•

[• @z_ovcv]

@aprvip اللي لحقني من غيابك خلاف
ذكراك لانسنس غربي شعم ضوها

عليك قلبي ورى عوج الضلوع النحاف
يرزم آرزا الخلوج الي غدا بوها

[NOURAH @just_poetry_]

اجتماعي بس أخاف من الصداقات الجديدة
أدري أن أكبر خطأ الوافين تقديس الصداقة

ما أقدر اعيد الخطأ مع شخصٍ الله لاا يعيده
طووول عمره من علاقه في علاقه في علاقه :)

[حمود بن خلف @1hha_]

امزح وحط لمزحك حدود وقياس
لا تِلحق اصحابك بمزحك مهونه

المزح لامن صار في وقت حساس
أهل القبال الزين ما يقبلونه

الهيل فالدلّه يحبونه الناس
لكن لياجاء فالصحن يكرهونه

[• @z_ovcv]

@saleh_neshaira كنها ثورة فالخبا

[• @z_ovcv]

يقولون مبطي من بغى الدحّ ماقال اح
وهذي حكمةٍ ذا الوقت ماهيب مرغوبه

علي بالحرام ان العقول تعطس وتكحّ
وعلي بالحرام ان كلمة الحق مضروبه

يدنّق حكيم الراي كنه يقطع جح
ويفرض ردي الراي رايه ومطلوبه

ابرجع على شعر الغزل مثل قرطب قح
أسلوبي وكل أنسان يرتاح لـ اسلوبه

#خالد_مبارك

[• @z_ovcv]

@lj10_ ياسلام

[• @z_ovcv]

@gm3an99 لاضقت من جور الزمان وبلاويه
انصا الكريم امبدل العسر باليسر

الي ملائكة السماء ترجع إليه
هو فارج الكربه وهو جابر الكسر

[• @z_ovcv]

قبل لا يموت الليل و أودعه بسريه
خيوط الصباح اشوفها حبال مشنقته

طموحي سراب جاني الموت قبل اجيه
و عزمي عزم من جمرة القيض محرقته

تقولون دام انه سراب و لحقته ليه
ترى متعتي في شوفه و في ملاحقته

شعوري ورى حلمي وانا صايده واخطيه
اخاف انه احلى من شعوري لا حققته

علي ال صبيح المري

[NOURAH @just_poetry_]

اليا انعدم مبدأ العقيدة بالانسان؟
يقدر يسوّي ما يسوي اليهودي.

[مـخـباط . . @_Mb72]

ارحل لو تضيع السنوات ترحال
ثلثين عز الادمي في رحيله

- محمد بن ماجد

[عبدالله السراهيد @Alsraheed]

ياشين الحياة اللي مافيها صلاة وصوم
تغرّ البشر بـ الوجه الابيض وهي دلما

تورّي: من يسلّم لها .. قلبه المحروم
نهاية بصيص النور !.. وبْداية الظلما

ملذّات الانفس تقترب كل ليل ويوم
من اللي ضمايرهم من ذنوبهم بلما

وضمير البنادم ! لا تحلوى لذيذ النوم
من المستحيل إنّك تصحّيه لو بـ الما

[• @z_ovcv]

وطنا طاب فالك وابتسم وجهك وعزك دوم
لك المجد التليد وحاضرً يفخر بماضيه

لا تزعل من نباح الكلب ولا من نعيق البوم
خفافيش الظلام وفي مراحلها النهائيه

نشيلك فالصدور وفالعيون ولا تشيل اهموم
مادام اربع جهاتك من جهات الغدر محميه

#سمي_الزعفران @medghem

[NOURAH @just_poetry_]

الانحدار ! اخسّ شي الانحدار
والارتفاع أسباب نقص الأكسجين

ما أعد من ينظر لغيره بـ احتقار
أعدّ من يستحقر المتكبرين

من كثر حبي للمهمات الكبار؟
بلغت أشدّي قبل سنّ الأربعين

وشلوون أهين اللي لهم قدر ووقار!
وأنا احترم حتى قبور الميتين.

[• @z_ovcv]

ياعويّشه ماوردتي رس ابو حيشه
راسّ خلا مدهلٍ للذيب سرحاني

ماجاه غير الحمام اللي صفق ريشه
عليه سرب الحمام يجر الالحاني

يابكرتي درهميبي من ورا بيشه
في موقعٍ مايقصك فيه خرعاني

حنا نبا الستر والخاطر يبا العيشه
والعلم يازريب يوم الدول ياطاني

بقيران الشيباني "رحمه الله"

[• @z_ovcv]

تمنيت شي وقدر الله شي وصار
ولا لي ، سوى وجه الرضى لوتصنعته

أنا كنت أحسب إن راحة العبد فيما أختار
أثـر خيـرة المـولـى لـ عبده مسنّـعتـه

نطحت الزمان بقوة العزم والاصرار
ولا اقول طوعني ولا اقول طوعته

تبون الصراحه والله اني بغيت انهار
ظروف الحياه اقسى من اللي توقعته .

[جمال بندر @JamalBander]

ركز على وجهك وحافظ على ماه
حنّه من اللي يستبيح الكرامة
.
الرجل لولا شميةٍ في محيّاه
ما تفرقه عن لابسات اللثامة
.
ولا تصير اللي يدينه بمخباه
ما مدّها للي ما يلقى طعامه
.
من قل مدّاته ومن شح يمناه
ما قد تصدق غير بالابتسامة!

[• @z_ovcv]

ياليل يالي في عنادي تحزمت
جنت جنوني من عفاريت جنك

عزالله اني ليلة البارحه نمت
من نومة البارح تقاضيت منك

[• @z_ovcv]

انا الشغف عندي توفا من العام
وفي موتته يالله ….تحسن عزايه

[مطرب بن دحيم @ben_dhim]

يالله بنوٍ ضاح برقه ليا [ شار ]
عجلٍ مشافيح العيون يخطفها
'
يكشف مثل مزيونةٍ دمها حار
تشرب ولاتبغى العيون تعرفها .
'
يحجب سحابه زرق الافاق بستار
والارض لاطش برده في طرفها .

تقدر تحلف ان له مع الاوديه ثار .
يرخي عليها منكبه ( ويحذفها ) !