشيتـي "

[Y @yry_op]

لك منزلٍ بين الرجى والتمني
ولك دعوةٍ ما فارقت قلب ولسان

ادعي عساك تكون فيني ومني
علّ وعسى ما يملكك غيري انسان

لا ياخذك وجه الجفا غصب عني
ولا يردك عن دفى صدري أزمان

أنتِ الأمــاني والمنى والتمني
وأنتِ الكمال وما يخالطك نقصان

[Y @yry_op]

وش يمنع هوانــا والعمر بـدري ؟

[Y @yry_op]

انتِ الطف من اللي ما لقى حق ضيفه
واكرمه بالقبال و بـ الـ هلا و اجتهاده

جاد حظي و جابك في لواهيب صيفه
وهب قلبي من الذعذاع وأونس براده

ما على الوقت أمان ولا من الوقت خيفه
دام غيرك كُفر ، و انتِ .. وصالك عباده

[Y @yry_op]

ابي ذيك الدروب الي توديني ولا ادري وين
انا محتتاج دربٍ كل ماجيته يضيعني

احبك كثر ماذعذع هواك وسال دمع العين
وكثر ماقلت انت تحبني وتقوللي يعني ،،،

[Y @yry_op]

مع اني خابر ان الشمس عقب غيابها بتبين
احس انها ليا غابت من عيوني تودعني

واشك انها ليا غابت تروح وتطرد المقفين
وانا الي شيمتي عن طردت المقفين تمنعني

ذرفت الدمعه الي عالقه حروه ثلاث سنين
لو ان الدمعه الي تنذرف ماهي ترجعني

[Y @yry_op]

قصر بال، وشح وصل، وقل دبره
والسؤال أجاوبه بـ "أدري" و "مدري"
ٰ
والله إني حاسدٍ مثقاب الابره
يومه أوسع للهواء من ضيق صدري

[Y @yry_op]

للحين وانا اللي على خبرك العام
اطرد سراب الحلم واطيح واقوم
ٰ
ولا تغيّر شيّ .. ولا حدث هام
غير السهر والاكل والشرب والنوم
ٰ
اثر المفارق يلغي حساب .. الايام
ويخلّي الاحساس فالوقت معدوم
ٰ
( في مثل هذا اليوم قبل اربع اعوام )
ضيّعت لي حول اربع اعوام في ( يوم )