مُنذر بن عثمان | شاعر 🇸🇦

ليسَ كل ما يُكتب يدل على شخصيّة الكاتِب

[مُنذر بن عثمان | شاعر 🇸🇦 @1mncr]

هذي ديارٍ روسها ما قد وطت
من بعْد شيخ منوّخٍ لجبالها
الّي على سَيف العزيز توحَّدت
يوم السّيوف إستآمنت بإرجالها
والخيل ثارت وأجفلَت وأتفرّقت
هذا العزيز الّي رفع منزالها
#السعودية

[مُنذر بن عثمان | شاعر 🇸🇦 @1mncr]

مانيب لا طيّب ولاني بوجعان
الخيل سرّحتها والليل توّه

يا بن بديوي انا مانيب خرمان
لكنّي اكنّ دخانه وضوه

دخّان لكنّ ماهو بأي دخان
يتْعبك في كنّه ويعجبْك جوّه

كم قلت احبه الين اصبحت ندمان
وازيد في الجرعه وياخذني نوّه

[مُنذر بن عثمان | شاعر 🇸🇦 @1mncr]

من دنّسو بغداد والّي دنّسو صنعا
كل ما نسكر بابهم طقّو على المزلاج

لو ما يتوب اللي يصدًر للبهم مرعى
بيشوف ما لا شاف من صدّام والحجاج

#السعودية_خط_احمر

[مُنذر بن عثمان | شاعر 🇸🇦 @1mncr]

@wdan88468175 @vDvvea @w41u391 هههههههههههههههههههههههه

[مُنذر بن عثمان | شاعر 🇸🇦 @1mncr]

تعبت اشبّ النار في بيتي وانا حرّان
لجل الدفى يوصل بيوت قلوب بردانه

وتعبت اعاتب شخص لا وافي ولا خوّان
ولهان بس بعض البشر ماهيب ولهانه

[مُنذر بن عثمان | شاعر 🇸🇦 @1mncr]

يالنايف اللي كلّ ما رفّ الجناح
نتّفت لي ريش الطيور الشّاهقه

جيتك ابي آورد من العذب القراح
وسقيتني سمّ ولهيب وشاهقه

[مُنذر بن عثمان | شاعر 🇸🇦 @1mncr]

عوافي اللي راح واللي جاك مقسوم
مافيه شيٍ كنت ابيه الا وخسرته

مدري الوم الحظ ولا ويش الوم
البير فاضي والبحر ماقد وصلته

[مُنذر بن عثمان | شاعر 🇸🇦 @1mncr]

ما كنت اناسبك ولا كنت انت تناسبني
مدري لعبنا سوى ولّا تلاعبنا

غلطه ومرّت.. ولا بزيد في ظنّي
كل ما تزيد الهقاوي… تصعب الونّه

[مُنذر بن عثمان | شاعر 🇸🇦 @1mncr]

ان شلتها في القلب زادت لهبها
وان قلتها… فضحت خافي شعوري

مدري اخربها واولّع حطبها
ولّا التزم بالصمت وارضي غروري

[مُنذر بن عثمان | شاعر 🇸🇦 @1mncr]

كل ما تهيّا علم وبانت لي علوم
انفض غبار الشك من دون ريّه

واحسنت بالنيّه الين اصبح اللوم
علي.. وانا بس اللي احسنت نيّه

اعوذ بالله من مخاوى الرخوم
واعوذ به من قلّة المقدرية

اللي بغاني جيته بشمس ونجوم
واللي رحل يا جعلي ما اشوف جيّه

[مُنذر بن عثمان | شاعر 🇸🇦 @1mncr]

يضيع كل هايم على ما هام تفكيره
واضيع في نفسي واعيش الكون بلحالي

اصدّ عن بعض البشر لا زاد تبريره
وقت الخطى واكبر خطى لا جاك من غالي

[مُنذر بن عثمان | شاعر 🇸🇦 @1mncr]

يا مودعين الفرح في خاطري اعياد
شمعه طفت وامنياتي اصبحت "مابي"

مابي عذاب وكفايه جرحي المعتاد
من بعد ما كنت اخطط وارسم كتابي

[مُنذر بن عثمان | شاعر 🇸🇦 @1mncr]

يا سعود خلّك في شعورك ومبناه
يا كم قصيده دحدرت في مطبّه

على بحور الشّعر ما قد تخطّاه
غير القلم والّي كتَب فيه ذبّه

بحّار لكن ما درى وين مجراه
يمشي على مجرى الرّياح ومهبّه

يرفع يدينه داعي وقال يالله
ولا يدري وين القبله ووين ربّه

[مُنذر بن عثمان | شاعر 🇸🇦 @1mncr]

تعبت اعيش الدّور خلف الكواليس
وانا البطل لكنّي صرت الضحيّة

ما عاد في ليلي شموس وفوانيس
واللي بيدي خذته خسرته بيديّه

[مُنذر بن عثمان | شاعر 🇸🇦 @1mncr]

تغيّرت فيني افكار وقناعات
ولا شيّ يبقى على وضعه وحاله

طبع الزمن له طريق وله مسارات
وما يكسب الواحد الّا ما سعى له

جتني علاقات وقد راحت علاقات
طبعي مع الكلّ ثابت ما تغيّر مجاله

واهل الردى والجحاده والمزاجات
انا اعتزلت الدروب اللي عليها ثقاله

لا تسقي الخمْر في مبنى الوزارات
يضيع حقي اذا صاب الوزير الثّماله

ولا تزرع الورد فوق قبور الاموات
ما ردّها الموت ولّا للإزاله

يا اصحابنا… العمر رايح وفوّات
لا تزرع الدّرب شوك لمن مشى له

وكل دقّه وكل كلمه واشارات
حفظتها في كتاب وفي رساله

ماهوب ذا الحين بتذكّرك الاوقات
وان جيت ندمان او رحت بسهاله

حفظت قدرك وكم عدّيت زلّات
الين ملّ الصبر وملّ حاله

[مُنذر بن عثمان | شاعر 🇸🇦 @1mncr]

وقّفي يا بنت الاكبار على مفرق السيح
الوداع اكبر جريمه والمصيبه اعظَم

البلا في القلب ليت القلب كان كسيح
ليت ما عندي مشاعر… ليتني ما اهتم

طرّف الموّال يسعود القلوب تصيح
طرّف المّوال يسعود الغلى تهدَّم

بين غدرات الزمن واغلاط وتصحيح
كنت اراجع كل قراراتي واعيد واندَم

يالطريق اللي سلكته مُتعب وجريح
ضايعٍ في خطوتي حتّى الطريق اظلَم

كل ما جيت اسري لدرب الفراق اطيح
وان جيت انام اقول يارب فيك احلم

[مُنذر بن عثمان | شاعر 🇸🇦 @1mncr]

@Rashedk1988 @fayez_malki البيت ذا مكسور

[مُنذر بن عثمان | شاعر 🇸🇦 @1mncr]

التضحيات اللي انطوت في درب الاستخلاف
كل شي مؤكد ما لقيت اي شي محتمل

اكبر طريقٍ للهلاك بلا كذب واجحاف
العشق والحب والغرام بكل ما حمَل

اشن حربٍ فيك اشد من حرب الاستنزاف
واللي اكتشفته مالي ناقه فيك ولا جمل

يوم اروي القصه معك واعيد الاستكشاف
الاحظ انّي وحدي كنت احارب الامل

[مُنذر بن عثمان | شاعر 🇸🇦 @1mncr]

يا ناعسة طرفك الأكحل حزين
والليل زاد بظلامه وانثنى

ان كان شوقي يهمّك والحنين
طلّي من الغيم يا سَعد الجنى

[مُنذر بن عثمان | شاعر 🇸🇦 @1mncr]

@SaeedAlNaji الشطر الثالث مكسور

[مُنذر بن عثمان | شاعر 🇸🇦 @1mncr]

على كتفي ياكم شلت الهموم وشلت الاوجاع
وضاقت فيني الدنيا وانا اخبرها وسيعه

كأني بالسيوف احارب ظروفي والاوضاع
و اوقف وقفة الابطال في وقت الشنيعه

تربينا على عز النفوس و شيم الاطباع
وشربنا من شراب العزّ والرايه الرفيعه

لغير اللي خلقنا ما انحنى راسٍ ولا طاع
تموت ارواحنا و روسنا تبقى رفيعه