واحد

فَاسْعَوْا إِلَىٰ ذِكْرِ اللَّهِ

[واحد @yv7il]

دوروا خير فيني واذخروه لغيابي
ولا فقدتوا حضوري اذكروني بخير !

[واحد @yv7il]

الحب صار اليوم أشكال والوان
والناس ماعاد فيها حس وشعور

اليوم يُعجب فيك ويقول ولهان
وبكره تشوف أسمك صار محظور :)

[واحد @yv7il]

لدي بعينك يابعد عين مغليك
وقولي وش اللي في عيوني لمحتي؟

أكيد شفتي من الغلا مايكفيك
ويحط كل الناس لاجيت تحتي

تكلمي ، ردي ، علامك احاكيك؟
ياما على سمعي من الشوق بحتي

تذكري أيامك العام وش فيك!؟
انا ضمادك بالزمن لا أنجرحتي

طيحي على صدري وقولي لي ابيك
وانا عليّه اعذرك كان طحتي

[واحد @yv7il]

اللهم اغفر لموتانا وارحمهم وتجاوز عنهم
اللهم اجعل قبورهم نور وسعة وأدخلهم جنتك برحمتك

[ويليام شكسبير @Wam_Shakespeare]

كرامتك أهم من شخص تحبه ويعاملك بمزاجه."

[واحد @yv7il]

لو نبت لي من ضروس العقل عشرة ضروس
ماني بعاقل عن الحب أنا مجنووووووووونها .

[واحد @yv7il]

وأنا أحيان أحس إني من الهم في برلين
وانا أحيان كني بالوله دون نجراني

ألا ياحمد لو المحبه لها تعيين
خطير علي أضيع أسمي وعنواني

يقولون حالك زين وأنا أقول ماهو زين
دام الضيق ياخلي .. خوي ويبراني

غدا القلب من حبه بوسط الهموم رهين
وقلوب البشر مابين قاضي وسجاني .

[واحد @yv7il]

ياليتني من قبل لا أحبه اقفيت
والا ان دروبي عن دروبه تناحت

أهون علي من البكا والتناهيت
وأشلا من سدود على الناس باحت

عرفت كيف الحي يفرق عن الميت
وعرفت قيمة نعمتي يوم راحت

قولوله اني عقب بعده تدانيت
ورجلي عن دروب المعافين شاحت

[واحد @yv7il]

الحب يضحكنا و يبكينا و يسعدنا و يشقينا
ومن ذاق الهوى ما تاب ولا ينفع ملام وعتاب

صحيح ان الهوى غلاب ومن حب الهوى مره
يضل مرهون تحت امره على حلوه و على مره .

[واحد @yv7il]

ذاك لو قال الشتاء صيف عرقت
ولو قال صيفي برد شبيت ناري

[واحد @yv7il]

والله اني كنت الوم الي يضيق ان غاب خله
لين جربت المحبه والفراق وقلت توبه

لعنبوا جدالمفارق فيه هم وفيه ذله
اثر كل الحب لذه والفراق اكبر عيوبه

امس فارقت الغلا ومفارق الخلان عله
والعلاج الوصل لا تبلش طبيب ولاحبوبه

الزعل هو سبب الفرقا يهز الحب كله
ليتني طولت بالي قبل لا يعلن غروبه

[واحد @yv7il]

ياليت لهل الهوى دستور
وقانون يجبرهم الزامي

ان الزعل بالهوى محظور
واطول جفا خمست ايامي

واللي يجي من طرفه اقصور
تصدر على شخصه احكامي

يصير بمواصله مجبور
ويحبس معا صاحبه عامي

[واحد @yv7il]

ارسل عليك الرسايل كني ارسل فراغ
حكي يضيع بلي�� صدى ولا له مجيب

أطري طيوفك وقلبي من الطاري انشاق
وأحسبك تجي واثر الخطا منك قريب

وش حيلتي لا غلاك استوطن القلب وطاق
وأصبحت أنا بين نسيانك وجرح غريب

يا ليتني ما عرفت الحب ولا له مذاق
ولا عرفتك.. ولا ذقت الغلا والتغريب

[واحد @yv7il]

لو المدى مركز جوازات وحدود
مديت لك شهب الدروب وجلدها .

[واحد @yv7il]

يعني ما عدنا حبايب انهدم كل شي فينا
المحبة و الأماني والسنين اللي قضينا

كان قلتي لي من الأول ترا هالرحلة قصيرة
مهما طال الحب فينا اعتبرنا ما اهتدينا

[واحد @yv7il]

تلاحق الي تبقى من الغلا بين يديك
وش يجمعه لو تطول غيبتك و انتثر

يتلني شوق لك رحمه على والديك
ماني بقد الصبر إلا انت قد الصبر

شف حالتي في الغياب اشكيك منك و إليك
هم برى الحال و عيون طواها السهر

واليوم في غيبتك مانيب عاجز لا اجيك
لكني اخاف لا من جيت مالي قدر .

[واحد @yv7il]

أترك طاري الفرقا وارقا للسماء الزرقاء
دام ان حبنا يرقى خل الشك والتزوير

واليا فاضت اعيونك من ناس يعذلونك
و��صلني بتلفونك … واتركهم بلا تبرير

واقبل صادق حروفي من جدي ومن جوفي
وان كانك تبي شوفي مايحتاج للتاخير .

[واحد @yv7il]

والله إنه من غلاك وكبر قدرك ودّي
انتخاوى في الحياة ونلتقي في الجنة

[واحد @yv7il]

يوم شفتك تحبّين المطر صرت ديمة
ويوم شفتك تحبّين الشعر صرت شاعر .

[واحد @yv7il]

احب انا من الدواسر وقلبي قلب هرش
وان لقيتك راغ قلبي مثل روغ الخريش .

[واحد @yv7il]

طابع حبه على مقدم القلب وقفاه
وليف بيبطي على القلب متراكي..