الناس بالكذب ماترفع منازلها
والدين عز الرجال الي يعزونه
واللي علومه ووقفاته يمثلها
لو غش كم شخص خلق الله يعرفونه
يقصر السالفة وإلا يطولها
ما هو بقد الرجال ولا يشوفونه
الطيب ينبع من القلب الصواب
وأنا قلبي صوابٍ نابعٍ منه الطيب
ومن طاب أصله ما تغيّره الأسباب
يبقى على طيبه ولو وقته عصيب
جميل القلب والطبع وجميل الآداب
وفي ساعة اللزمه فعوله ما تخيّب
ما نطلب المدح ولا نحسب له حساب
يكفينا فعلٍ بين الأجاويد ما يغيب