زايد

[زايد @zs273]

بسج في شف الشناح ام خرطوم
خطوا سناد حبها ؛ محتويني
ممشاي في مشهتاها لو بعض يوم
يرد لي روحي ويبري ؛ كنيني

[زايد @zs273]

يامعدي المرقاب خله لمشتاق.
حول وخل معذب القلب يرقا.

ياليت ربي ماخلق حب وفراق.
ولا خلق حب على غير فرقا

[زايد @zs273]

مايلوي ذراع الصبر غير الأقدار
أو دعوةٍ نامت بمتن السحابة

شي نبيه و يمضي العمر ماصار
وشي يصير و ما حسبنا حسابه

[زايد @zs273]

اكرام للماضي،، وتكفير للجاي
زرني ولو من ضمن الأحلام مره

راحت حياتي في مواعيد رجواي
العمر يمضي والجوارح تشره

[زايد @zs273]

"لاتسولف لو جميلك في محلّه
لايضيع الأجر ، وتضيع الجماله" .

[زايد @zs273]

على ثرى الصمت هبي يارياح الكلام
بوابة الضيق مفتاح الرخا والسعه
.
.
مصير نور الصباح يقدّ ثوب الظلام
والصبح خيره معه والليل خيره معه

[زايد @zs273]

الناس فأول لقى ميه على ميه
ومشكلتي اني ما أصيد الناس من بدري

عفوي واعامل عباد الله بعفويه
وأطير فيهم واقلطهم بصدر صدري

كم واحد تحسبه ماشي على النيه
وتلاحظ انك على النيه ولا تدري

[زايد @zs273]

شتّـان بين الواقع اللي نعيشه
وأحلامنـا اللي مثلنـا ..ماتجرّا

الحلم من صدرك لحدّ الدريشه
والضيق من حدّ الدريشه..وبرّا

[زايد @zs273]

ان جيتني محشوم وان رحت مستور
مانيب أحب الحاجه اللي .. ماهي ليْ

وعسى التعب مخلوف والذنب مغفور
وعساني ما قصـّرت معك …. في شيْ

[زايد @zs273]

اللهم إني أعوذ بك من زوال نعمتك، وتحول عافيتك وفجاءة نقمتك، وجميع سخطك

#يوم_عاشوراء

[زايد @zs273]

عسى الله يجيب الخير ويحقق المطلوب
مادام الظنون ،، بـ مالك الملك ما خابت .

#صباح_الخير

[زايد @zs273]

تدري متى تندم على فزعة الطيب
لا شفت مردود الجماله . . نذاااله

ما يذكر المعروف غير الاصاحيب
وما يجحد المعروف غير الحثاااله ..

[زايد @zs273]

حتى لو إن النفس بالعزله تهيم ..
كم واحدٍ مجروح ، لكن ماشكى ..

لا تقنع بجملة .. ترا قلبي سليم ..
القلب ماله صوت لا منّه بكى

[زايد @zs273]

عليك السلام الواجد اللي مهوب شـوي
ياشيٍ تفاصيله مع سجة السآهي !

لآمني بغيت آنساك و أقـول منت بشي
ذكرت آني معاهدك في وجهي وجآهي !

[زايد @zs273]

المطر "شيخٍ"توارثنا غلاه
كل ماهلّت مزونه من وريف

عالج المرضان أكثر من دواه
ولوّن الدنيا على عين الكفيف

[زايد @zs273]

ارهني بالوصل والقرب جعلك ما تهون
لا تمادى في سما البعد ياعذب اللما
ㅤ
ما ورى طول المفارق سوى كثر الطعون
والمواصل يدمل الجرح ويبل الضما
ㅤ
جعل دارٍ ضمّت اخطاك تسقيها المزون
جعلها من صادق الغيث شق ٍ من سما

[زايد @zs273]

بتصد ؟ صد وروح لا تمتحني
مُصيرّي أبنساك مهما تعلقت

كنت أتضايق منك لاغبت عني
والحين لو غبت الدهر ما تضايقت

مابي أقول الوقت ماخذك مني
أنت الذي قفيت فجأه مع الوقت .

[زايد @zs273]

تطري علي في مقطع ما به ارسال
واشتاق لك شوقٍ يجدد جروحي

والى تذكرتك وانا عندي رجال
قمت اتبسّم بيني وبين روحي

[زايد @zs273]

اللهم صل وسلم على نبينا محمد

#يوم_الجمعه