ابو عبدالعزيز

الحمدلله على كل حال وأستغفرالله العلي العظيم وأتوب اليه ٠ وأصلي وأسلم على نبينا محمد عليه من ربه أفضل الصلاة واتم التسليم

[أجمل الشعر. @mersal4779]

من ضن فيك بـ سوء خله على ضنه..!

[أجمل الشعر. @mersal4779]

نصيحتك للشخص امام الحاضرين
تونس برودتها ويونس حرها..!

[معكاز شعر @M3kkaz]

عليك باللي مواقيفه مشيّخته
اللي من الطيب لا يشبع ولا يروى

قرمٍ ليا دق صدره واعتزى بـ أخته
باحت علوم الرجال وهانت البلوى .

[محيا السلات @_ALslat_]

...
عبرة ٍ فيضتها في ضحا يوم الربوع
لو بغيت أردها ماقدرت أردها

خيلت بالونه اللي ورا حدب الضلوع
واستهلت وأمطرت يوم وصلت حدها

من ثلاث إسنين ماحصلت لحظة طلوع
الهموم تجيبها والعزوم تصدها

كن عيني حارساً موقها حداً قطوع
يلطم الدمعه لو العين لطمه سدها

مير خانتني عزومي ورا قل السنوع
والجهد دمر حياتي وحالي هدها

وإستغلت حاجز الصمت والقلب الجزوع
في ظروف ٍ صاير مزحها مع جدها

حولت محوال قرماً من الميل مهزوع
صرخته بالصوت شم الجبال تهدها

كن ماها يوم يهمل على دور السبوع
من بحور ٍ يلتطم جزرها في مدها

ماهدت لين الشرايين خلتها مزوع
وانتها ماها وجفت وهي ماودها

خلها تبري وتنظف خفيات الوجوع
لو تسيل بدم والا تجرح خدها

ماوقف غيض الليالي على هل الدموع
والحياه إلها خطوباً تجي لابدها

والرجا فاللي له أسجد وخلق اللّه هجوع
قادراً نفسي بصبر ٍجميل يمدها

جعل ابونايف نزيه المبادي والطبوع
في جنان الخلد روحه تحصل ودها

[معكاز شعر @M3kkaz]

الفعل محسوب : والّا الهرج مجاني
والناس يكسب رضاها من يجاملها .

[معكاز شعر @M3kkaz]

عن كلمة الحق محدٍ رابط لساني
اقولها لو جميع الناس مستحيه .

[معكاز شعر @M3kkaz]

يالله عساني ما اتردى فالبعيد وفالقريب
« ابوي ما ورّث لنا غير العلوم الطيّبه » .

[سعد بن دايل الدوسري @albazz122]

مصيبه ذالشاعر 👍✔️
عايض العاطفي القحطاني

في زلتك عينه ثلاثيه ابعاد. وفي وقفتك للطيب عينه كفيفه لله درك يبو فهيد

[أجمل الشعر. @mersal4779]

ممتلي صدري كلام …ماقدرت اقوله
من يعبر عن شعوري..بـ النيابه عني..!

[أجمل الشعر. @mersal4779]

يا عويّشه ما وردتي رس ابو حيشه
رسَّ خلا مدهل للذيب سرحاني

م فوقه إلّا الحمام اليا نفض ريشه
عليه ورق الحمام يجر الالحاني

يَا بكرتي درهمي بي من ورا بيشه
مع رقرقٍ ما يقصك فيه خرعاني

حنا نبي الستر والخاطر يبي العيشه
والعلم يا زريب يوم الدول ياطاني..!
#تركي_الميزاني

[أجمل الشعر. @mersal4779]

اول حياته يحوبي..شاقي فيها
واخر حياته يحوبي..عايف منها..!

#عمالقة_الشعر
#بخيت_السناني(رحمه الله)

[معكاز شعر @M3kkaz]

سود الله لحيتي يوم اترجى واتحرا
احسب ان عيال خلق الله تبي تقضي لزومي

مادريت ان الزمان اللي على حقوقي تجرا
كل يوم يبدد احلامي ويضعف من عزومي

والرفيق اللي عن ايام الشتاء فيه اتذرا
عقب الرفقه وراه وعارض الخط العمومي

ماكذب من قال في بعض الاوادم لا تورا
كل ماتحتاج منه اكثر يبيحن العلومي

صاحب ماهوب ياقف معك في سرا وضرا
لا تجي قدمه على المفرق وتاقف له وتومي

ودك انك ماتعرفه كود من برا لبرا
لا توغل في عماق الناس تذبحك الهمومي

اللهم اني من اصحاب المقاصيد اتبرا
جزت من ضحك الوجيه وجزت من حب الخشومي

[ناصر المجماج @Nasser_Almejmaj]

ما يعوض فالولد لا كثير ولا قليل
الولد فتحة نظر والده و إلا عماه
#عبدالله_الصوع #الشهراني

لا يا عيالي كل أبوكم عزيزين
عندي ؛ وعند الناس كلٍّ وذاته
عندي غلاكم يدفن الزين والشين
وعند العرب كلّ تشاف خِملاته
#مرشد_البذال #الرشيدي

من حديث سابق عن الأبناء في الشعر العامي

[شعر @mg_3u]

انا كل ماجيت الرياجيل في موضوع
معاريف ابوي وذكره الزين يخدمني ..

[موطن القصيد @_mw6n]

لو يسجّ القلب ساعه و يدلَه ساعتين
ما نسى ماضي سنينه و زولٍ فاقده ".

[موطن القصيد @_mw6n]

الكريم أكثر من يحس دايم بـ القصور
والبخيل أكثر من يعيش، دور المرجله

[شعر @mg_3u]

دامني مؤمن بـ ربي و قانع في عطاه
كل هم يضيّق الصدر ، بعطيه ظهري ..

[شعر @mg_3u]

عسى القبور اللي خذت ناس غالين
تهطل عليها من السحايب غمامه ..

[موطن القصيد @_mw6n]

اصدق مع الناس وخلك صافي النيه
" ترا النوايا . . تجمّل فعل صاحبها "