alamri

ثوب الوفاء ماهو على الكل لايق

[alamri @1btn_]

😖

[alamri @1btn_]

لاتدقق فالعلوم اللي تمرك
لو تشوف الالسنه قامت تمدد

عادة ضعيف الروابع لاتغرك
لانتهى عقد الردا منه يتجدد

اذخر اللي لابدا اللازم تحرك
واترك اللي فالمواقيف يتردد

لاتعنزها على اللي مايسرك
الحمول تدور الحر المردد

[alamri @1btn_]

يابحر والله ماشيّب روسنا غير الرّجالة
عيب نسكت وإن هرجنا كلمة الرّجل محسوبة

[alamri @1btn_]

غلاك عندي لو شرب منه العطشان
يموت ماذاق العطش ف حياته

وقدرك بصدري لو نزل وسط الأنذال
تعلمو دروس الوفاء والصداقه

[alamri @1btn_]

تنومسي بي لعنبو بارد الحيل
مايلحقك يابنت فيني ملامه

قولي عشيري آيه العصر والجيل
قرمن ينومس من يحب القرامه

نذرن علي والنذر مافيه تبديل
ياجارحك مايهتني في منامه

قلتها وانا قد الليالي المقابيل
من داسك لك جره تراني كعامه

وان كان ماني من خيّار الرياجيل
عطيني البرقع و دوك العمامه

[alamri @1btn_]

🔋

[alamri @1btn_]

لاتساومني وانا ادري وانت تدري
إني أعاف الجفى لكن ما أخافه
خابرٍ قدرك بصدري بس صدري
ما تعود يلحق المقفّي حسافه

[alamri @1btn_]

تكفى تغانمني قبل ما أجاور أصحاب القبور
أنا لو إني منك قمت بواجبي ب أكمل وجه

[alamri @1btn_]

صاحبة عرش الجمال و صانعة دستوره
س��دة عذب الوصوف معربٍ مجناها

ساكنة بأرض القصيد و سابحه في بحوره
كل خصله من خصال المترفه تزهاها

من غلاها تنحني بيض الحروف و طوره
و القصايد في حلاها تنثر أحلى ماها

صاغها ربي ملاكٍ طاهرٍ في نوره
و المشاعر و القصايد ودها برضاها

[سعود المالكي @aaud0]

أنتِ الوفا وأنتِ الغلا
وأنتِ سنينٍ مقبلات
يا ضي عيني والملا
يا أحلى من كل الفاتنات
تراودك طيوف الولا
بين السهر والذكريات
نبع الكرامة والحلا
وقت الظروف القاسيات

[alamri @1btn_]

انت ماتعرف لواهيب الشموس
وجهك ابيض مثل وجه المعرسه

[alamri @1btn_]

لو اللّٰه يسلطني على اللي يحرث النار
رميته ورا بحرٍ تلاطم به أمواجه

سمحنا من اللي زلته مالها معذار
وعن اللي علينا قلبه أسود من الصاجه

وعن اللي ليا طاح الجمل صاح للجزار
ودعى للشماته شلته واوقد سراجه

لكْن الحسود اللي مقامي يزيده نار
ماني سامحٍ منّه ولا آسف على إزعاجه