دِلهَام

[دِلهَام @0qtl_]

السماء فيها من يُجيب فلا تحزن ولا تخيب

[دِلهَام @0qtl_]

@khalid_oun ما جعل كبدي شوايا و خفاقي وسوم
غير حبي للنشاما و حبي للبنات

[دِلهَام @0qtl_]

كل ما أذنبت وتذكرت غفار الذنوب
تنغرس بين الجوانح قواطيعٍ رهاف

أنجرف للّهو والغي واللحن الطروب
وإن سمعت الله أكبر خفق قلبي وخاف

والله لا فيني جهالة ولاني بمغصوب
غير يشعاني من إبليس واعوانه إشعاف

يالله اغسلني بعفوك وشد أزري بـتوب
ساعةٍ فاضت عيوني على صحن الطواف

[دِلهَام @0qtl_]

حاول تعسّف النفس وتحث الرجل
بعد صلاة الفجر و خيوط الصباح

ترا النجاح أخر محطات الفشل
وترا الفشل أول بدايه للنجاح

[دِلهَام @0qtl_]

اللَّهم صلِ وسلم على نبينا محمد ❤️

[دِلهَام @0qtl_]

ذكريات الراحليـن أشد من فرقاهم
من فتح له خانةٍ فـ القلب ما سكرها

[دِلهَام @0qtl_]

فاقدٍ لي تحفةٍ نسيانها ذنب و ظليمه
الوطن هذا وطنها والبلد هذا بلدها

الشموخ اللي محبتها ولو غابت مقيمه
بينها وبيني مقادير الزمن تبذل جهدها

هي عظيمه بس و الله مادريت انها عظيمه
لين قالوا مايعَرف الحاجه إلاّ من فقدها

[دِلهَام @0qtl_]

الوقت ساومني على راحتي لين
قررت أثمّن راحتي و أشتريها

المستريح اللي جمع بين ثنتين
صدرٍ وسيع .. و ذاكره لك عليها

[دِلهَام @0qtl_]

معاد طاب لي ممشى ولا طاب لي مقعاد
مراحي ومقعادي طريقين مستويه

ترا اللي جعلني طول وقتي حزين فواد
مسير القدم والنفس مهيب مهتويه

[دِلهَام @0qtl_]

عداك الملام وشرهة الولف يا نزّاح
عن دياري اللي مانت بأول خسايرها

تبعت السراب إلين سلّمك للمرواح
ولدّيت ! وعيوني .. تزوّر عبـايرها

قنعت وتركتك للزمن والزمن فضّاح
على مهله أسرار المخاليق يظهرها

بقى لك معي ذكرى ليا غمض المرتاح
تمشط بقايا كبدي بـ روس أظافرها ".

[دِلهَام @0qtl_]

ضعاف العقول اللي يقولون سوّ وسوّ
اذا قلّت الحيلات ويش انت بتسوي ؟

[دِلهَام @0qtl_]

كلمتينٍ كايده من يحصلها ارتوى
قولة أحبك وقول النشامى والنعم

[دِلهَام @0qtl_]

تبي الصدق توجع كبوة الظن لاظنيت
تمنيت بعدك قبل لا اشوف باطنها

علي شرهتي ولانت وش عاد لو صديت
وجيه الرجال تساق للي . . . يثمنها

[دِلهَام @0qtl_]

من دونك الليل موحش والدقايق طوال
ملّيت وانا آنتظرك وعيني لـ ساعتي

إن ماقدرت المجي لا تبخل بـالاتصال
اشتاقت اذني وجوّالي وسمّاعتي

[دِلهَام @0qtl_]

@hagy111 @khalid_oun عز الله شاعر مبدع جداً محمد ال شواي وقصيده الزين واجد وله بيت معجبني جدا :
( اكحل عيون اخوان شما بالافعال
ولا الكلام اكحل به عيون شما )
وإن كان لكل شاعر معلقة ف قصيدته اللي مطلعها حي الله اللي ليا ذا الحين ماجانا هي معلقته من وجهة نظري .

[دِلهَام @0qtl_]

« والله انه مابعد سج فكري واستراح »

[دِلهَام @0qtl_]

" تغريني البسمه على وجهك الزين
مثل ما يغريني المطر في بلادي "

[دِلهَام @0qtl_]

@odud425 @saleh_neshaira يخوك ظني التبس عليك الفهم أو القراية يقول هل الجيش والخيل والجيش المقصود بها الهجن الركايب المستخدمة للحرب أو بشكل عام البل طال عمرك

[دِلهَام @0qtl_]

"الا ياوليفي سيطرتكم … تولتني
كِتْب حبّكم في القلب و موضحٍ كَتبه

أشهّد على حبك مْلوكٍ على متني
ويشهد ضميري من ونينٍ تنهَّت به

أراعيك بالذكرى وذكرك يقوّتني
ولو غاب ذكرك ويش عاد أتقوَّت به؟"

[دِلهَام @0qtl_]

قدرتك يا رب تحيي الرميم من العظام
ورحمتك تنشاف حتى على نسّايها

انا واحد يعرف المستقيم ولا استقام
وانت بيبانك وسيعه على نصّايها

[دِلهَام @0qtl_]

أَيا جارَتا ما أَنصَفَ الدَهرُ بَينَنا
تَعالِي أُقاسِمكِ الهُمومَ تَعالِي

أَيَضحَكُ مَأسورٌ وَتَبكي طَليقَةٌ
وَيَسكُتُ مَحزونٌ وَيَندِبُ سالِ؟

لَقَد كُنتُ أَولى مِنكِ بِالدَمعِ مُقلَةً
وَلَكِنَّ دَمعي في الحَوادِثِ غالِ

- أبو فراس الحمداني :