a

[a @za19l]

يا ضحكة العمر ياني حيل مشتاقك
لا شـان وجه الزمن لا تقطع الجـيّة

إذا طروك أحترق وأشتاق لعناقك
وأقول تكفون ,, لا تجيبون طـاريّه

يا ما تمنيت أشوفك والزمن عاقك
اللي مثل حالتي .. يا صعب أمـانيه

ما دامها بالتمـني بطلب فـراقك
لأن الأماني مع شرواي " عكسية "

[a @za19l]

جعل السهر والحزن والضيقة تحدّه
يطلع —— أرقـام جولات صدقـاني

ثم يتصل بي ، وأشوف الرقم وأسدّه
وأقول يا موت ذق ما ذقت بلسـاني

[a @za19l]

نظرتي لنفسي يلخصها كلامي
عاذلي كوكب وأنا كل المجرة

والمكان اللي ينزل من مقامي
تنقطع رجلي ولا في يوم أمـره

من تجمل بي لقى مني احترامي
ومن تردى بي تركـته عند شـره

كم ظروفٍ حاولت دون انهزامي
أتجـاوزها .. لـو إنها صدق مُـرة

[a @za19l]

أبوس لك رمشك .. ما أبادلك نظر

[a @za19l]

كل حلم فاتني بالأمس — وصّـل له سلامي
ما على الفايت حسايف والندم قصة قديمة

أدري إن الحـلم لا منّي عطيته اهتمـامي
صار حلم للجميع وصار له معنى وقيمة

الخسـاير في حياتي .. ما تنـزّل من مقـامي
انخلقت بقلب طير وروح ما ترضى الهزيمة

[a @za19l]

تخيلتك تشـابهـني على طيب الأصل والراس
وأثر أسباب خيبات العشم .. من زود تقديره

فلا يلحقك فيني عطف ولا يحتلك الوسواس
أنا " دولـة " وقلبك كان مواطن خاين الديرة

[a @za19l]

أعشق سميّك في البزارين وأدعيّه
وأقبل خطـاه لا أخـطى .. وأتلقـاه

واسمك ، يــروعني لا مـرّ طـاريه
وأحب ملقـوفٍ يسـولف وطـراه

وأمـرّ بيـتك من بعيـدٍ ولا أجيـه
وأنا لـو إنّـه في يـدي مـا أتعـداه

وصلك يخيط الصدر والبعد يبريه
ويا بري حـالي كان صديت بريــاه

[a @za19l]

من لا يحس بقيمتك وأنت موجود
ماهو بنـاشدٍ عنك لا صرت غـايب

حـاول تفرق بيض الأيام والسود
يا قلب ما كل الحبايب ,, حبايب

اللي يبيك .. يجـيك لو دونك قيـود
يكسر على شانك خشوم الصعايب

واللي يبي فرقاك لو دروبك ورود
ما جـاك ، لو إنك أدنى القـرايب

[a @za19l]

عند المـــوادع — دمع عيني غلبـني
وطاحت بي الدمعة على كف سلطان

[a @za19l]

يا ليت الليالي في مكاني شهر تقلبك
وأصير بمكانك وأنت ليـتك تجـرعها

مـرارة فـراقك يمكن تحـس بمعذبك
ونفسك عقب طول المفارق تراجعها

كتبتك بعمري بس أخاف الجفا يشطبك
ولا من شطبك الوقت .. رح عـاد رقعـها

[a @za19l]

تـاخـذني ظـروف الحيـاة السريـعة
وألقاك من عقب البطى مثل ما كنت

أنا أدري إن ضـاقت عـلي الـوسيـعة
محدٍ موقف لي على ساق .. غير أنت

[a @za19l]

علامـة المُتهم كثر التصـاريح
وعلامة المكتفي قل اهتمامه

وعلامة إني ضعفت ويمكن أطيح
علامة .. من علامات يـوم القيامة

[a @za19l]

تميل القلوب لعشرة الطيّب الميلاف
مثل ما تميل لهيـبة اسمي طموحاتي

لو إن النوايا في وجيه البشر تنشاف
عمى نور وجهي كل من شاف نيّـاتي

تخافون دورات الليالي وأنا ما أخاف
تبي ترد لي معـروفي وبيّـض وقفـاتي

أنا المقتنع بإن آخر المُجريات إنصاف
بيجي يـوم . . والدنيا تعدّ إنتصـاراتي

[a @za19l]

طبعي أجنّب عن النـاس وأصد
لا شفت ما لا يستحق اهتمامي

في ذمّتي ماهو بمعجّـزني الرد
أنا أعتبر صمتي جزء من كلامي

لكن عندي كل حاجـة لها حـد
قبـل توصل هيبـتي واحتـرامي

صدّي عن اللي ما يبادلني الـود
شيمة لنفسي واحترام لمقامي

[a @za19l]

تخفي هيامك وأنت ميت وملتاع
ما تدري إنه في ملامحك منحوت

ويبخل لسانك وأنت للسمع طماع
والبخل في سلم المحبين ممقوت

الحكي قوت السمع وأسماعي جياع
ومسامعي ماتت من الجوع للقوت

وحكي الغزل في صدرك أشكال وأنواع
لـكن صمتك — حـوّل الصدر تابـوت

[a @za19l]

ما جرح قلبي ولا هز الفراق إحساسي
ذكريـاتي معك أنا نادم على مجملها

لا تعـاتبني .. ليا صـرت مثلك قـاسي
غيرتني مجريات الوقت ، وأنت أولها

[a @za19l]

مهـم ,, تزيـد وصلك وإتصـالك
أنت غالي حاضر ، ولا غبت غالي

يكفي إني في المنام أروى وصالك
أرقد معـبّى عتب . . وأقـوم خـالي

[a @za19l]

تمر السنين وكل حاجة على المعتاد
هذا دربك أدلّه . . وهذا بيـتك أدلّه
ٰ
ولا زال صدرك عن حنين الغريب بلاد
تبعدني ظـروف العمر وأرجع لـ ظلّـه

جعل كل يوم قد مضى لي معاك يُعاد
وأنا مـا يكفيـني معك ما مـضى ,, كلّه

[a @za19l]

ولا أعـاتبك ,, لكنك أبطيت عـن داري
جلست أنتظر والباب مردود لوصالك

ولا أعـاتبك ,, لكـني أعـاتب إصـراري
على إنك حبيبي .. والزمن ما تهيّا لك

[a @za19l]

كثـر الله خـيرك —— يا قليل الكلام
ليت طبعك مثل وجهك رضي وسموح

المحـبة ثلاث أربـاعها . . اهتمـام
وأنت لا جيتني ؟ ما همك إلا تروح