∉

قعدوا يقولوا ربنا هايكرمك هايكرمك لحد ما كرمنى و قعدت 8سنين كليه تجارة،ماسكه ف حلمى وماشيه بيه تاتاتاتا عشان مايسقطش

[∉ @10414MSM]

Every saint has a past. Every sinner has a future.

[حُذيفة @omkolthfankonto]

مش مظبوط كنت بروح لثيرابست محجبة شكلها شبه امك اللي هتعملك فراخ وتقولك يابني مانت واكل فراخ ايه مزعلك ومتكلمتش معايا كلمة واحدة في الدين بالعكس كانت بروفيشنال فشخ بس ده منطقي السيشن كانت بالف وشوية

[Diva🍷 @nthmakesense]

تخيلوا العريس اللي رفضتوا رافضني هو كمان ليه ليييه ؟ لييييه بجد؟ بالحرف عشان ايديها ناعمه و مهتمه بضوافرها ( شكلها مش بتغسل مواعين ) ؟ احااااا!! ادي الرجاله يا سيدي لا و

[KnifeOfDay 🇵🇸 @abdalaziznahla]

اوردر الاكل بتاعي اتكنسل لأغرب سبب
الديليفري اتمسك في كمين

[Hany Heiba @HanyHeiba]

كنت بطلع إستمارة بطاقة من حوالي ٤ شهور فالموظفة قالت تدفع فيزا، طلعت الموبايل أدفع ب Apple Pay قالت لازم كارت فيزا ورفضت إني أدفع بالموبايل وبعد محاولات معاها قولتها نجرب ولو الدفع (عملية ناجحة) يبقي إتحلت، في الاخر وافقت وبعد الدفع قالتي ازاي ده، اول مرة أشوف حد بيدفع بالتالافون

[أُمْنيَّة مَجْدِي @OmnyaMagdy]

الانسان لو بيشوف العلامات اللي ربنا بيبعتهاله هيبقى في حتة تانية

[ADEL @aadelfrg]

في محل مخبوزات في الشارع عندنا اللي ماسكه عبقري .. عامل جروب واتساب وبينزل صور أول بأول للحاجات اللي خارجة من الفرن .. تبقى قاعد في أمان الله تلاقي إن الفينو بالسمسم لسا خارج حالًا أو فطير سمنة بلدي ينادي عليك

[Kareem Medhat @kareem_medhat]

تبقى انت قاعد كدا و فاكر الدنيا دي ماشية بمجهودك و انت ولا دريان ربنا ساترها معاك ازاي و باعد عن دايرتك الأشكال اللي زي الشاب دا من غير ما حتى تفكر

[nonexistent @doiibelong]

تعرفوا ان ردود الفعل دي ساعات بتبقى سبب في تغيير عقلية الرجالة بجد ونظرتهم للحاجة؟ هو بيبقى مستني فاليديشن على كلامه وافكاره فا لما مبياخدهوش بيبدأ يشك فيها ويراجعها ويتوصل لان ايه الغباء اللي قولته ده فعلا
المهم يعني ابقوا اتكلموا ووعوا الناس لو فيهم امل مش بهايم

[بَ @thegoddmother]

فيه سواق حصلت صدفة و ركبت معاه كذا مرة ودايما بنزل اخر واحدة النهارة قالي انا كل يوم في الموقف متركبيش مع حد غيري
الحمدلله اول مرة حد يصر على وجودي

[سامح عمر @Sameh_omar]

بنت أخويا دخلت أولى جامعة يوم الأحد اللي فات... جامعتها تعتبر في طريقي إلى حد ما "بأخرج عن طريقي ٢٠ كيلو بس في هاي واي فمابياخدش وقت قوي"... من ساعة مابدأت تطوعت لتوصيلها وبقيت أنام ساعة بدري وأصحى ساعة بدري 😭

مع إن الصحيان بدري حقير لكن أنا بأحب ولاد اخواتي زي عينيا

[nonexistent @doiibelong]

افتكرت لما كنا فالكلية وصاحبتي دفعت المصاريف ب فوري عالكود اللي الكلية حطاه عادي عالويبسايت بتاعها وروحنا نوريهم عملوا مشكلة قعدنا فيها ساعة عشان لاااا فين الايصال الوووورق اللي بيطلع من المكنة لما بتدفعي؟ يجدعان دفعت اونلاين، اتصرفي وشوفيلنا ايصال ورق بقى

[🍁حد يلحق"دي" @Scarletred435]

واحده صاحبتي مره رفضت عريس مونتير كان متقدم لها عشان فوسط الكلام حكالها انه زمان كان مقدم في كذا مكان منهم قناة الجزيرة واتصلو بيه قالوله تعالى قطر عندك انترڤيو وبعتوله تيكيتس وحجزو الاوتيل وكل حاجه وكان طاير مالفرحة مش مصدق
سافر فعلا وهو متحمس جدا ،وكان بقاله ساعات كتير مابينامش بسبب السفر فلما وصل الاوتيل نام
تاني يوم الصبح الألارم رن فتح عينيه وقعد يفكر شويه لقى النوم حلو اوي فإختار بكامل قواه العقليه انه مش هيروح الانترڤيو وانه هينام
وفعلا نام وفوّت الميعاد وقعد يوم ولا حاجه ورجع مصر🥴
يعني راح قطر نام ورجع ،هي رفضته عشان الموقف ده بالتحديد من غير ماتقوله انه السبب مع انه كان اشتغل بعدها واموره تمام

[Omar 🇵🇷 @Omar____p27]

@J_nniill الإنسان بطبعه اجتماعي، وفطرته في الونس واللّمة.
الإنسان بيحب الدفا وبيكره البرد، بيحب الحضن والمشاعر والأُنس...
قلة الكلام قاتلة، غياب الأشخاص اللى بيحبوك لشخصك وبدون سبب أو منفعة كفيلة تقتل حياتك ومتخليش ليها معنى ..
( عشان كدا الزواج سُنة وفطرة، وهدفه المودة والأُلفة)

[ياسمين عزت @yasmeen_ezzat4]

انا بابا عشان يهرب من التجنيد سافر الامارات وحرفيا كان هربان وقعد فوق ال ١٧ سنه ميشوفش امه ولا ابوه وطريقه التواصل ضعيفه تقريبا جوابات، قطع صله الرحم عشان الجيش واتحرم من عيلته حرفيا بس فتح شركتين مقاولات ولم كل قرايبه الشباب وعمل لنفسه اسم عشان الناس كانوا اكلين وش جدي حرفيا

[Naje🧸 @Najefouad22]

مش فاكر حكيتلكو ولا لأ
بس أبويا فالتمانينات كان معدي كدة لقى استراليا فاتحة باب الهجرة، راح عمل المقابلات واجتازها بنجاح وكانوا هيوفروله كل مقومات السفر والإقامة. وعند معاد السفر مراحش.
عشان كان أول يوم عيد الأضحى ونقطة ضعفه الفتة.

[lt’s Mennaa @MennaaSeliim]

ولية أمر ولد درستله السنة الي فاتت باعتالي على انستجرام ڤويس نوت الولد بيقولي “ I miss you so much, where are u I can’t see you at school “ طب…طب اشرحله ازاي دلوقتي اني مضيت استمارة ٦ من ٣ شهور 😭

[Youssef @yossf1o1]

بتكلم مع عبدالله اخويا ف فكره الجواز هو شايل بنته قالي لو أنت مش جاهز نفسياً عشان تتناقش وتتفاهم مع كائن طوله نص متر عن ليه مينفعش ياكل سلك الشاحن متتجوزش😂

[لا إله إلا انت سبحانك اني كنت من الظالمين @Sica_L1]

أيوة فعلا البنت لما بتترفض
بتفبرك صور للشاب الي رفضها عشان تسوء سمعته وتبتزه وبتبعتله تهديدات أو بتغتصبه أو بتقتله

[Marina Girgis @MarinaHgirgis]

بابا كان نجار شاطر
بس اختار الوظيفة الثابتة اللي في مكان شيك و مرتب ثابت علشان يقدر يتجوز ماما
حلم حياته بعد المعاش يرجع للنجارة بس مجهوده البدني مش مساعده على الحاجات الكبيرة الكاملة
حقيقي بتمنى اقدر اعمل لاين جديد مرايات بالخشب علشان يرجع تاني يعمل حاجات بأيده حتى لو بسيطة

[sha @177839918I1]

هذا الشخص صانع محتوى صيني ترك الشغل المكتبي ورمى شهادته الجامعيه بالدولاب وقرر يعيش الحياه الي يبيها بقريته الام، وهذا سببب سعادته بالمقطع