Ziyad H. AlOsaimi

Great things are made quietly

[Ziyad H. AlOsaimi @zhalosaimi]

اللهم صلي وسلم على نبينا محمد 🤍.

[ثمانية @thmanyah]

ماذا قال الشعراء عن الحب؟ 🗨️

[Ziyad H. AlOsaimi @zhalosaimi]

دايم نجي فوق هقوة من هقى فينا
و الوقفة اللي تسرّ العين .. سقناها

شلنا الحمول الثقيلـه ما تراخينا
لا عجّزتنا و لا ضقنا من اقصاها

ما والله اثـقـل عـلينـا مـن أَسامينا
و من فضل ربي حميناها و شلناها

[Ziyad H. AlOsaimi @zhalosaimi]

من عطاني قدري أعطيه احترامي
ومن تجاهلني تجاهلته ، وطفته

ومن يدور قربي أعطيه اهتمامي
ومن يقفي عني أصد ، عنه

والمكان اللي ينزل من مقامي
تنكسر رجلي ليا جيته وحفته

عايش بدنياي والعليا مرامي
ولا جرفني سيل هقواتي جرفته

للكفو تقديري ...وكل احترامي
والردي لا مر في دربي نسفته

[Ziyad H. AlOsaimi @zhalosaimi]

ماهو بعيدٍ ماسمح لي بلاماك
عزي لعينٍ شوفها ما يحوفك

يعتادني عيد الشقا يوم فرقاك
ويعتادني عيد الفرح يوم اشوفك

[Ziyad H. AlOsaimi @zhalosaimi]

يارب عبدك جاك لرضاك نزّاح
وعينه من دموعه توضت وصلت

مازال عهده معك ثابت ولاطاح
لو ان نفسه للمعاصي تفلّت

[Ziyad H. AlOsaimi @zhalosaimi]

الرجل مايملا يده قول ياليت
مايدرك الغايات لو ماطردها

غايتك لو هي في قلوب العفاريت
انزع بـ يدك قلوبها من جسدها

والنفس عطها شفها لو تماديت
استمتع بـ دنياك واطعم شهدها

مادام راسك حي خذ ما استلذيت
روس الجبال يحلها ما عقدها

[Ziyad H. AlOsaimi @zhalosaimi]

معاك أتجرد من مبادي تربت فيّ
وأنا الثابت اللي ما يغير مباديه

أداريك عن ضيقك وأحنّك من أدنى شي
وأنا ما أتلفت ل الخواطر و أداريها

أحبك وأنا اللي لو جميلك علي شوي
قدرت أتناسى ليلةٍ ما أنت بناسيها

أحبك وأنا اللي لو يدور الزمن هي هي
على حطّـة يدين القلوب وهقاويها

[Ziyad H. AlOsaimi @zhalosaimi]

كل عام وانت العيد في عين مغليك
وانت الحيا للقلب ياروح روحي

ما أعايدك بعايد العيد أنا فيك
يافرحة أعيادي وبلسم جروحي

[Ziyad H. AlOsaimi @zhalosaimi]

لاباس .. يا راس ملته التفاكير
وعاف المنام وعاف لين الوسادة

لابد من عقب المصاعب تياسير
والآدمي يصبر .. وصبره عبادة

نتعب ونقطع بالركادة .. مشاوير
وسعي الطفاقه غير سعي الركادة

بكره يبين الصبح ويغرد الطير
وامشي مع العالم واوزع سعادة

[Ziyad H. AlOsaimi @zhalosaimi]

والله اني أحبه و بقلبي حيل أغليه
و خابرٍ مكانه بوسط قلبي و مقرّه

كل ماضاقت فيني هالدنيا أجيه
ولا تهون ضيقته لو أنها كبر ذرّه

أخاف على قلبه و بكل ليلة أداريه
لأنه السبّه في رضا قلبي و المسرّه

أهد كل الدنيا لجله و لجل أرضيه
و لجل يتبسم بالدقيقه مليون مرّه

[Ziyad H. AlOsaimi @zhalosaimi]

يا شبيه البدر مالي عن البسمه غناه
بسمتك تبري جروحي ودافع معنوي

أنت كلك حسن مع زين يا مال الغناه
من سبايبك المعنا يحب ومهتوي

جل ربي كيف صورك بأحسن ما نراه
حط فيك الحسن مالك على الدنيا سوي

أنت مالك وصف من شاف وجهك ما نساه
أنت حسنك يا أتلع الجيد طاويني طوي

[Ziyad H. AlOsaimi @zhalosaimi]

نفوسنا شرهه على كسب الامجاد
ووجيهنا من عزها ما عنينا

مثل الجبال الشمخ الي بلا اوتاد
تفخر بنا قاعن عليها رسينا

نسير ونسير على ديار الاجواد
ونحقق الهقوات لا جت فينا

جزل المديح يلوق فينا وينقال
كانه موصى ينذكر لا طرينا

[Ziyad H. AlOsaimi @zhalosaimi]

خلك وسيع البال وتحصل الخير
وخلك مع العالم حسين التعامل

وسامح رفيقك لا حصل منه تقصير
واصبر ترى مافي المخاليق كامل

[Ziyad H. AlOsaimi @zhalosaimi]

@Shaibani_1 ماشاء الله تبارك الله ، الف الف مبروك يابن مشيّب وتستاهل العلم الطيب ، والله يوفقك ويسهل امرك وعقبال الوظيفة والمناصب العُليا ان شاء الله ❤️ 🙏🏻

[Ziyad H. AlOsaimi @zhalosaimi]

حــاول ترفعّ عن بعــض ما ينــزلك
وحاول تغض الطرف عن ما يضرك

واختر على روس الشواهيق منزلك
واختــر مجالـس ما تهينك تســرك

ورافــق رفيق ٍ باالمواقيف عـز إلك
وابعد عن اللي باالنشب ما يســرك

واقبــل على اللـي لا فيته يفز إلك
ولا شاف كبــوه منك ما بــاح سرك

[Ziyad H. AlOsaimi @zhalosaimi]

يكفيك يا قلبي على ماجرالك
ضحيت في شيً ولا هو بمكتوب

كذبت كل الي تشوفه وجالك
واوهمت نفسك لا خذا وقت بيتوب

كثر الغلا خلاك ياقلب هالك
وكثر الافا يحتاج له صبر ايوب

اشكي على حالي سوايا فعالك
لين الامل في داخلي صابه غروب

[Ziyad H. AlOsaimi @zhalosaimi]

كم صالفت بقعا عساها للذهيب
وفي عزّ شدتها قلبناها ترف

نقدم على رقي المصاعب ما نهيب
ونموت ما تاطى لنا الدنيا طرف

نقصر خطاوينا عن الدرب المعيب
وبالموقف اللي يبهج الخاطر نقف

نطيب لو عيّت ليالينا تطيب
فضلٍ من اللي جمّل الحال ولطف

[Ziyad H. AlOsaimi @zhalosaimi]

@Postcautions يبالها زرفه ذي

[Ziyad H. AlOsaimi @zhalosaimi]

خطوة ضياع، وهلوسة عقل، وإرهاق
ليت الخطاوي فالطريق إستخارت

ياقلبي اللي كنت مغرم ومشتاق
شوف الليالي كيف لفّت ودارت

وقّفت لك كل القصايد على ساق
وثنّيت لك كل الهقاوي وبارت