part 1
اللي خذاها النصيب وفاز فيها فلان
أنا اصدق الناس فيها يوم حبيتها
وعن ذكريات الحبيبه وبين بر الأمان
لو دراي إني بحن … ما كان خليتها
وأنا علي الحرام ... احبها من زمان
من كثر حبي لها خايف على صيتها
حنا ضحايا السلوم اما ضحايا الزمان
مدري … وضميت صورتها وشقيتها
فالحب لوحة وللحكايات الوان
مرسومة من الله ولو ما تمنيّتها
واكتم حنينك ولو بكّت الالحاان
حاول تستر مشاعرك واسرار بيتهَا
وعسى ربي يساععدك بالنسيان
وتبني البسمه عقب ما هدّيتها 🤲🏼 .
لك العذر في غيبتك ولطيفك التقدير
متى ما سهيت وبان لي وجهك البدري
سرحت بخيالي فيك وأسهبت فالتفكير
وطلّعت كل اللي مخبى ورى صدري
ما تمنعني حدود المسافة عن التعبير
انا توّي مسولف معك وانت ما تدري .