الشاعر زبار الجذع

استغفرالله

[الشاعر زبار الجذع @zibaar_]

غطرفي يا مدفعيه و ذعذع يا نسيم
و ألتحم يا شعب و الجيش يفعل ما يرا

و انعمي يا كويت في ظل قايدك الحكيم
مشعل الاحمد و يدري به اللي ما درا

قايدٍ بالحزم و العزم ما مثله زعيم
و الخليج امساندينه حكومه و وزرا

كل ما يطلع لنا خصم يطلع له خصيم
والله ليبطي صوابه و جرحه ما برا

#زبار_الجذع

[الشاعر زبار الجذع @zibaar_]

بتقول ولّا بقول لّك
ولّا تراني كذا ماشـي

#زبار_الجذع

[الشاعر زبار الجذع @zibaar_]

يا رفيق الدرب وش فيك متقصي
تحسب انك في عصور الجاهليّة

ارسل الحر العريب ولا توصي
المثل ماثور والدنيا مديّة

كان عندك هرج عم ولا تخصي
يكسب الاولى رجال الأولويّة

لا تنصيها لصاحبها تنصي
خلها ما بين نجضانة ونيّة

#زبار_الجذع

[الشاعر زبار الجذع @zibaar_]

مبروك تخريج الامير الزريبي
اللي شَهَر بالمرجلة والطّبابة

مطنوخ ومعرب، وحر وطبيبي
ومن شكر ربي ، كل مدحن حضى به

والطيب صعب ودونه امرن صعيبي
يستاهله مثله وحضرة جنابة

[الشاعر زبار الجذع @zibaar_]

@Q8Otaibi صح بدنك والله يجزاك خير 🌹

[الشاعر زبار الجذع @zibaar_]

خل السنون تروح مع درب من راح
مادام راسي حي تبقى عوافي

العمر ماهو طير يرجع لملواح
واثبت عليه ببصمتي واعترافي

محدٍ على الدنيا مخلّد ومرتاح
يالله بحسن الخاتمه يالسنافي

اقولها من هاجسٍ وقت الاصباح
يوم ان كلٍ نام والجو صافي

#زبار_الجذع

[الشاعر زبار الجذع @zibaar_]

يا معاتب حيلته ما على الله مستحيل
رحمة الله واسعه والفرج بجوارها

اعبد الله واطلبه ، لا تّرجى من بخيل
الله اللي كل خلقه يِّعرف اسرارها

الولد يصبر على الصعب والحمل الثقيل
والكرامه راس ماله وكاره كارها

والليالي لو علينا بميلتها تميل
ما درينا عن ذهبها وعن فخارها

#زبار_الجذع

[الشاعر زبار الجذع @zibaar_]

يا موفر المال و مربيه
تراك في سريتك غادي

لانت متصدق ولا معطيه
و بقيت للمال عبادي

و الدين فينا و حنا فيه
مقضات حاجه للاجوادي

و المال في واجبه نفنيه
ما حدّنا للردى حادي

#زبار_الجذع

[الشاعر زبار الجذع @zibaar_]

بخيّرك يا طير شلوى حاجتين
واختار منهن يا السنافي ما تبي

تبي بلاد الشام ولا الرافدين
ولا تزور البيت و تزور النبي

#زبار_الجذع

[الشاعر زبار الجذع @zibaar_]

#زبار_الجذع

[الشاعر زبار الجذع @zibaar_]

#زبار_الجذع

[الشاعر زبار الجذع @zibaar_]

اخذتلي عن ضيقه البال سجه
ارجو من الله تبعد الضيق عني

والمجلس اللي فيه صجه ولجه
ماني بلامنه ولاهوب مني.

يارب ترزقني بعمره وحجه
وباق المصالح غيرها ماشحني

[الشاعر زبار الجذع @zibaar_]

#زبار_الجذع

[سعد بن زبار القودا @s_al_3tibe]

ابيات لـ والدي @zibaar_

مرحبا باللي اقباله عذابً لي
كل ما شفته تذكرت ماضيّه

لا تلوم العين لو دمعها هلي
عن سؤال الحال يكفيك ما فيّه

الزمن غدار بوار و مولي
ينكب الابطال نكبه جنونيّه

وش نبا ناخذ من الوقت وانخلي
مالنا غير اللحون الهجينيّه

#زبار_الجذع

[الشاعر زبار الجذع @zibaar_]

@m_wzfr صح بدنك و جزاك الله خير و يحفظك من كل مكروه انت و من يعز عليك

[الشاعر زبار الجذع @zibaar_]

صحيح البكا مايرجع الرايح الي راح
ولاعاد لي فالامر حيله ولا قوه

خذيت التعازي فيك لين ان دمعي باح
ولاضل فعيوني من الدمع تلهوه

[الشاعر زبار الجذع @zibaar_]

يا هيه ياللي فـ العباه امتغبّي
لفّيت وجهك مير زولك عرفناه

بـ الحب تطفي كل نورٍ يشبّي
و بـ الحقد تشعل كل نارٍ مطفّاه

والله ما دام الهبايب تهبّي
لـ تبقا عتيبه مثلها بالمثاراه

موحّدين الصف من فضل ربّي
عيال عم وفعلهم بـ المساواه

#زبار_الجذع

#عتبان_الخامسة

[الشاعر زبار الجذع @zibaar_]

@m_wzfr صح بدنك

[الشاعر زبار الجذع @zibaar_]

عشرةً ماهي على الضيق والشدة تدوم
لا تعذب روحك الطيّبه منشانها

لا ترجى من وراها دفاع ولا هجوم
عنكبوتٍ بيتها تنسجه بلسانها

بيعها برخيص ماعاد لك فيها لزوم
ما بقا الا قطعةً من طرف فستانها

#زبار_الجذع

[الشاعر زبار الجذع @zibaar_]

@saad_alotaibi_q صح بدنك يابو عبدالله